Жөндөө мүмкүнчүлүгү

Тилди тандаңыз

Кошумча менюну көрсөтүү

Мазмунун тизмесин көрсөтүү

Мазмунун көрсөтүү

Жахабанын Күбөлөрү

кыргыз

Онлайн Ыйык Китеп

ЫЙЫК КИТЕПТИН «ЖАҢЫ ДҮЙНӨ КОТОРМОСУ»

Ышая 29:1—24

29  «Ариелге*+, Дөөтүнүн кошууну жайгашкан+ Ариел шаарына, каран түн түшөт! Жылга жыл кошкула. Майрамдар+ өткөрүлүп турсун.  Мен Ариелди кысымга алам+, ошондо ал жакта кайгы, ый көбөйөт+, ал Кудайдын курмандык жайынын очогуна айланат+.  Мен туш тарабыңа чатыр тигем, сени жыгач казыктар менен курчайм+, айланаңа дөбө үйөм.  Сен басынтылып, жерден сүйлөйсүң, сөздөрүң топурактан чыккандай+ акырын угулат. Үнүң өлгөндөрдү чакырган кишиникиндей болуп жерден чыгат, сөздөрүң топурактан чыйылдаган үндөй араң угулат+.  Бөтөн жерликтердин тобу күкүмдөй+, зулумдардын тобу+ шамал сапырган топондой болуп калат+. Бул күтүүсүздөн+, көз ачып-жумгуча болот.  Асман аскерлеринин Кудайы Жахаба сага көңүл буруп, сени күндүн күркүрөгү, жер титирөө, катуу үн, долу шамал, бороон, жалмап кетүүчү оттун жалыны менен куткарат»+.  Ариелге каршы согушуп жаткан көптөгөн элдер+, ага каршы салгылашып жаткандардын баары, чабуул коюучу мунаралар, аны кысымга алып жаткандар+ түштөгүдөй, түнкү аяндай болушат.  Ачка кишиге түшүндө тамак жеп жаткандай сезилет, бирок ойгонсо — ачка+. Суусап жаткан кишиге түшүндө суу ичип жаткандай сезилет, бирок ойгонсо — алы кетип, чаңкап жатат. Сион тоосуна каршы согушуп жаткан көптөгөн элдер да ошондой абалда болушат+.  Токтоп, айран-таң калгыла+, көзүңөрдү көрбөс кылып, сокур болгула+. Алар шарап ичишпесе да, мас болуп жүрүшөт+, күчтүү ичимдикти оозуна алышпаса да, теңселип жүрүшөт+. 10  Анткени Жахаба силерге катуу уктатуучу рух жиберди+. Ал көзүңөрдү жумдурду; силердин көзүңөр — пайгамбарларыңар+. Башыңарды+ жапты; силердин башыңар — көрөгөчтөрүңөр+. 11  Бул жөнүндөгү аян мөөр басылган+ китептеги сөздөрдөй болуп калды. Аны окуганды билген бирөөгө берип: «Муну үн чыгарып окуп берчи»,— дешет, ал болсо: «Буга мөөр басылыптыр+, окуй албайм»,— деп жооп берет. 12  Ошондо китепти башкага, окуганды билбеген бирөөгө, берип: «Муну үн чыгарып окуп берчи»,— дешет, ал болсо: «Мен окуганды билбейм»,— деп жооп берет. 13  Жахаба мындай дейт: «Бул эл мага ооз учунан гана жакындап, мени оозу менен гана даңктайт+; жүрөктөрү болсо менден алыс+. Алар адамдардын осуятын үйрөнүп, ошону менден коркуу деп эсептешет+. 14  Ошондуктан бул элдин алдында кайрадан укмуштуудай иш кылам+, укмуштуудай, таң каларлык иш кылам; даанышмандарынын даанышмандыгы жок болот, эстүүлөрү түшүнүгүнөн ажырайт»+. 15  Жахабадан ой-ниетин жашырыш үчүн тереңдикке түшкөндөрдүн+, иштерин караңгыда кылып+: «Бизди ким көрмөк эле, ким билмек эле?»+ — дегендердин башына каран түн түшөт. 16  Силер бузулдуңар! Чопо карапачы менен бирдейби?+ Буюм өзүн жасаган киши жөнүндө: «Мени ал жасаган эмес»,— дейби?+ Жаратылган нерсе жаратканы тууралуу: «Ал эч нерсе түшүнбөйт»,— дейби?+ 17  Жакын арада Лебанон бакчага айланат+. Ал бакча токой деп эсептелет+. 18  Ошол күнү дүлөйлөр китептеги сөздөрдү угушат+, коюу түндө, караңгылыкта жүргөн сокурлардын көзү көрө баштайт+. 19  Мүнөзү жумшактар+ Жахабанын иштерине мурдагыдан да кубанат, жакыр адамдар Ысрайылдын Ыйыгынын иштерине сүйүнөт+. 20  Анткени зулумдун күнү бүтөт+, мактанчаактын ичер суусу түгөнөт+, кыянаттык кылуудан кайра тартпагандардын+ баары кырылат. 21  Себеби алар адамды сөзүнөн кыйкым таап+, айыпка жыгышат, дарбаза алдында айыбын ачканды торго түшүрүшөт+, адил адамды куру далилдер менен четке кагышат+. 22  Ошондуктан Ыбрайымды+ куткарып алган Жахаба Жакыптын үйүнө мындай дейт: «Жакып эми уят болбойт, өңү кубарбайт+. 23  Анткени ал жанына чогулган, менин колуман бүткөн балдарын көргөндө+, алар менин ысмымды ыйыкташат+, Жакыптын Ыйыгын+ ыйыкташат, Ысрайылдын Кудайына урмат көрсөтүшөт+. 24  Ошондо жаңылып жүргөндөр түшүнүккө ээ болушат, наалыгандар насаат алышат»+.

Шилтемелер

Сыягы, «Кудайдын курмандык жайынын очогу» дегенди билдирет.