Жөндөө мүмкүнчүлүгү

Тилди тандаңыз

Кошумча менюну көрсөтүү

Мазмунун тизмесин көрсөтүү

Мазмунун көрсөтүү

Жахабанын Күбөлөрү

кыргыз

Онлайн Ыйык Китеп

ЫЙЫК КИТЕПТИН «ЖАҢЫ ДҮЙНӨ КОТОРМОСУ»

Хабакук 3:1—19

3  Хабакук пайгамбардын ыр түрүндө зарлап айткан тиленүүсү:  «Оо, Жахаба, мен сен тууралуу кабар уктум+. Оо, Жахаба, сен жасаган иштер жөнүндө угуп корктум+. Ал иштериңди өзүң туура көргөн убакта* жандандыр! Өзүң туура көргөн убакта аларды жарыя кыл. Каарданып жатканыңда бизге кайрымдуулук көрсөтүүнү унута көрбө+.  Ыйык Кудай Темандан, Паран тоосунан келди+. (Села*)+. Анын улуулугу асманды каптады+, жер аны даңктаган сөздөргө толду+.  Анын жаркыроосу күндүн жарыгындай жаркырап турду+. Анын колунан эки нур чачырап турду, анын күчү ошол жерде жашырылган+.  Анын алдында жугуштуу оору+, артында оттой ысыткан оору баратты+.  Ал жерди солкулдатыш үчүн+ токтоду. Ал караганда, элдер коркконунан титирешти+. Эзелки тоолор кулады+, байыркы адырлар бүгүлдү+. Анын жолдору эзелтеден ушундай.  Мен Куштун чатырларынын кыйналганын көрдүм. Мидиан+ жериндеги чатырлардын жабуулары титиреди+.  Оо, Жахаба, аттарыңды чаап келатканыңда+ сен дарыяларга каардандың беле?+ Ошондо дарыяларга же деңизге каардандың беле?+ Сенин арабаларың куткарылуу алып келген+.  Сен жааңды кабынан алып чыктың+. Уруулар ант беришти+. (Села). Жерди дарыялар менен бөлдүң+. 10  Сени көргөндө тоолор абдан кыйналды+. Чагылган катуу чартылдап, жамгыр төктү. Суу туңгуюгу үн салып+, суулар асманга тик көтөрүлдү. 11  Күн менен ай бийиктеги турагында+ токтоп калды+. Жебелериң жарык сыяктуу учуп жатты+, найзаларың чагылгандай жарк-журк этип жатты+. 12  Сен жер үстүндө каарданып басып бараттың, ачууланып, элдерди эгин бастыргандай тебеледиң+. 13  Сен өз элиңди, өз майланганыңды, куткарыш үчүн чыктың+. Ыймансыздын үйүндөгү башчысын өлтүрдүң+. Үйүн пайдубалынан чатырына чейин бүт талкаладың+. (Села). 14  Анын жоокерлери мени чачыратыш үчүн жулкунуп келатканда+, сен аларды анын куралы менен башка сайдың+. Алар жашыруун жайда бечараны аңдып, аны жутуп жибергиси келип жаткандарга+ окшоп сүйүнүп жатышкан эле. 15  Сен аттарың менен деңизден, учу-кыйыры жок суулардан өттүң+. 16  Бул жөнүндө укканда ичим уйгу-туйгу болду. Бул кабарды укканда эриндерим дирилдеп, сөөктөрүм ириңдеди+, бүткөн боюмду калтырак басты. Элдердин башына алаамат түшө турган күндү+ мен дүрбөлөңгө түшпөй күтөм+. 17  Анжир гүлдөбөй калса да+, жүзүм түшүм бербей калса да, зайтун дарагы мөмө байлабай калса да, тектирлер түшүм бербей калса да+, короодо майда мал, кашаада бодо мал калбай калса да+, 18  Жахабаны ойлоп кубанам+, мени куткарган Кудайды ойлоп шаттанам+. 19  Эгедер Теңир Жахаба — менин күчүм+. Ал буттарымды маралдын буттарындай кылат+, мени бийик жерлериме чыгарат»+. Башчыга*: кыл аспаптарым үчүн.

Шилтемелер

Сөзмө-сөз: «ушул жылдардын ичинде».
Еврей тилиндеги музыкалык термин. Так мааниси белгисиз.
Же: «Ырчылар менен музыканттарды башкарган дирижёрго».