Мазмунун көрсөтүү

Кошумча менюну көрсөтүү

Мазмунун тизмесин көрсөтүү

Жахабанын Күбөлөрү

кыргыз

Онлайн Ыйык Китеп | ЫЙЫК КИТЕПТИН «ЖАҢЫ ДҮЙНӨ КОТОРМОСУ»

Ошуя 2:1—23

2  Ага-инилериңерге „менин элимсиңер!“+ дегиле, эже-карындаштарыңарга „ырайым кылынган аялдарсыңар!“ деп айткыла+.  Соттошкула, өзүңөрдүн энеңер менен соттошкула+, анткени ал менин аялым эмес+, мен анын күйөөсү эмесмин+. Ал бузуктугунан арылсын, төшүнөн ойноштугун жоготсун+.  Болбосо аны жылаңачтайм+, энеден туума жылаңач кылам+, чөлдөй+, какшыган жердей кылам+, суусатып өлтүрөм+.  Анын балдарына ырайым кылбайм+, анткени алар — бузуктуктан төрөлгөн балдар+.  Алардын энеси бузуктук кылган+. Аларды курсагында көтөргөн аял уятсыздык кылган+, анткени: „Мага нан менен суу, жүн менен зыгыр, май менен суусундук берип жаткан+ ойношторумдун артынан ээрчийм“,— деген+.  Ошондуктан анын жолун тикенек менен торойм, алдын таш дубал менен тосом+, ошондо ал жолдорун таппай калат+.  Ал ойношторунун артынан чуркайт, бирок жетпейт+, издейт, бирок таппайт, анан: „Биринчи күйөөмө+ кайра барайын+, анткени азыркыга караганда ошол убакта жакшы болчу“,— дейт+.  Бирок ага данды+, жаңы шарапты, майды мен бергенимди, Баалга сыйынууда колдонуп жүргөн алтын-күмүшүн+ мен көбөйткөнүмдү билбейт+.  „Ошондуктан мен эми ага башкача мамиле кылам: оруп-жыюу маалында данымды, жүзүм жыйнай турган маалда жаңы шарабымды, жылаңач этин жапкан зыгырым менен жүнүмдү тартып алам+. 10  Ойношторунун көзүнчө анын уяттуу жерлерин ачам+, ошондо аны менин колумдан эч ким куткара албайт+. 11  Мен анын бардык кубанычын+, майрамдарын+, ай жаңыргандагы майрамдарын+, ишембилерин, бүт салтанаттуу жыйындарын токтотом. 12  Анын: “Булар — мага ойношторум берген белектер”,— деген жүзүм сабагы+ менен анжирин бүлдүрөм+, аларды токойго айлантам+, аларды жапайы жаныбарлар жеп кетишет. 13  Мен аны Баалдарга+ арнап курмандык түтүнүн түтөткөн күндөрү үчүн+, шакеги менен жасалгаларын тагынып алып+, ойношторунун артынан ээрчип+, мени унутуп койгону үчүн+ жоопко тартам“+,— дейт Жахаба. 14  „Ошондуктан мен аны көндүрөм, аны чөлгө алып барам да+, ага жылуу-жумшак сүйлөйм+. 15  Анан ага анын жүзүмзарларын берем+, ал үмүт жерине Акор өрөөнү+ аркылуу кирет. Ошол жерден мага жаш кезиндегидей+, Мисир жеринен чыккан күнүндөгүдөй жооп берет+. 16  Ошол күнү,— дейт Жахаба,— сен мени “күйөөмсүң” дейсиң, ошондон тартып мени эч качан “кожоюнум”* дебейсиң“+. 17  „Мен аны Баал буркандарынын аттарын айтпагыдай кылам+, экинчи алардын аты эскерилбейт+. 18  Ошол күнү мен өзүмдүн элим үчүн талаадагы жапайы жаныбарлар+, асмандагы куштар, жердеги сойлоп жүрүүчүлөр менен келишим түзөм. Ал жерден жааны, кылычты, согушту жок кылып+, аларды коопсуз жашагыдай кылам+. 19  Мен сени менен түбөлүккө никелешем+, сени менен адилдиктин, акыйкаттыктын, мээримдүүлүктүн жана кайрымдуулуктун негизинде никелешем+. 20  Мен сени менен ишенимдүүлүктүн негизинде никелешем, ошондо сен Жахабаны таанып-билесиң“+. 21  „Ошол күнү,— дейт Жахаба,— мен асмандын сураганын берем, асман болсо жердин сураганын берет+. 22  Жер дандын+, жаңы шарап менен майдын сураганын, алар болсо Изреилдин*+ сураганын беришет. 23  Мен аны өзүм үчүн жерге үрөн сепкендей себем+, ырайым кылынбаганга ырайым кылам+, менин элим болбогонго “элимсиң” дейм+, ал болсо мага “сен менин Кудайымсың” дейт“»+.

Шилтемелер

Же: «менин баалым».
Мааниси: «Кудай үрөн себет».