Мазмунун көрсөтүү

Кошумча менюну көрсөтүү

Мазмунун тизмесин көрсөтүү

Жахабанын Күбөлөрү

кыргыз

Онлайн Ыйык Китеп | ЫЙЫК КИТЕПТИН «ЖАҢЫ ДҮЙНӨ КОТОРМОСУ»

Рут 4:1—22

4  Бууз дарбазанын алдына барып отурду+. Жанынан өзү айткан тууганы*+ өтүп баратканын көрүп, аны: «Баланча, бери келип, бул жерге отурсаң»,— деп чакырды. Тиги келип, отурду.  Андан кийин Бууз шаар аксакалдарынан+ он кишини чакырып: «Бул жерге отурсаңар»,— деди. Алар отурушту.  Ошондо Бууз тиги тууганына+: «Маап жеринен+ кайтып келген Наами биздин тууганыбыз Элимелектин+ жерин сатканы жатат.  Бул тууралуу сага билдирүүнү туура көрдүм. Аны бул жердегилердин, элимдин аксакалдарынын алдында+ кун төлөп сатып ал+. Эгер сатып албай турган болсоң, айт, билгидей болоюн. Анткени кун төлөп сатып алууга сенден башка эч кимдин укугу жок+. Сенден кийинки эле жакын тууганы менмин»,— деп айтты. Тиги тууганы: «Сатып алам»,— деди+.  Бууз ага: «Нааминин жерин сатып алган күнү ал жерди маркумдун аялы мааптык Руттан да сатып алышың керек. Ошондо маркумдун мурасы өзүнө таандык бойдон калат»,— деди+.  Тиги тууганы: «Мен аны сатып ала албайм, анткени өз мурасыма доо кетирип алышым мүмкүн. Сен сатып ал, мен сатып ала албайм, укугумду сага берейин»,— деди.  Ысрайыл жеринде, ишти ырасташ үчүн, кун төлөп сатып алууга жана бир нерсени алмашууга байланыштуу мурунтан эле мындай салт бар болчу: бири өзүнүн сандалын чечип+, экинчисине берчү. Ысрайыл жеринде келишим ошентип бекитилчү.  Ошондуктан тиги тууганы Буузга: «Сен сатып ал»,— деди да, сандалын чечип берди+.  Ошондо Бууз аксакалдар менен бүт элге: «Силер бүгүн Наамиден Элимелектин бүт мүлкүн, Килион менен Махлондун да бүт мүлкүн сатып алып жатканыма күбөсүңөр+. 10  Ошондой эле маркумдун мурасы өзүнө таандык бойдон калышы үчүн, анын ысмы бир туугандарынын, шаардагылардын арасынан өчпөшү үчүн, Махлондун аялы мааптык Рутту аялдыкка сатып алып жатам+. Силер бүгүн буга күбөсүңөр»,— деди+. 11  Ошондо дарбазанын алдында турган бүт эл менен аксакалдар: «Күбөбүз! Жахаба үйүңө кире турган аялды ысрайыл элинин энелери болгон*+ Рахил+ менен Лиядай+ кылсын. Эфратада+ кадыр-баркың өссүн, Бетлехемде+ атың чыксын. 12  Жахаба сага ушул аялдан бере турган тукум аркылуу+ сенин үйүң Тамар Жүйүткө төрөп берген Перестин+ үйүндөй болсун»,— дешти. 13  Ошентип, Бууз Рутту аялдыкка алып, ага жакындады. Жахабанын батасы менен Руттун боюна бүтүп+, уул төрөдү. 14  Ошондо аялдар Наамиге+: «Жахабага даңк!+ Ал сени бүгүн кун төлөөчүсүз калтырган жок. Анын ысмы Ысрайыл жеринде даңкталсын. 15  Бул бала жаныңа кайрадан күч-кубат берди, бул — сенин карыганыңда бага турган берекең+, анткени бул баланы сени жакшы көргөн+, сен үчүн жети уулдан артык болгон+ келиниң төрөп берди»,— дешти. 16  Наами баланы алып, бооруна кысып көтөрүп жүрдү. Ошентип, ал аны бага баштады. 17  Коңшу+ аялдар: «Наами уулдуу болду» — деп, балага ат коюшту. Анын атын Обейт коюшту+. Ал — Дөөтүнүн атасы Жышайдын+ атасы. 18  Перестин урпактары булар: Перестен+ Кесрон+ төрөлгөн; 19  Кесрондон Рам+, Рамдан Аминадап төрөлгөн; 20  Аминадаптан+ Нахшон+, Нахшондон Салмон төрөлгөн; 21  Салмондон+ Бууз, Бууздан+ Обейт төрөлгөн; 22  Обейттен Жышай+, Жышайдан Дөөтү+ төрөлгөн.

Шилтемелер

Сөзмө-сөз: «кун төлөп сатып алуучу».
Сөзмө-сөз: «Ысрайыл үйүн тургузган».