Жөндөө мүмкүнчүлүгү

Тилди тандаңыз

Кошумча менюну көрсөтүү

Мазмунун тизмесин көрсөтүү

Мазмунун көрсөтүү

Жахабанын Күбөлөрү

кыргыз

Онлайн Ыйык Китеп

ЫЙЫК КИТЕПТИН «ЖАҢЫ ДҮЙНӨ КОТОРМОСУ»

Ышая 57:1—21

57  Адил адам өлөт+, бирок анын өлгөнүнө эч ким көңүл бурбайт+. Жакшы* кишилер өлгөндөргө кошулат+, бирок алардын азаптан арылганын эч ким түшүнбөйт+.  Ал тынчтыкка бөлөнөт+. Түз жүргөндөрдүн баары+ көрдө*+ мемиреп тынч жатышат+.  «Төлгөчү аялдын+ уулдары, ойноштук кылган киши менен сойку аялдын тукуму+, бери келгиле+.  Силер кимди мазактап жатасыңар?+ Оозуңарды чоң ачып, кимге тилиңерди көрсөтүп жатасыңар?+ Өзүңөр кылмыштын балдары, жалгандыктын тукуму эмессиңерби?+  Чоң бак-дарактардын+ арасында, ар бир шактуу бактын астында кумардангандар+, өзөндөрдөгү жарлардын астында балдарын мууздагандар силер эмессиңерби?+  Сенин үлүшүң өзөндүн жылма таштары болчу+. Ошолор, так ошолор сенин үлүшүң болчу+. Сен аларга багыштап суюк тартуу куйчусуң+, белек алып келчүсүң. Мен ошонуңа ыраазы болмок белем?+  Сен бийик тоонун үстүнө төшөгүңдү салып+, ал жакка курмандык чалыш үчүн барчусуң+.  Эшик менен кашектин артына эстелик белги койчусуң+. Менден алыс барып, жылаңачтанчусуң, жогору чыгып, төшөктү кенен салчусуң+. Алар менен керт башың үчүн келишим түзчүсүң, алар менен төшөктө жатканды жакшы көрчүсүң. Эркектин жыныстык мүчөсүнө тигиле карачусуң+.  Май көтөрүп Мелекке түшүп барчусуң; сыйпанма майды көп жасачусуң+. Өкүлдөрүңдү алыска жиберип, жасаган иштериң менен көргө* жете басынтылчусуң+. 10  Сен көптөгөн жолдоруңда түйшүк тартчусуң+. „Бул — курулай аракет!“ — дечү эмессиң. Кайра күч топтогондуктан+ ооручу эмессиң+. 11  Калп айткыдай+ кимден корктуң, жүрөгүңдүн үшүн ким алды?+ Сен мени эстеп да койгон эмессиң+. Эч нерсеге көңүл бурган эмессиң+. Мен унчукпай, жасаган иштериңди жашырып келген эмес белем?+ Ошондуктан менден да корккон эмессиң+. 12  Мен адилдигиң+, иштериң+ тууралуу айтып берем. Сага алардын пайдасы тийбейт+. 13  Жардамга чакырганыңда, жыйнап алгандарың* куткарбайт+, аларды шамал учуруп кетет, жел айдап кетет+. Ал эми мени баш маана кылгандар жерди мурасташат+, ыйык тоомду ээлешет+. 14  Ошондо: „Топурак төккүлө, топурак төккүлө, жолду тазалагыла!+ Элимдин жолунан тоскоолдуктардын баарын алып салгыла“,— дешет»+. 15  Түбөлүк жашаган+, ысмы ыйык+ Жогорку Кудай, Улуу Даражалуу Кудай+ мындай дейт: «Мен жогоруда, ыйык жайда жашасам да+, кыйналган, момун адам менен бирге болом+. Момундардын рухун, кыйналгандардын жүрөгүн жандандырам+. 16  Мен түбөлүк айыптай бербейм, чексиз каардана бербейм+, болбосо адамдын руху алсырап+, өзүм жараткан тирүү жандардын баары+ мүңкүрөп калмак. 17  Ал арам оокаттын артынан түштү+. Бул айыбы үчүн каарданып, мен ага сокку ура баштадым. Ачууланып, жүзүмдү жашырдым+. Ал болсо ишенимсиздик кылып+, жүрөгүнө жаккан жолдо жүрө берди. 18  Мен анын жолдорун көрдүм. Анан аны айыктырып+, жетектеп+, өзүн да, күйүт тарткандарын+ да соорото баштадым»+. 19  «Мен ооздун жемишин жаратып жатам+. Алыстагы да, жакындагы да чексиз тынчтыкка бөлөнөт+,— дейт Жахаба.— Мен аны айыктырам»+. 20  «Ал эми ыймансыздар алай-дүлөй түшкөн деңиздей, тынч ала албаган, суулары балыр менен ылай чачкан деңиздей. 21  Ыймансыздарга тынчтык жок»,— дейт Кудайым+.

Шилтемелер

Сөзмө-сөз: «Мээримдүү».
Сөзмө-сөз: «төшөгүндө».
Евр. шеол. Кара: 8-тирк.
Сыягы, буркандар.