Жөндөө мүмкүнчүлүгү

Тилди тандаңыз

Кошумча менюну көрсөтүү

Мазмунун тизмесин көрсөтүү

Мазмунун көрсөтүү

Жахабанын Күбөлөрү

кыргыз

Онлайн Ыйык Китеп

ЫЙЫК КИТЕПТИН «ЖАҢЫ ДҮЙНӨ КОТОРМОСУ»

Сандар 8:1—26

8  Жахаба Мусага мындай деди:  «Арунга: „Чыракпаянын жети чырагын күйгүзгөнүңдө аларды чыракпаянын алдындагы жерди жарыктандырып тургудай кылып кой“,— деп айт»+.  Арун ошондой кылды. Ал, Жахаба Мусага буйрук кылгандай, чыракпаянын алдындагы жер жарык болуп турушу үчүн, чырактарды күйгүзүп турду+.  Чыракпая алтындан чегилип жасалган эле. Ал сөңгөгүнөн гүлдөрүнө чейин чегилип жасалган+. Муса чыракпаяны Жахаба ага аянда+ көрсөткөндөй кылып жасаган болчу.  Жахаба Мусага дагы мындай деди:  «Ысрайыл уулдарынан лебилерди бөлүп алып, аларды тазала+.  Ал үчүн мындай кыл: аларга күнөөдөн тазалай турган суудан чач+; алар болсо денесиндеги бүт түктөрүн кырып+, кийимдерин жууп+, тазаланышсын+.  Анан бир букачар+ жана май аралаштырылган эң жакшы ундан нан курмандыгын+ алып келишсин. Күнөө курмандыгына чалыш үчүн сен да бир букачар ал+.  Андан соң лебилерди жыйын чатырынын кире беришине алып келип, Ысрайыл уулдарынын бүт жамаатын чогулт+. 10  Лебилерди+ Жахабанын алдына тургуз. Ысрайыл уулдары алардын башына колдорун коюшсун+. 11  Андан кийин Арун лебилерге Ысрайыл уулдары алып келген чайпалтуу курмандыгы+ катары Жахабанын алдында ары-бери чайпалууну буйрусун, алар Жахабага кызмат кылышат+. 12  Лебилер букачарлардын башына колдорун коюшсун+. Жахабага арнап букачарлардын бирин күнөө курмандыгына, экинчисин бүтүндөй өрттөлүүчү курмандыкка чалып, лебилерди күнөөдөн арылт+. 13  Анан аларды Арун менен анын уулдарынын алдына тургузуп, Жахабага арналган чайпалтуу курмандыгы катары ары-бери чайпалууну буйрук кыл. 14  Лебилерди Ысрайыл уулдарынан өзүнчө бөлүп кой, алар меники болот+. 15  Ошондон кийин алар жыйын чатырына байланышкан кызматты аткарышат+. Ошон үчүн аларды тазалап, чайпалтуу курмандыгы катары ары-бери чайпалууну буйру+. 16  Алар — Ысрайыл уулдарынын арасынан мага белек катары берилгендер*+. Мен аларды өзүмө Ысрайыл уулдарынын бардык тундарынын*+ ордуна алам. 17  Анткени Ысрайыл уулдарынын бардык тундары: тун балдары да, малынын биринчи төлү да меники+. Мисир жериндеги+ тундардын баарын өлтүргөнүмдө мен аларды өзүм үчүн ыйыктагам+. 18  Ысрайыл уулдарынын бардык тун балдарынын ордуна мен лебилерди алам+. 19  Аларды Ысрайыл уулдарынын арасынан тандап алып, Арун менен анын уулдарына белек катары берем+. Ысрайыл уулдары ыйык жерге жакындап, ошонун айынан жамандыкка кабылбашы үчүн+, лебилер алардын ордуна жыйын чатырында+ кызмат кылып, аларды күнөөдөн арылтып турушат». 20  Муса, Арун жана Ысрайыл уулдарынын бүт жамааты лебилер жөнүндө айтылгандардын баарын аткарышты. Жахаба Мусага лебилерге байланыштуу эмнелерди буйруса, Ысрайыл уулдары ошонун баарын аткарышты. 21  Лебилер тазаланып+, кийимдерин жуугандан кийин, Арун аларга Жахабанын алдында чайпалтуу курмандыгы катары ары-бери чайпалууну буйруду+. Анан аларды тазалаш үчүн күнөөдөн арылтты+. 22  Ошондон кийин лебилер жыйын чатырында Арун менен анын уулдарынын алдында кызмат кыла башташты+. Жахаба Мусага лебилерге байланыштуу эмнелерди буйруса, ошолордун баары аткарылды. 23  Жахаба Мусага мындай деди: 24  «Лебилерге байланыштуу көрсөтмө мындай: леби жыйырма беш жашынан тартып жыйын чатырына байланышкан кызматын баштасын. 25  Ал эми элүү жашка чыкканда кызматын токтотсун, андан ары кызмат кылбасын. 26  Ал жыйын чатырына байланышкан кызматты аткарган бир туугандарына жардам берсе болот, бирок өзү кызмат кылбасын. Лебилердин милдеттерине байланыштуу ушундай кыл»+.

Шилтемелер

Евр. нефуним; «нетиндер» деген сөз менен байланышы бар. Кара: 1Жл 9:2.
Сөзмө-сөз: «бардык жатындарды жарып чыккандарынын, бардык тундарынын».