Жөндөө мүмкүнчүлүгү

Тилди тандаңыз

Кошумча менюну көрсөтүү

Мазмунун тизмесин көрсөтүү

Мазмунун көрсөтүү

Жахабанын Күбөлөрү

кыргыз

Онлайн Ыйык Китеп

ЫЙЫК КИТЕПТИН «ЖАҢЫ ДҮЙНӨ КОТОРМОСУ»

Чыгуу 18:1—27

18  Мидиан жеринин дин кызматчысы, Мусанын кайнатасы Жетро+ Жахаба Кудайдын Мусага, ысрайыл элине эмне кылганын, аларды Мисирден кантип алып чыкканын укту+.  Ошондо Мусанын кайнатасы Жетро анын аялы Сипорду (Муса мурунураак аны үйүнө жиберген эле),  эки уулун+ алып, жолго чыкты. Муса: «Мен бөтөн жерде келгин болуп калдым» — деп, бир уулунун атын Гершом*+ койгон эле.  Ал эми экинчисинин атын: «Атамдын Кудайы — менин жардамчым, ал мени фараондун кылычынан куткарды» — деп+, Элиезер*+ койгон болчу.  Ошентип, Жетро Мусанын эки уулу менен аялын алып, Муса чатырларын тиккен чөлгө, чыныгы Кудайдын тоосуна, келди+.  Ал Мусага: «Мен, кайнатаң Жетро+, аялың менен эки уулуңду алып келдим»,— деп айттырып жиберди.  Муса ошол замат кайнатасын тосуп чыгып, таазим кылып, аны өптү+. Анан экөө учурашып, ал-жай сурашкандан кийин чатырга киришти.  Муса кайнатасына Жахабанын ысрайыл эли үчүн фараон менен Мисирди эмне кылганын+, жолдо кандай кыйынчылыктарга туш болушканын+, Жахабанын аларды кантип куткарганын+ төкпөй-чачпай айтып берди.  Жетро Жахабанын ысрайыл элин Мисирден куткарып, аларга кандай жакшылыктарды кылганын укканда кубанып+, 10  мындай деди: «Силерди Мисирден, фараондун колунан куткарган, бул элди Мисирдин бийлигинен бошоткон Жахабага даңк+. 11  Эми мен Жахабанын башка кудайлардын баарынан улук экенин билдим+. Анткени мисирликтер менменсинип, ысрайылдыктарга каршы иш кылышканда, ал өз элин коргоп калды». 12  Андан кийин Мусанын кайнатасы Жетро Кудайга бүтүндөй өрттөлүүчү курмандык менен башка курмандыктарды алып келди+. Арун менен бүт Ысрайыл аксакалдары чыныгы Кудайдын алдында Мусанын кайнатасы менен чогуу нан жегени келишти+. 13  Эртеси күнү Муса адаттагысындай эле элге сот жүргүзүү үчүн отурду+. Эртеден кечке эл биринин артынан бири келип, Мусанын алдында турушту. 14  Муну көргөндө кайнатасы ага: «Эмнеге минтип жатасың? Эмнеге элди эртеден кечке алдыңа тургузуп коюп, бул ишти өзүң жалгыз аткарып жатасың?» — деди. 15  Муса кайнатасына: «Эл мага Кудайдан сураш үчүн келип жатат+. 16  Кандайдыр бир талашы бар болсо+, алар мага келишет. Анан мен эки тарапты тең угуп, аларга Кудайдын чечимдери менен мыйзамдарын айтам»,— деп жооп берди+. 17  Кайнатасы ага мындай деди: «Мындай кылганың жакшы эмес. 18  Өзүңдү да, жаныңдагы элди да кыйнап коёсуң. Анткени бул ишти аткаруу сага аябай эле оор болуп жатат+. Муну жалгыз аткара албайсың+. 19  Ошондуктан сөзүмө кулак сал+. Мен сага кеңеш айтайын, Кудай сени менен болот+. Чыныгы Кудайдын алдында элдин өкүлү болуп+, алардын ишин чыныгы Кудайга билдирип тур+. 20  Аларга кандай көрсөтмөлөр менен мыйзамдар бар экенин үйрөт+, ошондой эле кайсы жол менен жүрүшү керектигин, кандай иштерди кылышы керектигин айтып тур+. 21  Эл ичинен жөндөмдүү+, Кудайдан корккон+, арам жол менен пайда көрбөгөн+ ишенимдүү+ эркектерди тандап, аларды элге миң башы+, жүз башы, элүү башы, он башы+ кылып дайында. 22  Алар зарыл болгондо элге сот жүргүзүшсүн. Оор маселелерди сага билдирип турушсун+, ал эми жеңилдерин өздөрү чечишсин. Ошентип, өз жүгүңдү жеңилдет. Алар жүктү сени менен бирге көтөрүшсүн+. 23  Эгер ушундай кылсаң жана Кудай муну туура көрсө, бул ишти аткара аласың, эл да үйүнө тынчтык менен кетет»+. 24  Муса кайнатасынын айткандарынын баарын угуп, дароо ал айткандай кылды+. 25  Ал бүт ысрайыл элинин арасынан жөндөмдүү эркектерди тандап+, аларды элге миң башы, жүз башы, элүү башы, он башы кылып дайындады. 26  Алар зарыл болгондо элге сот жүргүзүп жатышты. Оор маселелерди Мусага билдирип, ал эми жеңилдерин өздөрү чечип турушту+. 27  Андан кийин Муса кайнатасын жолго узатты+, ал өз жерине кетти.

Шилтемелер

Мааниси: «ал жердеги келгин».
Мааниси: «Кудайым — жардамчым».