Жөндөө мүмкүнчүлүгү

Тилди тандаңыз

Кошумча менюну көрсөтүү

Мазмунун тизмесин көрсөтүү

Мазмунун көрсөтүү

Жахабанын Күбөлөрү

кыргыз

Онлайн Ыйык Китеп

ЫЙЫК КИТЕПТИН «ЖАҢЫ ДҮЙНӨ КОТОРМОСУ»

Ышая 7:1—25

7  Жүйүт падышасы Узия уулу, Жотам уулу Ахаздын+ күндөрүндө Сирия падышасы Резин+ менен Ысрайыл падышасы Ремалия уулу Пеках+ Иерусалимге каршы согуш ачышты, бирок басып ала алышкан жок+.  Дөөтүнүн үйүнө: «Сирия Эпрайымга+ таяныптыр»,— деп билдиришти. Ошондон улам падыша менен элдин жүрөгү шамалга термелген токой дарактарындай титиреп чыкты+.  Ошондо Жахаба Ышаяга мындай деди: «Уулуң+ Шеар-Жашуп* экөөң Ахазды тосуп чыгыш үчүн кир жуугандардын талаасына кеткен чоң жолдун боюна+, жогорку көлмөдөн башталган куурдун*+ аяк жагына баргыла.  Ага мындай де: „Сак бол, тынчсызданба+. Ушул түтөгөн эки чычаладан, Сирия падышасы Резин менен Ремалиянын уулунун+ кайнаган каарынан коркпо, жүрөгүң түшпөсүн+.  Сирия менен Эпрайымдын, Ремалиянын уулунун сага жамандык кылууну ойлоп:  “Жүйүткө барып, таш-талканын чыгаралы, кирип барып, басып алалы. Ал жерге башка падыша коёлу, Табелдин уулун падыша кылалы”,— дешкенинен коркпо+.  Эгедер Теңир Жахаба мындай дейт: “Бул оюңар ишке ашпайт, ордунан чыкпайт+.  Анткени Сириянын башында Дамаск турат, Дамасктын башында Резин турат. Алтымыш беш жылдын ичинде Эпрайым талкаланат, эл болбой калат+.  Эпрайымдын башында Самария турат, Самариянын+ башында Ремалиянын уулу турат+. Эгер ишенбесеңер, көпкө туруштук бере албайсыңар”“»+. 10  Анан Жахаба Ахазга: 11  «Жахаба Кудайыңдан жышаан сура+. Ал жышаан көрдөй* терең, асмандай бийик болсун»,— деди. 12  Бирок Ахаз: «Сурабайм, Жахабаны сынабайм»,— деп койду. 13  Ошондо пайгамбар мындай деди: «Оо, Дөөтүнүн үйү, укчу. Адамдарды чарчатканыңар аз келгенсип, эми Кудайымды чарчатайын дедиңерби?+ 14  Ошондуктан Жахаба өзү силерге жышаан берет: кыз+ кош бойлуу болуп+, уул төрөйт+, атын Эмануел* коёт. 15  Бала жамандыкты четке кагып, жакшылыкты тандап калган убакта+ май, бал менен гана азыктанат. 16  Ал жамандыкты четке кагып, жакшылыкты тандаганга чейин+, жүрөгүңдүн үшүн алган эки падышанын жери бүт бойдон ээн калат+. 17  Жахаба сени, элиңди, атаңдын үйүн Эпрайым Жүйүттөн бөлүнгөн+ күндөн бери болуп көрбөгөн күндөргө туш кылат+: Ашур* падышасын жиберет+. 18  Ошол күнү Жахаба ышкырып, Мисирдеги Нил дарыясынын чоң арыктарынын учу-кыйырынан чымындарды, Ашур жеринен+ аарыларды чакырат+. 19  Баары учуп келип, өзөндөрдөгү жарларга, аскалардын жаракаларына, бардык тикенектүү жыш бадалдарга жана бардык сугат жерлерге конот+. 20  Ошол күнү Жахаба дарыянын*+ аймагынан жалданган устараны — Ашур падышасын+ — колдонуп, чачыңарды, бутуңардын түгүн, атүгүл сакалыңарды кырып таштайт+. 21  Ал күнү адам бир кунажын, эки кой алып калып+, 22  сүттүн молдугунан май жейт. Ал жерде калгандардын баары май менен бал+ гана жейт. 23  Ошол күнү баасы миң күмүш тыйынга+ барабар миң жүзүм сабагы өскөн жерлердин баарын тикенектүү бадал менен отоо чөп басат+. 24  Ал жакта жаа менен жебе көтөрүп жүрүшөт+, анткени жердин баарын тикенектүү бадал менен отоо чөп каптайт. 25  Ошондо мурун кетменделген тоолордун бирине да барбай каласың, анткени тикенектүү бадал менен отоо чөптөн коркосуң. Ал жакка өгүздөрдү коё беришет, ал жерди койлор тебелейт»+.

Шилтемелер

Мааниси: «калдык (калгандар) гана кайтып келет».
Куур — суу өткөрүлүүчү курулма.
Евр. шеол. Кара: 8-тирк.
Мааниси: «Кудай биз менен».
Ассирия.
Евфраттын.