Жөндөө мүмкүнчүлүгү

Тилди тандаңыз

Кошумча менюну көрсөтүү

Мазмунун тизмесин көрсөтүү

Мазмунун көрсөтүү

Жахабанын Күбөлөрү

кыргыз

Онлайн Ыйык Китеп

ЫЙЫК КИТЕПТИН «ЖАҢЫ ДҮЙНӨ КОТОРМОСУ»

Чыгуу 22:1—31

22  Эгер кимдир бирөө бука же кой уурдап, аны союп алса же сатса, анда бир буканын ордуна беш бука, бир койдун ордуна төрт кой берсин+.  (Кимдир бирөө ууруну+ эшикти талкалап үйгө кирип бараткан жеринен кармап алып+, чаап жибергенде, ал өлүп калса, анын канына забын болбойт+.  Бирок күндүз өлтүрүп алса, канына забын болот.) Ал* келтирилген зыяндын ордун сөзсүз толтуруп бериши керек. Эгер эч нерсеси жок болсо, уурдалган малдын ордуна өзү сатылсын+.  Эгерде уурдалган бука же эшек, же кой аныкынан тирүү табылса, ал эки эсе кылып төлөп бериши керек.  Эгер кимдир бирөөнүн талаага же жүзүмзарга коё берген малы башка бирөөнүн талаасын тебелеп салса, ээси келтирилген зыяндын ордун толтуруу үчүн+ өзүнүн талаасынын же жүзүмзарынын эң жакшы түшүмүнөн берсин.  Эгер өрт чыгып, тикенектерди каптап, бирөөнүн талаасы, өсүп жаткан эгини же байланган боолору күйүп кетсе+, өрт чыгарган киши келтирилген зыяндын ордун толтуруп бериши керек.  Кимдир бирөө башка бирөөгө акчасын же буюмдарын сактап турууга берсе+, бирок аларды анын үйүнөн бирөө уурдап кетип, ал ууру табылса, ал эки эсе кылып төлөп берсин+.  Эгерде ууру табылбаса, үйдүн ээсинин жакынынын буюмдарын алган-албаганын билүү үчүн, аны чыныгы Кудайдын алдына алып барыш керек+.  Кимдир бирөө: „Бул меники“,— деп талашкандыктан, эки кишинин ортосунда букага, эшекке, койго, кийим-кечекке же жоголгон дагы башка бир нерсеге байланыштуу талаш чыкса+, аны чечүү үчүн экөө тең чыныгы Кудайдын алдына барышы керек+. Кудай кимисин айыптуу деп жарыяласа, ошонусу беркисине эки эсе кылып төлөп бериши керек+. 10  Кимдир бирөө эшегин, букасын, коюн же дагы башка малын бирөөгө карап бер деп берсе, анан анысы өлүп калса же бир жери бир нерсе болуп калса, же эч ким көрбөй калып аны бирөө айдап кетсе, 11  малды караган киши ага тийбегенин айтып+, Жахабаны оозанып ант берсин+. Малдын ээси анын антын кабыл алсын. Андай учурда берки киши эч нерсе төлөбөйт. 12  Бирок малды аныкынан уурдап кетишсе*, ал малдын ээсине төлөп бериши керек+. 13  Эгер малды жырткыч жара тартып кетсе+, аны далилдеш үчүн өлүгүн алып келсин+. Жара тартылган малдын ордуна ал эч нерсе төлөбөйт. 14  Кимдир бирөө башка бирөөдөн малын убактылуу сурап алса+, анан ээси жокто анын бир жери бир нерсе болуп калса же өлүп калса, малды алган киши төлөп бериши керек+. 15  Бирок ээси жанында болгон болсо, эч нерсе төлөбөйт. Эгер малды акы төлөп алган болсо, анда ошол акы мал ордуна болот. 16  Эгер кимдир бирөө эч ким менен убадалаша элек кызды азгырып, аны менен жатса+, анда калыңын төлөп, аны аялдыкка алсын+. 17  Эгер атасы кызды бербей койсо, анда ал кызга төлөнчү калыңды төлөп бериши керек+. 18  Көз байлоочуну тирүү калтырба+. 19  Жаныбар менен жаткан адам өлүм жазасына тартылсын+. 20  Ким Жахабадан башка кайсы бир кудайларга курмандык чалса, жок кылынышы керек+. 21  Келгинге жаман мамиле жасаба, аны кысымга алба+, анткени өзүңөр да Мисир жеринде келгин болгонсуңар+. 22  Жесирди да, жетимди да ыза кылбагыла+. 23  Эгерде аларды ыза кылсаң, алар мага жардам сурап кайрылышканда, мен алардын зар-муңун угам+. 24  Ошондо каарым кайнап+, силерди кылычтап кырам. Аялдарыңар жесир, балдарыңар жетим калат+. 25  Элимдин арасынан кимдир бирөөгө, жаныңда жашаган бир бечарага, карызга акча берсең+, башка карыз берүүчүлөрдөй болуп үстөккө бербе+. 26  Жакыныңдын кийимин күрөөгө алсаң+, аны күн батканча кайрып бер. 27  Анткени ал — анын жалгыз жамынчысы+. Анысы жок болсо, ал эмнени жамынып жатат? Ал мага жардам сурап кайрылганда, аны угам, анткени мен боорукермин+. 28  Кудайды каргаба+, элиңдин башкаруучусун да каргаба+. 29  Жыйнаган түшүмүңдөн, жүзүм сыккычың менен май сыккычыңдан мол аккан шире менен майдан тартуу алып келгенде чечкинсиз болбо+. Уулдарыңдын тунун мага бер+. 30  Биринчи туулган музооң менен козуңду мындай кыл+: жети күн алар энелеринин жанында болсун+, сегизинчи күнү аларды мага бер. 31  Силер менин алдымда ыйык болушуңар керек+. Талаадан жырткыч жара тартып кеткен малдын этин жебегиле+, аны иттерге ыргыткыла+.

Шилтемелер

1-аяттагы ойдун уландысы.
Сыягы, шалакы мамиле кылынгандыктан же эч кандай чара көрүлбөгөндүктөн уурдап кетишсе.