Мазмунун көрсөтүү

Кошумча менюну көрсөтүү

Мазмунун тизмесин көрсөтүү

Жахабанын Күбөлөрү

кыргыз

Онлайн Ыйык Китеп | ЫЙЫК КИТЕПТИН «ЖАҢЫ ДҮЙНӨ КОТОРМОСУ»

Филемон 1:1—25

 Машаяк Исага ишенгени үчүн түрмөдө отурган+ Пабылдан, ошондой эле бир тууганыбыз Тиметейден+ сүйүктүү кызматташыбыз+ Филемонго,  ишенимдеш карындашыбыз Апияга, биз менен бирге Машаяктын жоокери+ болгон Архипке+ жана Филемондун үйүндө чогулган жыйналышка+:  Кудай Атабыздын жана Мырзабыз Иса Машаяктын ырайымы, тынчтыгы силер менен болсун+.  Тиленгенимде сен үчүн дайыма Кудайыма ыраазычылык билдирем+.  Анткени Мырзабыз Исага, ошондой эле бардык ыйыктарга болгон сүйүүң, ишенимиң тууралуу угуп жүрөм+.  Ошондуктан башкалар менен бирге ээ болгон ишенимиң+ сага Машаяк аркылуу көп жакшы нерселерди алганыбызды түшүнүүгө жардам берсе экен деп тиленем.  Сенин сүйүүң жөнүндө укканда абдан кубанып, сооронуп калдым+, анткени сен, бир тууганым, ыйыктардын көңүлүн сергиттиң+.  Ушул себептен, сага туура иштерди кылууга буйрук берүү үчүн+ Машаяктын элчиси катары чоң бийликке ээ болсом да,  мен, Пабыл, жашап калган киши катары да, азыр Машаяк Иса үчүн түрмөдө отурган+ киши катары да сенден сүйүү менен өтүнүүнү туура көрдүм+. 10  Түрмөдө отурганымда баламдай болуп калган+ Онесим+ тууралуу өтүнөм. 11  Анын мурун сага пайдасы тийбесе, азыр сага да, мага да пайдасы тиет+. 12  Аны, бир боорумду+, сага кайра жөнөтүп жатам. 13  Жакшы кабар үчүн түрмөдө отурган+ мага мындан ары да сенин ордуңа+ кызмат кыла бериши үчүн, аны алып калгым келди. 14  Бирок сенин макулдугуңсуз эч нерсе кылгым келген жок. Анткени аргасыздан эмес, өз ыктыярың менен жакшылык кылышыңды кааладым+. 15  Сенден бир аз убакытка кетип калганы, балким, аны түбөлүккө кабыл алышың үчүн болгондур. 16  Эми аны кулдай эмес+, кулдан жогору көрүп+, сүйүктүү бир тууганыңдай кабыл ал+. Ал мен үчүн абдан кымбат, сен үчүн болсо кул катары да, Мырзабызга кызмат кылган бир тууган катары да ого бетер кымбат болоруна үмүттөнөм. 17  Эгер мени ишенимдешим деп эсептесең+, Онесимди мени тосуп алгандай жылуу тосуп ал+. 18  Эгерде ал сага кандайдыр бир зыян келтирген болсо же карыз болсо, менин мойнумда болсун. 19  Мен, Пабыл, муну өз колум менен жазып жатам+: сага төлөп берем. Сен өзүң да мага өмүрүң үчүн милдеттүү экениңди билесиң. 20  Ооба, бир тууганым, Мырзабызга кызмат кылууда мага жардамың тийсин: Машаяктын жолдоочусу катары көңүлүмдү сергит. 21  Буга макул болоруңа ишенип жазып жатам, анткени мен айткандан да көптү кыларыңды билем+. 22  Ошону менен бирге мага орун даярдап кой+, себеби тиленүүлөрүңөрдүн аркасында+ эркиндикке чыгып+, силерге кызмат кылам деп үмүттөнөм. 23  Машаяк Иса үчүн мени менен камакта отурган Эпафрас+ сага салам айтып жатат. 24  Кызматташтарым Марк, Аристарх+, Димас+, Лукалар да салам айтып жатышат. 25  Мырзабыз Иса Машаяк жакшы маанай көрсөтүп жаткан силерге ырайымын төгө берсин+.

Шилтемелер