Жөндөө мүмкүнчүлүгү

Тилди тандаңыз

Кошумча менюну көрсөтүү

Мазмунун тизмесин көрсөтүү

Мазмунун көрсөтүү

Жахабанын Күбөлөрү

кыргыз

Онлайн Ыйык Китеп

ЫЙЫК КИТЕПТИН «ЖАҢЫ ДҮЙНӨ КОТОРМОСУ»

Чыгуу 16:1—36

16  Бир нече убактан кийин алар Элимден чыгышты+. Мисир жеринен чыккандан кийин, экинчи айдын он бешинчи күнү Ысрайыл уулдарынын бүт жамааты Элим менен Синайдын ортосундагы Син чөлүнө+ келди.  Ысрайыл уулдарынын бүт жамааты чөлдө Муса менен Арунга наалый башташты+.  Алар: «Мисир жеринде нанды тоё жеп, эт салынган казандардын+ жанында отурганда эле Жахабанын колунан өлүп калсак эмне?!+ Силер бизди бул чөлгө бүт жамаатты ачкадан өлтүргөнү алып келдиңер»,— дешти+.  Ошондо Жахаба Мусага мындай деди: «Мен силерге асмандан нан жаадырам+. Эл күн сайын сыртка чыгып, ар бири андан бир күнгө жеткидей кылып чогултуп алсын+. Ушул аркылуу мен элди, мыйзамымды аткарышабы же жокпу, сынап көрөм+.  Алтынчы күнү+ болсо үйлөрүнө алып келгенин даярдашсын, ошол күнү чогултканы күн сайын чогултканынан эки эсе көп болот»+.  Муса менен Арун бүт Ысрайыл уулдарына: «Кечинде силер Мисир жеринен силерди Жахаба алып чыкканын билесиңер+.  Ал эми эртең менен Жахабанын даңкын көрөсүңөр+, анткени Жахаба силердин ага наалыганыңарды укту. Бизге наалыгыдай, биз ким элек?» — дешти.  Андан кийин Муса: «Жахаба кечинде силерге эт, эртең менен болсо тоё жегидей нан берет. Анткени Жахаба ага наалыганыңарды укту. Биз болсо ким элек? Силер бизге эмес, Жахабага наалып жатасыңар»,— деди+.  Муса Арунга: «Ысрайыл уулдарынын бүт жамаатына: „Жахабанын алдына келип тургула, анткени ал наалыганыңарды укту“+,— деп айт»,— деди. 10  Арун анын айтканын Ысрайыл уулдарынын бүт жамаатына айтканда, алар чөл жакты карашты. Ошондо булут ичинен Жахабанын даңкын көрүштү+. 11  Жахаба Мусага: 12  «Мен Ысрайыл уулдарынын наалыганын уктум+. Аларга: „Кечинде, караңгы киргенге чейин* эт жейсиңер, эртең менен болсо нанга тоёсуңар+. Ошондо менин силердин Кудайыңар Жахаба экенимди билесиңер“+,— деп айт»,— деди. 13  Кечинде бөдөнөлөр+ учуп келип, конушту каптады. Эртең менен болсо конуштун тегерегине шүүдүрүм түштү+. 14  Бир нече убактан кийин шүүдүрүм бууланып кетти да, жердин бетинде майда-майда дан сыяктуу+, кыроого окшогон+ бир нерселер калды. 15  Ысрайыл уулдары аны көрүп, бири-биринен: «Бул эмне?» — деп сурай башташты, анткени анын эмне экенин билишчү эмес. Ошондо Муса аларга: «Бул — Жахаба силерге берген нан+. 16  Жахаба мындай буйрук берди: „Ар бириңер канча жей алсаңар, ошончо жыйнагыла. Чатырыңардагы кишинин* санына жараша ар бириңер киши башына бир гомордон*+ чогултуп алгыла“»,— деди. 17  Ысрайыл уулдары ошондой кылышты: бири көп, бири аз чогултту. 18  Чогултканын гомор менен өлчөшкөндө, көп чогулткандыкы ашып калган жок, аз чогулткандыкы жетпей калган жок+. Ар бири жегенге канча керек болсо, ошончо чогултуп алды. 19  Андан кийин Муса элге: «Аны эртең мененкиге калтырбагыла»,— деди+. 20  Бирок айрымдары Мусаны укпай, эртең мененкиге калтырып коюшту. Анысы курттап, сасый баштады+. Ошондо Мусанын ачуусу келди+. 21  Алар күндө эртең менен туруп+, жегенине жараша чогултуп алышчу. Күн ысыганда, ал эрип кетчү. 22  Алтынчы күнү алар нанды эки эсе көп+, киши башына эки гомордон чогултушту. Ошондо бүт жамаат башчылары Мусага барып, бул тууралуу билдиришти. 23  Ал: «Жахаба мындай деди: „Эртең Жахабага арналган ыйык ишемби* белгиленет+. Отко кактап бышырчуңарды отко кактап, кайнатып бышырчуңарды кайнатып алгыла+. Артып калганын эртең мененкиге сактап койгула“»,— деп айтты. 24  Алар, Муса айткандай, артып калгандарын эртең мененкиге сактап коюшканда, ал сасыган да жок, курттаган да жок+. 25  Ошондо Муса: «Муну бүгүн жегиле, анткени бүгүн Жахабага арналган ишемби+. Бүгүн аны конуштун тегерегинен таппайсыңар. 26  Силер аны алты күн чогултасыңар, ал эми жетинчи күн — ишемби+. Ал күнү аны таппайсыңар»,— деп айтты. 27  Ошентсе да айрымдары жетинчи күнү аны чогултканы чыгышты, бирок эч нерсе таппай коюшту. 28  Ошондо Жахаба Мусага: «Качанкыга чейин менин көрсөтмөлөрүм менен мыйзамдарымды аткарбай жүрө бересиңер?+ 29  Жахабанын силерге ишембини бергенин эсиңерден чыгарбагыла+. Ошондуктан ал алтынчы күнү силерге эки күнгө жеткидей нан берип жатат. Жетинчи күнү ар ким өз үйүндө калсын+, эч жакка чыкпасын»,— деди. 30  Ошентип, жетинчи күнү эл ишембиге байланыштуу айтылгандарды аткарды+. 31  Ысрайыл эли ал нанды манна* деп атады. Анын өңү кориандрдын* уругундай ак, даамы болсо бал кошулган нандыкындай эле+. 32  Андан кийин Муса: «Жахаба мындай деди: „Мындан гоморго толтуруп, укумдан-тукумга сактагыла+. Кийинки муундарыңар силерди Мисир жеринен алып чыкканымда чөлдө кандай нан менен бакканымды көрүшсүн“»,— деди+. 33  Анан ал Арунга: «Идиш алып, ага бир гомор толтура манна сал да, аны укумдан-тукумга сакташ үчүн+, Жахабанын алдына коюп кой»,— деди. 34  Арун, Жахаба Мусага буйругандай, аны сактап коюш үчүн сандыктын*+ алдына коюп койду. 35  Ысрайыл уулдары маннаны кырк жыл бою+, эл отурукташкан жерге барганга чейин жешти+. Алар маннаны Канаан+ жеринин чек арасына келгенге чейин жешти. 36  Гомор — эйфанын* ондон бир бөлүгү.

Шилтемелер

Сөзмө-сөз: «Эки кечтин ортосунда».
Сөзмө-сөз: «жандардын».
Болж. м-н 2,2 л.
1896-беттеги «Сөздүктү» кара.
Кыязы, «Бул эмне?» дегенди билдирет (евр. ман ху?). Кара: 15-аят.
Кинза.
Сөзмө-сөз: «Күбөлүктүн».
1 эйфа = 22 л.