Жөндөө мүмкүнчүлүгү

Тилди тандаңыз

Кошумча менюну көрсөтүү

Мазмунун тизмесин көрсөтүү

Мазмунун көрсөтүү

Жахабанын Күбөлөрү

кыргыз

Онлайн Ыйык Китеп

ЫЙЫК КИТЕПТИН «ЖАҢЫ ДҮЙНӨ КОТОРМОСУ»

Сандар 9:1—23

9  Ысрайыл эли Мисир жеринен чыккандан кийинки экинчи жылдын биринчи айында+ Синай чөлүндө Жахаба Мусага мындай деди:  «Ысрайыл уулдары белгиленген убакта+ пасах майрамын өткөрүшсүн+.  Аны белгиленген убакта, ушул айдын он төртүнчү күнү кечинде+, караңгы киргенге чейин*, бардык мыйзамы, тартиби боюнча белгилегиле»+.  Муса Ысрайыл уулдарына пасах майрамын белгилөөнү айтты.  Алар биринчи айдын он төртүнчү күнү кечинде, караңгы киргенге чейин, Синай чөлүндө пасахты белгилешти. Жахаба Мусага кандай буйруса, Ысрайыл уулдары так ошондой кылышты+.  Бирок кээ бирлери өлгөн адамга*+ тийип таза эмес болуп калгандыктан ошол күнү пасахты белгилей алышкан жок. Андыктан алар ошол күнү Муса менен Арунга барышты+.  Анан ага: «Биз өлгөн адамга тийип таза эмес болуп калдык. Эми белгиленген убакта Ысрайыл уулдары менен бирге Жахабага курмандык+ чалбай калабызбы?» — дешти.  Муса аларга: «Тиги жерде күтө тургула, Жахаба силер тууралуу эмне деп айтарын угайын»,— деди+.  Жахаба Мусага мындай деди: 10  «Ысрайыл уулдарына мындай деп айт: „Эгер силердин же тукумдарыңардын арасынан кимдир бирөө өлгөн адамга+ тийип таза эмес болуп калса же алыскы сапарда жүрсө, ал баары бир деле Жахабага арнап пасах майрамын белгилеши керек. 11  Алар аны экинчи айдын+ он төртүнчү күнү кечинде, караңгы киргенге чейин белгилеп, пасах курмандыгынын этин калама жана ачуу чөптөр менен жешсин+. 12  Андан эртең мененкиге чейин эч нерсе калтырышпасын+, анын бир да сөөгүн сындырышпасын+. Аны берилген көрсөтмөлөргө ылайык даярдашсын+. 13  Эгер адам таза болсо, алыскы сапарда жүрбөсө, бирок пасахты белгилебесе, ал* элинин арасынан жок кылынсын+, анткени белгиленген убакта Жахабага курмандык чалган жок. Ал күнөөсү үчүн жоопко тартылышы керек+. 14  Эгер араңарда келгин жашаса, ал да Жахабага арнап пасах майрамын белгилеши керек+. Аны бардык мыйзамы, тартиби боюнча белгилесин+. Келгин үчүн да, жергиликтүү тургун үчүн да — баарыңар үчүн бир мыйзам болсун“»+. 15  Ыйык чатыр+, башкача айтканда, келишим сандыгы турган ыйык чатыр тургузулган күнү анын үстүндө булут+ пайда болду. Ал эми кеч киргенден таң атканга чейин ал ыйык чатырдын үстүндө от сыяктуу болуп турду+. 16  Дайыма ушундай болчу: чатырдын үстүндө күндүз булут турчу, түнкүсүн от сыяктуу нерсе турчу+. 17  Булут чатырдан жогору көтөрүлөрү менен+, Ысрайыл уулдары жолго чыгышчу, ал эми булут токтогондо токтоп, ошол жерге чатырларын тигишчү+. 18  Алар Жахабанын буйругу боюнча жолго чыгып, Жахабанын буйругу боюнча чатырларын тигишчү+. Булут ыйык чатырдын үстүндө турган күндөрү алардын кошууну жолго чыкчу эмес. 19  Булут ыйык чатырдын үстүндө көп күн турса да, Ысрайыл уулдары Жахабага баш ийип, жолго чыгышчу эмес+. 20  Кээде булут ыйык чатырдын үстүндө бир нече эле күн турчу. Ысрайыл уулдары Жахабанын буйругу боюнча+ чатырларын тигип, Жахабанын буйругу боюнча жолго чыгышчу. 21  Айрым учурларда булут+ чатырдын үстүндө кеч киргенден таң атканга чейин туруп, эртең менен жогору көтөрүлчү. Ошондо алар жолго чыгышчу. Булут качан жогору көтөрүлбөсүн, күндүзбү же түнкүсүнбү, алар ошол замат жолго чыгышчу+. 22  Булут ыйык чатырдын үстүндө эки күн турабы, бир айбы же андан да көп турабы, ал күндөрү Ысрайыл уулдарынын кошууну жолго чыкчу эмес. Ал эми булут көтөрүлгөндө, жолго чыгышчу+. 23  Алар Жахабанын буйругу боюнча чатырларын тигип, Жахабанын буйругу боюнча жолго чыгышчу. Алар Жахабанын Муса аркылуу+ берген буйруктарын аткарып, Жахабага баш ийишчү+.

Шилтемелер

Сөзмө-сөз: «эки кечтин ортосунда».
Сөзмө-сөз: «жанга». Бул Сн 9:7, 10-аяттарга да тиешелүү.
Сөзмө-сөз: «жан».