Жөндөө мүмкүнчүлүгү

Тилди тандаңыз

Кошумча менюну көрсөтүү

Мазмунун тизмесин көрсөтүү

Мазмунун көрсөтүү

Жахабанын Күбөлөрү

кыргыз

Онлайн Ыйык Китеп

ЫЙЫК КИТЕПТИН «ЖАҢЫ ДҮЙНӨ КОТОРМОСУ»

Римдиктер 11:1—36

11  Анда мен: «Кудай өз элин четке кагып койдубу?»+ — деп сурагым келет. Албетте, каккан жок! Анткени мен да Ыбрайымдын тукумунан, Бенжемин уруусунан+ чыккан ысрайылдыкмын+.  Кудай башынан бери көңүлүн буруп келген элин четке каккан жок+. Же силер Илияс тууралуу Ыйык Жазмада эмне деп айтылганын билбейсиңерби? Ал ысрайыл элинин үстүнөн арызданып, Кудайга+:  «Жахаба, алар пайгамбарларыңды өлтүрүп, курмандык жайларыңды талкалап салышты. Жалгыз мен калдым, бирок менин да жанымды кыюуну көздөп жатышат»,— деген+.  Ошондо Кудай эмне деп жооп берген?+ «Мен өзүмө Баалдын алдында тизе бүкпөгөн 7000 кишини калтырдым»,— деген+.  Анын сыңарындай, азыр да ырайымдын негизинде тандалган+ калдык бар+.  Эгерде ырайымдын негизинде болсо+, анда иштердин негизинде эмес+. Болбосо ырайым ырайым болбой калмак+.  Анда эмне демекчибиз? Ысрайыл эңсегенине жеткен жок+, тандалгандар болсо жетти+. Ал эми калгандарынын жүрөгү мерез болуп калды+.  Бул жөнүндө Ыйык Жазмада: «Кудай аларга катуу уктатуучу рух жиберди+, көрбөй турган көз, укпай турган кулак берди; ушул күнгө чейин ушундай»,— деп жазылган+.  Дөөтү да: «Аларга өздөрүнүн үстөлү* тузак, кылтак, чалынта турган таш жана жаза болсун+; 10  көздөрү тунарып, көрбөй калсын, белдери биротоло бүкчүйүп калсын»,— дейт+. 11  Ошондуктан: «Алар кайра турбас болуп чалындыбы?»+ — деп сурагым келет. Жок! Алардын жаңылыш кадамынан улам+ башка элдерге куткарылууга жол ачылды+. Ысрайыл элин намыстандыруу үчүн ушундай болду+. 12  Эгер алардын жаңылыш кадамы дүйнөгө, ал эми санынын азайганы башка элдерге байлык алып келсе+, анда алардын толук саны+ андан да көп байлык алып келбейби?! 13  Эми силерге, башка элдерден чыккандарга, кайрылып жатам. Мен башка элдерге жиберилген+ элчи+ болгондуктан кызматымды+ даңктайм+. 14  Ошентип, каны бир боордошторумду+ намыстандырып, айрымдарын куткарып калармын+. 15  Алардын четке кагылышы+ дүйнөнү Кудай менен элдештирсе+, анда алардын кабыл алынышы өлүмдөн өмүргө өтүүнү билдирбейби? 16  Эгер камырдын биринчи түшүм+ катары алынып келген бөлүгү ыйык болсо, анда бүт камыр да ыйык. Тамыр ыйык болсо+, бутактар да ыйык. 17  Айрым бутактар кыйылып ташталса, ал эми сен жапайы зайтун дарагынын бутагы болгонуңа карабай калган бутактардын арасына кыйыштырылып+, алар менен бирге зайтун дарагынын+ тамырындагы мол ширеден+ азыктанып жатсаң, 18  анда кыйылган бутактардын алдында бой көтөрбө. Эгер бой көтөрүп жатсаң+, сен тамырды эмес+, тамыр сени кармап турганын билип кой+. 19  Балким, сен: «Мен кыйыштырылышым үчүн+, бутактар кыйылды»+,— дейттирсиң. 20  Ырас, алар ишенбестиги үчүн+ кыйылды, сен болсо ишенимиңден улам турасың+. Бой көтөрбө+, тескерисинче, корк+. 21  Анткени Кудай дарактын өз бутактарын аябаган болсо, анда сени да аябайт+. 22  Ошондуктан Кудайдын боорукердиги+ менен катаалдыгын+ билип кой. Ал четтеп кеткендерге катаал мамиле кылат+. Сага болсо, эгер мындан ары да анын боорукердигине татыктуу болсоң+, боорукердик көрсөтөт. Антпесең, сени да кыйып таштайт+. 23  Ал эми тигилер, эгер мындан ары ишенбегендерден болбосо, кайрадан кыйыштырылат+. Себеби Кудайдын аларды кайрадан кыйыштырууга кудурети жетет. 24  Эгер сен жапайы зайтун дарагынан кесилип алынып, бакчадагы зайтун дарагына табияттын мыйзамына каршы кыйыштырылган болсоң+, анда ага өз бутактарынын кыйыштырылары да шексиз!+ 25  Бир туугандар, акылдуусунбашыңар үчүн, бул ыйык сыр+ жөнүндө билишиңерди каалайм: айрым ысрайылдыктардын жүрөгү башка элдерден келгендердин+ саны толгонго чейин+ мерез болот+. 26  Ошентип, бүт Ысрайыл+ куткарылат. Бул тууралуу Ыйык Жазмада: «Сиондон куткаруучу келип+, Жакыпты ыймансыз иштеринен алыстатат+. 27  Мен аларды күнөөлөрүнөн арылтканымда+, менин алар менен түзгөн келишимим+ ошол болот»,— деп жазылган. 28  Ооба, алар — жакшы кабарды четке каккандыктан силердин пайдаңар үчүн Кудайдын душманы+. Ал эми Кудайдын тандоосу боюнча алар — ата-бабаларынын кадыры үчүн+ Анын сүйүктүүлөрү. 29  Анткени Кудай өзүнүн белектери, чакыруусу үчүн өкүнбөйт+. 30  Бир кезде силер Кудайга тил алчу эмессиңер+, азыр болсо алардын тил албастыгынан улам+ силерге кайрымдуулук көрсөтүлүп жатат+. 31  Ошо сыяктуу эле, азыр алар да, өздөрүнө кайрымдуулук көрсөтүлүшү үчүн, тил албай жатышат. Ошондуктан силерге кайрымдуулук көрсөтүлүп жатат+. 32  Алардын баарына кайрымдуулук көрсөтүш үчүн+ Кудай алардын тил албастыктын туткуну болушуна+ жол берип койгон. 33  Оо, Кудайдын байлыгы+ кандай түгөнгүс, акылмандыгы+, билими кандай терең!+ Сот өкүмдөрү акыл жеткис+, жолдору изилденгис! 34  «Жахабанын акылын ким таанып-билген+ же ага ким кеңешчи болгон?»+ 35  Же «ал кайрып бергидей, ким ага биринчи болуп бирдеме берген?»+ 36  Анткени бардык нерсени ал берет, бардыгы ал аркылуу жана ал үчүн бар болуп турат+. Ал түбөлүккө даңкталсын+. Оомийн.

Шилтемелер

Курмандык үстөлү.