Мазмунун көрсөтүү

Кошумча менюну көрсөтүү

Мазмунун тизмесин көрсөтүү

Жахабанын Күбөлөрү

кыргыз

Онлайн Ыйык Китеп | ЫЙЫК КИТЕПТИН «ЖАҢЫ ДҮЙНӨ КОТОРМОСУ»

Ошуя 9:1—17

9  Кубанба, Ысрайыл+. Башка элдердей шаттанба+. Анткени сен бузуктук кылып, өзүңдүн Кудайыңдан алыстап кеттиң+. Сен бардык кырмандарда сойкулук кылып тапкан акыңды жакшы көрөсүң+.  Аларды кырман менен жүзүм сыккыч тойгузбайт+, жаңы шарап да түгөнөт+.  Алар мындан ары Жахабанын жеринде жашабайт+. Эпрайым Мисирге кайтат+. Алар Ашурдан арам нерселерди жешет+.  Жахабага арнап шарап куйбай калышат+. Ал алардын курмандыктарын жактырбайт+. Алар үчүн ал курмандыктар аза күткөндө желген нандай+, аны жегендердин баары арамдалат. Анткени алардын наны өздөрүнүн эле жанын тойгузат, Жахабанын үйүнө киргизилбейт+.  Жыйналыш күнү, Жахабага арнап майрам өткөргөн күнү эмне кыласыңар?+  Бүлгүн түшкөндүктөн+, алар кетүүгө аргасыз болушат. Аларды Мисир чогултат+, Мемпис+ болсо көмөт. Күмүштөн жасалган баалуу нерселерин чалкан басат+, чатырларынын ичинде тикенектүү бадал өсөт+.  Алар жазалана турган күндөр+, тиешесин ала турган күндөр келет+. Муну Ысрайыл билсин!+ Пайгамбар акылсыз болуп чыгат+, Кудайдын кабарын айткан киши каарданат. Анткени сенин кылмышың көп+, кастыгың катаал».  Бир кездерде Эпрайымдын күзөтчүсү+ Кудайым менен бирге болчу+. Эми болсо пайгамбардын+ бардык жолдорунда куш кармаган аңчынын тузагы жайылган+, Кудайынын үйү кастыкка толгон.  Алар бүлдүргүчтүккө Гибанын күндөрүндөгүдөй+ белчесинен батышты+. Ошондуктан ал алардын кылмыштарын эстейт+, кылган күнөөлөрү үчүн жазалайт. 10  «Мен Ысрайылды чөлдөн жүзүм тапкандай таап алган элем+. Ата-бабаларыңарды көргөндө, жаш анжир дарагынын алгачкы мөмөсүн көргөндөй болгом+. Бирок алар Пеор Баалына барып+, өздөрүн ошол уятка калтырган бурканга арнашты+. Өздөрү да жакшы көргөн бурканындай жийиркеничтүү болуп калышты+. 11  Эпрайымдын даңкы куштай болуп учуп кетти+. Ошондуктан ал жакта төрөгөндөр да, кош бойлуулар да, боюна бүткөндөр да жок+. 12  Алар уулдарын чоңойтуп-өстүрүшсө да, мен аларды тартып алам, бир да кишисин калтырбайм+. Мен аларды таштап кеткенде, алардын башына каран түн түшөт!+ 13  Мага Тирдей көрүнгөн+, жайытка тигилген Эпрайым өз уулдарын канкорго чыгарып берет»+. 14  Оо, Жахаба, аларга тиешесин бер+. Аларга төрөбөс жатын, сүт чыкпас эмчек бер+. 15  «Алар бардык жаман иштерин Гилгалда жасашкан+. Мен аларды ошол жактан жек көрүп калгам+. Андыктан кыянат иштери үчүн үйүмдөн кууп жиберем+, мурункудай жакшы көрбөйм+. Алардын төрөлөрүнүн баары өжөр+. 16  Эпрайым кыйратылат+. Алардын тамыры соолуйт+. Бир да мөмө байлашпайт+. Төрөшсө да, мен алардын жатынынан чыккан сүймөнчүктөрүн өлтүрүп салам»+. 17  Кудайым+ аларды четке кагат, анткени анын тилин албай жатышат+. Ошондуктан алар элдердин арасында тентип калышат+.

Шилтемелер