Жөндөө мүмкүнчүлүгү

Тилди тандаңыз

Кошумча менюну көрсөтүү

Мазмунун тизмесин көрсөтүү

Мазмунун көрсөтүү

Жахабанын Күбөлөрү

кыргыз

Онлайн Ыйык Китеп

ЫЙЫК КИТЕПТИН «ЖАҢЫ ДҮЙНӨ КОТОРМОСУ»

Чыгуу 21:1—36

21  Сен аларга жарыялай турган мыйзамдар булар+:  Эгер еврей кул сатып алсаң+, ал сага алты жыл кул болсун. Ал эми жетинчи жылы эркиндикке эч нерсе төлөбөй чыксын+.  Эгер ал жалгыз келсе, жалгыз чыксын. Эгер аялы менен келсе, аялы менен чыксын.  Эгер кожоюну ага аял алып берсе жана аялы уул-кыздарды төрөп берсе, анда аялы менен балдары кожоюнуна таандык болот+, ошондуктан кул эркиндикке жалгыз чыксын+.  Бирок кул: „Мен кожоюнумду, аялымды, уулдарымды жакшы көрөм, эркиндикке чыккым келбейт“,— десе+,  анда кожоюну аны чыныгы Кудайдын алдына алып келип, эшиктин же кашектин жанына тургузуп, кулагын шибеге менен тешсин, ошондо ал ага өмүр бою кул болуп калат+.  Эгер кимдир бирөө кызын күңдүккө сатса+, анда ал кыз кул болуп жүргөн эркек киши эркиндикке чыккан жол менен эркиндикке чыга албайт.  Эгер аны кожоюну жактырбаса, токол кылгысы келбей+, башка бирөөгө сата турган болсо, бөтөн жерликке сатпашы керек, анткени ал күңүнө адилетсиздик кылды.  Эгер кимдир бирөө күңүн уулуна алып берсе, ага кызындай мамиле жасасын+. 10  Эгер уулу башка аял алса, күңдү тамак-аш, кийим-кечек менен камсыз кылышы+, жубайлык милдетин аткарышы керек+. 11  Эгер ушул үч шартты аткарбаса, күңү эркиндикке эч нерсе төлөбөй чыксын. 12  Кимдир бирөө бирөөнү уруп жибергенде, ал өлүп калса, урган киши өлүм жазасына тартылсын+. 13  Ал эми аны кокусунан өлтүрүп алган болсо жана чыныгы Кудай буга жол берип койгон болсо+, ал качып барса боло турган жерди белгилейм+. 14  Эгер ал жакынын жек көрүп, аны атайылап өлтүрсө+, аны атүгүл менин курмандык жайымдын жанынан алып кетип, өлүм жазасына тартышың керек+. 15  Ким атасын же энесин урса, өлүм жазасына тартылсын+. 16  Ким киши уурдап+, аны сатса+ же кимдикинен уурдалган киши табылса, ал өлүм жазасына тартылсын+. 17  Ким атасын же энесин каргаса, өлүм жазасына тартылсын+. 18  Эки киши чатакташа кетип, бири экинчисин таш же кетмен менен уруп жибергенде, ал тирүү калганы менен, төшөккө жатып калса, 19  бирок ордунан туруп, таяк таянып эшикке чыга алса, аны урган киши жоопко тартылбайт. Ал өзү келтирген зыяндын ордун толтуруп, жабыркаган киши толугу менен айыгып, жумушка жарактуу болгонго чейин, аны камсыз кылып турушу керек. 20  Ким кулун же күңүн таяк менен уруп өлтүрүп койсо+, жазага тартылсын+. 21  Эгер кулу же күңү бир-эки күндөн кийин өлсө, анда жазаланбайт, анткени ал — анын акчасы*. 22  Эркектер мушташа кетип, кош бойлуу аялды уруп жиберишсе жана ал ай-күнүнө жетпей төрөп койсо+, бирок эч кандай өлүм болбосо, анда күнөөлүү тарап аялдын күйөөсү салган салыкты төлөп берсин. Ал салыкты соттордун чечимине ылайык төлөп берсин+. 23  Ал эми кимдир бирөө өлүп калса, анда жанга жан беришиң керек+; 24  көзгө көз, тишке тиш, колго кол, бутка бут+, 25  күйүккө күйүк, жараатка жараат, соккуга сокку болсун+. 26  Кимдир бирөө кулун же күңүн көзгө уруп, зыян келтирсе, көзү үчүн аны эркиндикке чыгарсын+. 27  Эгерде кулунун же күңүнүн тишин сындыра чапса, тиши үчүн аны эркиндикке чыгарсын. 28  Эгер эркек кишини же аял кишини бука сүзүп өлтүрсө, бука таш бараңга алынсын+, анын этин жебеш керек. Буканын ээси болсо жазаланбайт. 29  Ал эми бука мурда эле сүзөнөөк болсо жана бул тууралуу ээсине эскертилген болсо, бирок ал карабай коюп, букасы кимдир бирөөнү сүзүп өлтүрсө, бука таш бараңга алынып, ээси өлүм жазасына тартылсын. 30  Эгер андан кун төлөөнү талап кылышса, ал талап кылынган кунду өзүнүн жаны үчүн төлөп берсин+. 31  Бука баланы же кызды сүзүп өлтүргөндө да ушул эле мыйзамга ылайык иш кылыш керек+. 32  Эгер бука кулду же күңдү сүзүп өлтүрсө, буканын ээси анын кожоюнуна отуз шекел*+ төлөп берсин, бука болсо таш бараңга алынсын. 33  Кимдир бирөө чуңкурдун оозун ачып койсо же чуңкур казып, үстүн жаппай койсо, анан ага бука же эшек түшүп кетсе+, 34  ал келтирилген зыяндын ордун толтуруп берсин+. Ал малдын ээсине анын баасын төлөп бериши керек, өлгөн мал болсо өзүнө калат. 35  Кимдир бирөөнүн букасы башка бирөөнүн букасын сүзүп өлтүрүп койсо, ээлери тирүү калган буканы сатып, түшкөн акчаны, өлгөн буканы бөлүп алышсын+. 36  Эгер буканын сүзөнөөк экени мурун эле белгилүү болсо, бирок ээси аны карабай койсо+, ал келтирилген зыяндын ордун толтуруп бериши керек+: буканын ордуна бука берсин, өлгөн мал болсо өзүнө калсын.

Шилтемелер

Же: «анын акчасына сатылып алынган».
Шекел еврейлердин негизги чен жана акча бирдиги болгон. Салмагы 11,4 г. Кара: 13-тирк.