Жөндөө мүмкүнчүлүгү

Тилди тандаңыз

Кошумча менюну көрсөтүү

Мазмунун тизмесин көрсөтүү

Мазмунун көрсөтүү

Жахабанын Күбөлөрү

кыргыз

Онлайн Ыйык Китеп

ЫЙЫК КИТЕПТИН «ЖАҢЫ ДҮЙНӨ КОТОРМОСУ»

Сандар 15:1—41

15  Жахаба Мусага мындай деди:  «Ысрайыл уулдарына мындай деп айт: „Мен бере турган жерге, силер жашай турган жерге+, барганыңардан кийин,  Жахаба жагымдуу жытты искеши үчүн+, Жахабага арнап өрттөлүүчү тартууга+: бүтүндөй өрттөлүүчү курмандыкка+ же өзгөчө антыңа байланышкан курмандыкка, же ыктыярдуу курмандыкка+, же майрамдарда чалынуучу курмандыкка+ бодо же майда мал алып келе турган болсоң,  ага кошуп Жахабага арналган нан курмандыгына эң жакшы ундан+ эйфанын ондон бир бөлүгүн алып кел, ага бир литр май аралаштырылган болсун.  Ошондой эле бүтүндөй өрттөлүүчү курмандыкка же курмандыкка чалынчу ар бир эркек козуга кошуп суюк тартуу катары бир литр шарап алып кел+.  Курмандыкка чалынчу кочкорго кошуп нан курмандыгына эң жакшы ундун ондон эки бөлүгүн алып кел, ага бир литрден бир аз көбүрөөк май аралаштырылган болсун.  Ошондой эле Жахабага жыты жагымдуу суюк тартуу катары бир литрден бир аз көбүрөөк шарап алып кел.  Эгер Жахабага арнап бүтүндөй өрттөлүүчү курмандыкка+ же өзгөчө антыңа байланышкан курмандыкка+, же тынчтык курмандыгына+ букачар алып келе турган болсоң,  ага кошуп нан курмандыгына+ эң жакшы ундун ондон үч бөлүгүн алып кел, ага жарым гин* май аралаштырылган болсун. 10  Ошондой эле суюк тартууга+, Жахабага жыты жагымдуу өрттөлүүчү тартууга, жарым гин шарап алып кел. 11  Бука, кочкор, эркек козу же теке алып келген сайын ушундай кыл. 12  Курмандыкка канча мал алып келбе, ар бирин алып келген сайын ушундай кыл. 13  Жахабага жыты жагымдуу өрттөлүүчү тартуу алып келген ар бир жергиликтүү тургун ушундай кылышы керек+. 14  Араңарда жашаган келгин же араңарда бир нече муундан бери жашап келаткан киши Жахабага жыты жагымдуу өрттөлүүчү тартуу алып келгиси келсе, ал да силер кылганды кылсын+. 15  Жыйналышты түзгөн силер үчүн да, араңарда жашаган келгин үчүн да бир мыйзам болсун+. Аны өзүңөр да, укум-тукумуңар да түбөлүккө сакташыңар керек. Келгин да, силер да Жахабанын алдында бирдейсиңер+. 16  Силер үчүн да, араңарда жашаган келгин үчүн да, бир мыйзам, бир көрсөтмө болсун“»+. 17  Жахаба Мусага дагы мындай деди: 18  «Ысрайыл уулдарына мындай деп айт: „Мен силерди алып бараткан жерге барып+, 19  ал жердин нанын жегениңерде+ Жахабага тартуу алып келгиле. 20  Тартуу катары кесек тартылган биринчи ундан жасалган ортосу оюк токоч алып келгиле+. Аны, кырмандан алып келген тартууну кандай алып келсеңер, ошондой кылып алып келгиле. 21  Өзүңөр да, укум-тукумуңар да кесек тартылган биринчи унуңардын бир бөлүгүн Жахабага тартуу кылгыла. 22  Эгер ката кетирсеңер, Жахабанын Мусага айткан осуяттарын толук аткарбасаңар+, 23  Жахабанын Муса аркылуу силерге, бардык укум-тукумуңарга берген осуяттарын — Жахаба буйрук кылган күндөн тартып аткарышыңар керек болгон осуяттарды — аткарбасаңар, 24  бирок ал катаны билбестиктен жасаган болсоңор жана аны жамааттагылардын эч кимиси билген эмес болсо, анда бүт жамаат Жахабага жыты жагымдуу бүтүндөй өрттөлүүчү курмандыкка бир букачар алып келсин. Ошондой эле ага кошуп, берилген көрсөтмөгө ылайык+, нан курмандыгы менен суюк тартуу, күнөө курмандыгына бир улак алып келсин+. 25  Дин кызматчы Ысрайыл уулдарынын бүт жамаатын күнөөдөн арылтат+, алардын күнөөсү кечирилет, анткени ал билбестиктен жасалган ката болчу+ жана алар Жахабага өрттөлүүчү тартуу, кетирген катасы үчүн Жахабага күнөө курмандыгын алып келишти. 26  Ысрайыл уулдарынын бүт жамаатынын, алардын арасында жашаган келгиндердин да күнөөсү кечирилет+, анткени аны бүт эл билбестиктен жасаган болчу. 27  Билбей күнөө кылып алган киши*+ күнөө курмандыгына бир жашка чейинки ургаачы улак алып келсин+. 28  Дин кызматчы Жахабанын алдында билбей күнөө кылып алган ал кишини* күнөөдөн арылтат. Күнөөдөн арылтылгандан кийин, анын күнөөсү кечирилет+. 29  Жергиликтүү тургун болобу, араңарда жашаган келгин болобу, билбей күнөө кетирип алгандардын бардыгы үчүн бир мыйзам болсун+. 30  Жергиликтүү тургун болобу, келгин болобу, атайылап күнөө кылган киши+ Жахабага акарат кылган болот+. Ал киши элинин арасынан жок кылынсын+. 31  Жахабанын сөзүн баркка албай+, анын осуятын бузгандыктан+, ал киши сөзсүз жок кылынышы керек+. Ал күнөөсү үчүн жоопко тартылсын“»+. 32  Ысрайыл уулдары чөлдө жүргөндө, бир жолу ишемби күнү отун терип жүргөн кишини көрүп калышты+. 33  Ал кишинин отун терип жүргөнүн көргөндөр аны Муса менен Арунга, бүт жамаатка алып барышты. 34  Андай адамга байланыштуу али так көрсөтмө жок болгондуктан, аны камап коюшту+. 35  Бир нече убактан кийин Жахаба Мусага: «Ал өлүм жазасына тартылышы керек+. Бүт жамаат аны конуштун сыртына алып чыгып, таш бараңга алсын»,— деди+. 36  Жахаба Мусага буйрук кылгандай, бүт жамаат аны конуштун сыртына алып чыгып, таш бараңга алып өлтүрдү. 37  Жахаба Мусага мындай деди: 38  «Ысрайыл уулдарына айт, өздөрү да, укум-тукумдары да кийимдеринин этегине чачы жасап+, үстүнөн көк жип өткөрүшсүн. 39  Аларга мындай деп айт: „Чачылар силерге Жахабанын бардык осуяттарын эстетип+, аларды аткарышыңар керектигин, жүрөгүңөр менен көзүңөрдүн каалоосуна жетеленип+ адеп-ахлаксыз жолго+ түшпөшүңөр керектигин эскертип турат. 40  Бул буйрукту силерге менин бардык осуяттарымды эсиңерде сактап, аткарышыңар үчүн, Кудайыңардын алдында ыйык болушуңар үчүн бердим+. 41  Мен Жахабамын, силердин Кудайыңар болуш үчүн силерди Мисир жеринен алып чыккан Кудайыңармын+. Мен Жахабамын, силердин Кудайыңармын“»+.

Шилтемелер

1 гин = 3,67л.
Сөзмө-сөз: «жан». Бул Сн 15:30, 31-аяттарга да тиешелүү.
Сөзмө-сөз: «жанды».