Жөндөө мүмкүнчүлүгү

Тилди тандаңыз

Кошумча менюну көрсөтүү

Мазмунун тизмесин көрсөтүү

Мазмунун көрсөтүү

Жахабанын Күбөлөрү

кыргыз

Онлайн Ыйык Китеп

ЫЙЫК КИТЕПТИН «ЖАҢЫ ДҮЙНӨ КОТОРМОСУ»

Чыгуу 33:1—23

33  Жахаба Мусага мындай деди: «Тур, өзүң Мисир жеринен алып чыккан эл менен бирге бул жерден чыгып+, мен Ыбрайымга, Ыскакка жана Жакыпка: „Сенин тукумуңа берем“,— деп убадалаган жерге бар+.  Мен сенин алдыңан периштени жиберип+, ал жерден канаандыктарды, аморлуктарды, Хеттин тукумдарын, периздерди, хибиликтерди, жебустуктарды кууп чыгам+.  Бал менен сүт аккан ошол жерге бар+. Мен болсо силерди жолдон жок кылып салбашым үчүн+ силер менен барбайм, анткени силер тоң моюн элсиңер»+.  Эл ал жаман кабарды укканда катуу кайгырды+. Алардын эч кимиси жасалгаларын тагынган жок.  Жахаба Мусага: «Ысрайыл уулдарына мындай де: „Силер тоң моюн элсиңер+. Мен силерди бир заматта+ аралап чыгып, жок кылып коё алмакмын. Бирок силерди эмне кылып жазалашты ойлонуп көрөйүн, жасалгаларыңарды чечкиле“»,— деди+.  Ошондо Ысрайыл уулдары Хореп тоосунун+ жанынан жасалгаларынын баарын чечишти, андан кийин аларды тагынышкан жок.  Муса чатырын алып, конуштун сыртына, андан алысыраак жерге тикти да, аны жыйын чатыры деп атады. Жахабадан бир нерсе жөнүндө сурагысы келгендердин+ баары конуштун сыртындагы ошол жыйын чатырына барышчу.  Муса ал чатырга баратканда, элдин баары ордуларынан туруп+, ал ичкери кирип кеткенге чейин, өз чатырларынын кире беришинде аны карап турушчу.  Муса чатырга киргенде, булут мамы+ ылдый түшүп, чатырдын кире беришине туруп калчу, ошондо Кудай Муса менен сүйлөшчү+. 10  Чатырдын кире беришинде турган булут мамыны+ бүт эл көрчү. Алардын баары ордуларынан туруп, ар кимиси өз чатырынын кире беришинде таазим кылчу+. 11  Жахаба Муса менен, адамдар бири-бири менен сүйлөшкөндөй, бетме-бет сүйлөшчү+. Муса конушка кайтып барганда, анын кызматчысы+, жардамчысы Нундун уулу+ Жашыя ал чатырдын жанынан кетчү эмес. 12  Муса Жахабага мындай деди: «Сен мага: „Бул элди баштап бар“,— деп жатасың, бирок мени менен кимди жиберериңди айткан жоксуң. Анын үстүнө, мага: „Мен сени жакшы билем*+, сен менин көз алдымда ырайым таптың“,— дебедиң беле. 13  Эгер сенин көз алдыңда ырайым тапкан болсом+, анда суранам, сени таанып-билишим үчүн, мындан ары да ырайымыңа ээ боло беришим үчүн, мага өз жолдоруңду+ ачып берчи. Бул эл сенин элиң экенин да унутпа»+. 14  Кудай ага: «Мен сени менен барам+, сага бейпилдик берем»,— деди+. 15  Муса ага: «Эгер биз менен барбасаң, анда бизди ушул жерге эле калтыр. 16  Мен да, элиң да сенин көз алдыңда ырайым тапканыбызды кантип билебиз? Биз менен барганыңдан эмеспи?+ Мен да, элиң да жер жүзүндөгү башка элдердин баарынан ушунубуз менен айырмаланат эмеспизби»,— деди+. 17  Жахаба Мусага: «Азыр айткандарыңды да аткарам+, анткени сен менин көз алдымда ырайым таптың, мен сени жакшы билем»,— деди. 18  Ошондо Муса: «Мага өз даңкыңды көрсөтчү»,— деп суранды+. 19  Кудай ага: «Мен сага даңкымды* көрсөтөм+ жана сенин алдыңда Жахаба деген ысмымды жарыя кылам+. Ырайым кылгым келгенге ырайым кылам, кайрымдуулук кылгым келгенге кайрымдуулук кылам»,— деди+. 20  Анан: «Сен менин жүзүмдү көрө албайсың, анткени менин жүзүмдү көргөн бир да киши тирүү калбайт»,— деп айтты+. 21  Жахаба дагы мындай деди: «Менин жанымда бир жер бар. Ошол жердеги асканын үстүндө тур. 22  Менин даңкым өтүп бара жатканда, мен сени асканын жаракасына коюп, өзүм өтүп кеткенге чейин, колум менен калкалап турам. 23  Анан колумду алганда, мени артымдан көрөсүң, бирок жүзүмдү көрө албайсың»+.

Шилтемелер

Сөзмө-сөз: «сени атыңан билем».
Сөзмө-сөз: «жакшылыгымды».