Жөндөө мүмкүнчүлүгү

Тилди тандаңыз

Кошумча менюну көрсөтүү

Мазмунун тизмесин көрсөтүү

Мазмунун көрсөтүү

Жахабанын Күбөлөрү

кыргыз

Онлайн Ыйык Китеп

ЫЙЫК КИТЕПТИН «ЖАҢЫ ДҮЙНӨ КОТОРМОСУ»

Римдиктер 16:1—27

16  Силерди Кенхиреядагы+ жыйналышта кызмат кылган Фиби бир тууганыбыз+ менен тааныштырам*.  Ыйыктарды кандай кабыл алыш керек болсо, аны да Мырзабыз үчүн ошондой жылуу кабыл алып+, ага бардык жагынан жардам бергиле+. Анткени ал көптөрдү, алардын ичинде мени да коргогон.  Машаяк Исанын жолундагы кызматташтарым+ Приска менен Акилага+ менден салам айткыла.  Алар менин жаным үчүн өздөрүнүн өмүрүн тобокелге салышкан+. Ал экөөнө мен эле эмес, башка элдердин арасындагы жыйналыштардын баары ыраазы+.  Алардын үйүндө чогулган жыйналышка да салам айткыла+. Машаяктын Азиядагы* алгачкы жолдоочуларынын+ бири болгон сүйүктүү бир тууганым Эпейнетке салам айткыла.  Силер үчүн көп эмгектенген Мариямга салам айтып койгула.  Мени менен бирге камакта отурган+ туугандарыма+ — мага караганда көптөн бери Машаяктын жолун жолдоп+, элчилер жакшы тааныган Андроник менен Унияга — салам айткыла.  Мырзабыздын жолундагы сүйүктүү бир тууганым Ампилийге салам айткыла+.  Машаяк жолундагы кызматташыбыз Урбан менен сүйүктүү бир тууганым Стахиске салам айтып койгула. 10  Машаяктын жолунда жакшы атка ээ болгон Апелеске, Аристобулдун үйүндөгүлөрүнө салам айткыла+. 11  Тууганым+ Иродионго, Наркистин үйүндөгүлөрүнүн Мырзабыздын жолун жолдогондоруна+ салам айткыла. 12  Мырзабыздын жолунда талыкпай эмгектенген аялдарга — Трифана менен Трифосага жана Мырзабыздын жолунда көп эмгек кылган сүйүктүү бир тууганыбыз Персиске — салам айткыла. 13  Мырзабыз тандаган Руфуска жана анын мага да энедей болуп калган энесине салам айткыла. 14  Асинкритке, Пилегонго, Гермеске, Патропко, Эрмаска жана алардын жанындагы бир туугандарга салам айткыла. 15  Филолог менен Улияга, Нерей менен анын бир тууганына, Олимпаска жана алардын жанындагы ыйыктардын баарына салам айтып койгула+. 16  Бири-бириңер менен бир туугандарча өбүшүп учурашкыла+. Силерге Машаяктын бардык жыйналыштары салам айтып жатышат. 17  Бир туугандар, силерди буга чакырам: ортоңорго жик салгандарды+, мүдүрүлүшүңөргө себепкер болгондорду байкоого алгыла, алардан алыс болгула+, анткени алар өзүңөр кабыл алган окутууга каршы иш кылышат+. 18  Андайлар — Мырзабыз Машаяктын эмес, өз курсагынын кулу+. Алар бал тилге салып+, кошомат сөздөрдү+ айтуу менен ишенчээк адамдардын жүрөгүн азгырышат. 19  Силердин тил алчаактыгыңар болсо баарына байкалууда+. Андыктан силер үчүн кубанып жатам. Бирок жакшы иштерге келгенде акылман+, ал эми жаман иштерге+ келгенде куулук-шумдугу жок болушуңарды каалайм+. 20  Тынчтыктын булагы болгон Кудай+ жакында Шайтанды бут алдыңарда ойрон кылат+. Мырзабыз Исанын ырайымы силер менен болсун+. 21  Кызматташым Тиметей, ошондой эле туугандарым Лукий, Жасон жана Сосипатыр силерге салам айтып жатышат+. 22  Бул катты жазган мен, Тертий, Мырзабыздын жолдоочусу катары силерге салам айтам. 23  Мага, ошондой эле бүт жыйналышка меймандостук көрсөтүп жаткан Гай+ силерге салам айтып жатат. Шаардын казына башчысы+ Эраст менен анын бир тууганы Куарт да салам айтып жатышат. 24  * —— 25  Ыйык сырдын+ ачылышына ылайык, мен жарыялаган жакшы кабар аркылуу жана Иса Машаяк жөнүндөгү кабар айтуу иши аркылуу Кудай силерди бекемдей алат+. Ал сыр көп убакыт бою айтылбай келген. 26  Бирок азыр, бардык элдер ишеними аркылуу+ Кудайга тил алышы үчүн, ал ыйык сыр ачылып, түбөлүктүү Кудайдын буйругу боюнча пайгамбарлардын жазгандары аркылуу баарына белгилүү болду+. 27  Иса Машаяк аркылуу+ жалгыз акылман+ Кудайыбыз түбөлүккө даңктала берсин+. Оомийн.

Шилтемелер

Же: «ага кепилдеме берем».
Элч 2:9дун шилт-н кара.
Грек тилиндеги айрым кол жазмаларда 20-аяттын аягындагы сөздөргө окшош «Мырзабыз Иса Машаяктын ырайымы баарыңар менен болсун. Оомийн» деген сөздөр кездешет. Бирок ал сөздөр эң байыркы кол жазмаларда кездешпейт.