Жөндөө мүмкүнчүлүгү

Тилди тандаңыз

Кошумча менюну көрсөтүү

Мазмунун тизмесин көрсөтүү

Мазмунун көрсөтүү

Жахабанын Күбөлөрү

кыргыз

Онлайн Ыйык Китеп

ЫЙЫК КИТЕПТИН «ЖАҢЫ ДҮЙНӨ КОТОРМОСУ»

Чыгуу 9:1—35

9  Жахаба Мусага мындай деди: «Фараонго барып мындай деп айт+: „Еврейлердин Кудайы Жахаба мындай дейт: “Менин элимди коё бер, алар мага сыйынышсын.  Эгерде коё бербей, дагы кармай турган болсоң+,  Жахабанын колу+ талаадагы малыңа каршы көтөрүлөт да+, ал жылкыларыңа, эшектериңе, төөлөрүңө, майда жана бодо малыңа өтө оор жугуштуу оору жиберет+.  Ал эми Ысрайылдын малын Жахаба Мисирдин малынан бөлүп коёт, Ысрайыл уулдарынын бир да малы өлбөйт”“»+.  Анан Жахаба: «Муну Жахаба эртең ушул жерде кылат»+,— деп убакытты белгиледи.  Эртеси күнү Жахаба өзү айткандай кылды, ошондо мисирликтердин бардык малы кырыла баштады+, ал эми Ысрайыл уулдарынын бир да малы өлгөн жок.  Фараон билип келгенге киши жиберсе, чын эле, ысрайылдыктардын бир да малы өлбөптүр. Бирок анын жүрөгү дагы эле жумшарбагандыктан+, элди коё бербей койду.  Андан кийин Жахаба Муса менен Арунга: «Мештен бир кочуш толтура күл алгыла+. Анан Муса аны фараондун көзүнчө асманга чачсын.  Ал көбөйүп, чаңга айланат да, бүт Мисир жерин каптайт. Ошондо Мисир жериндеги адамдар менен малдын баарын ириңдүү жара басат»,— деди+. 10  Алар мештен күл алып, фараондун алдына барып турушту. Муса күлдү асманга чачканда, адамдар менен малга ириңдүү жара чыга баштады+. 11  Сыйкырчылык кылган дин кызматчылар Мусанын алдына келе алышкан жок, анткени алардын да, калган мисирликтердин да денесин жара басып кеткен эле+. 12  Бирок Жахаба фараондун жүрөгүнүн катууланышына жол берип койгондуктан, Жахаба Мусага айткандай, фараон аларды укпай койду+. 13  Андан кийин Жахаба Мусага мындай деди: «Эртең менен эрте туруп, фараондун алдына бар да+, ага мындай де: „Еврейлердин Кудайы Жахаба мындай дейт: “Менин элимди коё бер, алар мага сыйынышсын+. 14  Болбосо бул жолкусунда сенин өзүңө, кулдарыңа, элиңе бардык балээлерди жиберем, ошондо бүт жер жүзүндө мендей эч ким жок экенин билесиң+. 15  Мен эбак эле колумду сунуп, сени да, элиңди да жугуштуу ооруга чалдыктырып, сени жер бетинен жок кылып коё алмакмын+. 16  Бирок мен сени, сага күчүмдү көрсөтүш үчүн жана ысмым бүт жер жүзүнө жарыяланышы үчүн+, тирүү калтырдым+. 17  Сен болсо дагы эле элимди теңиңе албай, аны коё бербей жатасыңбы?+ 18  Мен эртең ушул убакта Мисирге мурун болуп көрбөгөндөй катуу мөндүр жаадырам+. 19  Ошондуктан кишилериңди жиберип, бардык малыңды, талааңда эмнең болсо, ошонун баарын калкалаш үчүн бир жерге киргиз. Болбосо сыртта калган адамдар менен малдын баары мөндүрдөн кырылат”“»+. 20  Фараондун кызматчыларынын ичинен Жахабанын сөзүнөн корккондору кулдары менен малын ичкери киргизгенге шашышты+. 21  Ал эми Жахабанын сөзүнө көңүл бурбагандары кулдары менен малын талаага калтырып коюшту+. 22  Жахаба Мусага: «Бүт Мисир жерине: андагы адамдарга, малдарга, бардык талаа өсүмдүктөрүнө мөндүр жаашы үчүн+, колуңду асманга көтөр»,— деди+. 23  Муса таягын асманга көтөргөндө, Жахаба күн күркүрөтүп, мөндүр жаадырды+, жерге от түштү. Жахаба Мисир жерине мөндүр жаадырды. 24  Мөндүр жаап, арасынан от жаркылдап жатты. Мисир жеринде эл отурукташкандан бери мындай катуу мөндүр болгон эмес эле+. 25  Мөндүр бүт Мисир жерин, талаада эмне болсо ошонун баарын: адамдан тартып малга чейин, талаадагы өсүмдүктөр менен бак-дарактардын баарын талкалап кетти+. 26  Ысрайыл уулдары жашаган Гошен жеринде гана мөндүр жааган жок+. 27  Акыры, фараон Муса менен Арунду чакырып: «Эми күнөөмдү мойнума алам+. Жахаба адил+, ал эми мен да, элим да айыптуубуз. 28  Жахабадан сурангылачы, күндүн күркүрөгөнү менен мөндүр токтосун+. Ошондо мен силерди коё берем, силер бул жерден кетесиңер»,— деди. 29  Муса ага: «Шаардан чыгарым менен колумду көтөрүп, Жахабадан тиленем+. Анан бүт жер Жахабага таандык+ экенин билишиң үчүн, күндүн күркүрөгөнү басылып, мөндүр токтойт. 30  Бирок сенин жана кулдарыңдын Жахаба Кудайдан ошондо да коркпой турганыңарды билем»,— деди+. 31  Мөндүр зыгыр менен арпаны талкалап кетти, анткени арпа баш алып, зыгыр гүлдөйүн деп калган эле+. 32  Ал эми буудай менен кара буудай*+ кечирээк себилгендиктен эчтеке болгон жок. 33  Муса фараондун жанынан кетип, шаардан чыккандан кийин колун көтөрүп, Жахабадан тиленди. Ошондо күндүн күркүрөгөнү басылып, мөндүр менен жамгыр токтоду+. 34  Жамгыр менен мөндүрдүн басылганын көрүп, фараон кайрадан жүрөгүн катуулантып+, күнөө кылганын уланта берди; өзү да, кулдары да ошентти. 35  Фараондун жүрөгү жумшарган жок. Ал, Жахаба Муса аркылуу айткандай, Ысрайыл уулдарын коё бербей койду+.

Шилтемелер

Бул жерде колдонулган еврей сөзү байыркы Мисирде айдалган төмөнкү сорттогу буудайды билдирет.