Мазмунун көрсөтүү

Кошумча менюну көрсөтүү

Мазмунун тизмесин көрсөтүү

Жахабанын Күбөлөрү

кыргыз

Онлайн Ыйык Китеп | ЫЙЫК КИТЕПТИН «ЖАҢЫ ДҮЙНӨ КОТОРМОСУ»

Сепания 2:1—15

2  Чогулгула, чогулгула+, оо, жаман иш кылгандан уялбаган эл+.  Өкүм ишке аша электе+, күн өтүп кете электе, топон сыяктуу учуп кете электе, Жахаба силерге кайнаган каарын төгө электе+, Жахабанын каары төгүлө турган күн келе электе+,  бүт жер бетиндеги момундар+, анын мыйзамдарын аткаргандар, Жахабаны издегиле+, адилдикти издегиле+, момундукту издегиле+. Балким+, каары төгүлгөн күнү Жахаба силерди жашырып* калар+.  Анткени Аза шаары аңгырап бош калат+, Ашкелон ээн талаага айланат+. Азоттун+ тургундарын чак түштө кууп чыгышат+, Экронду орду-түбү менен жок кылышат+.  «Деңиздин жээгинде жашагандардын, керейтиликтердин, башына каран түн түшөт!+ Жахаба силерге каршы өкүм чыгарды. Оо, Канаан, пелиштиликтердин жери, мен сени кыйратам, бир да тургунуң калбайт+.  Деңиз жээгиндеги жер болсо жайытка айланат+, ал жерде койчулар үчүн кудуктар, койлор үчүн таш короолор болот.  Ал жер Жүйүттүн калдыгына+ тиет. Алар ошол жерде оттошот, кечкисин Ашкелондун үйлөрүндө керилип жатышат. Анткени Жахаба Кудайы аларга көңүл буруп+, туткунга кеткендерин кайрып келет»+.  «Мен Мааптын кордогон сөздөрүн+, Амон уулдарынын акарат кылганын+, менин элимди кордоп, текеберленип, алардын жерин тартып алабыз деп коркутушканын уктум.  Мен тирүүмүн+,— дейт Ысрайылдын Кудайы, асман аскерлеринин Кудайы Жахаба,— Маап Содомдой+, Амон уулдары+ Амордой болот, шор баскан чуңкурларга толгон, чалкан баскан жерге айланат, түбөлүккө ээн калат+. Менин элимдин калдыгы аларды талап-тонойт, элимдин калдыгы аларды ээлеп алат+. 10  Асман аскерлеринин Кудайы Жахабанын элин кордоп, кыйынсынышканы үчүн+, текебердиги+ үчүн алар ушуну көрүшөт. 11  Жахаба аларга каршы чыкканда, алардын үрөйү учат+. Ал жер үстүндөгү кудайлардын баарын алсыратат+. Бардык адамдар, элдер жашаган бардык аралдар+, ар бири өз ордунда ага таазим кылат+. 12  Эфиопиялыктар+, силер да менин кылычымдан өлөсүңөр+. 13  Ал колун түндүктү көздөй сунуп, Ашурду жок кылат+. Нинебини ээн талаага, чөл сыяктуу какшыган жерге айлантат+. 14  Ал жерде ар кандай жаныбарлардын үйүрү, жапайы жаныбарлар жатат+. Анын кулап калган мамыларынын арасында+ биргазан менен чүткөр* түнөйт+. Терезелерден ырдагандай үндөр угулуп турат. Босоголорунда урандылар жатат. Ал анын дубалдарына капталган тактайларын сыйрып таштайт+. 15  „Мен, менден башка эч ким жок“+,— деп ойлогон, салтанат куруп, бейкапар жашаган шаар ушул болчу+. Мына, эми ал көргөн кишинин үрөйү уча турган жерге, жапайы жаныбарлар керилип жаткан жерге айланды! Анын жанынан өткөндөрдүн баары башын чайкап, таң калганынан ышкырат».

Шилтемелер

Же: «калкалап».
Кемирүүчүлөр түркүмүнө кирген, жонунда ийнелери бар жаныбар.