Жөндөө мүмкүнчүлүгү

Тилди тандаңыз

Кошумча менюну көрсөтүү

Мазмунун тизмесин көрсөтүү

Мазмунун көрсөтүү

Жахабанын Күбөлөрү

кыргыз

Онлайн Ыйык Китеп

ЫЙЫК КИТЕПТИН «ЖАҢЫ ДҮЙНӨ КОТОРМОСУ»

Некемия 13:1—31

13  Ошол күнү элге Мусанын китебинен+ окуп беришти+. Ал китептен алар Амон уулдарынын+, мааптыктардын+ эч качан чыныгы Кудайдын жыйналышынын мүчөсү боло албай турганын билишти+.  Анткени алар Ысрайыл уулдарын нан+, суу менен тосуп алышкан эмес+, кайра, аларды каргаш үчүн+ Биламды жалдашкан+. Бирок Кудайыбыз анын каргышын батага айланткан+.  Мыйзамда жазылгандарды+ угары менен алар бөтөн жерликтердин тукуму болгондордун баарын ысрайылдыктардан бөлө башташты+.  Тобиянын+ тууганы, Кудайыбыздын үйүндөгү ашканаларга+ жооптуу дин кызматчы Элиашип+  Тобияга чоң ашкананы+ берип койгон экен. Мурун ал жерде нан курмандыгы+, ладан, ар кандай буюмдар, дандын, жаңы шараптын+, майдын+ ондон бир бөлүгү — лебилерге+, ырчыларга, дарбазачыларга берилген ондуктар — жана дин кызматчыларга берилген тартуу сакталчу.  Ал убакта мен Иерусалимде эмес болчумун, анткени Бабыл падышасы Артакшаштанын+ башкаруусунун отуз экинчи жылында+ падышага кайтып барган элем. Бирок бир нече убакыт өткөндөн кийин кайра падышадан суранып+,  Иерусалимге келдим. Иерусалимге келгенде Элиашиптин+ чыныгы Кудайдын үйүнүн+ короосунан Тобияга+ ашканалардын бирин берип, жаман иш кылганын билдим.  Анын бул кылганына аябай ачууланып+, Тобиянын буюмдарынын баарын сыртка ыргытып таштадым+.  Анан ашканаларды+ тазалатып+, чыныгы Кудайдын үйүндө колдонулган буюмдарды+, нан курмандыгы менен ладанды+ кайра ал жакка киргиздим. 10  Андан сырткары, мен, лебилерге тийиштүү үлүшү+ берилбей калгандыктан, кызмат кылган лебилер менен ырчылардын ар кимиси өз талаасына+ кетип калганын билдим. 11  Ошондуктан башчыларга+: «Эмнеге чыныгы Кудайдын үйүн таштап койдуңар!»+ — деп катуу айттым+. Анан лебилерди чогултуп, өз милдеттерин аткарышы үчүн кайра ордуларына койдум. 12  Ошондо бүт жүйүттөр дандын+, жаңы шараптын+, майдын+ ондон бир бөлүгүн+ кампаларга алып келе башташты+. 13  Анан мен дин кызматчы Шелемияны, көчүрмөчү Садокту, Педая деген лебини кампаларга жооптуу кылып дайындадым. Матаниянын+ уулу Закурдун уулу Ханан алардын көзөмөлү астында болду. Алардын баары ишенимдүү кишилер эле+. Аларга бир туугандарына тийиштүү үлүшүн бөлүштүрүп берүү тапшырылды+. 14  Оо, Кудайым, мени эстей көр+, сенин үйүңө жана сенин үйүңдө кызмат кылгандарга кам көрүп+, мээримдүүлүк көрсөткөнүмдү унута көрбө+. 15  Ошол күндөрү мен Жүйүт жериндегилердин ишемби күнү жүзүм сыгып жатканын+, ошондой эле эгинин, шарабын, жүзүмүн, анжирин+ жана башка нерселерин эшектерине+ жүктөп+, Иерусалимге алып келишкенин көрдүм+. Анан ошол күнү, алар алып келген азык-түлүгүн сатып жатканда, аларга катуу эскерттим. 16  Иерусалимде жашаган тирликтер+ да балыгын жана башка нерселерин алып келип, ишемби күнү Жүйүт уулдарына сатып жатышты+. 17  Ошондо мен аттуу-баштуу жүйүттөргө катуу эскертип+: «Бул эмне кылганыңар? Эмнеге ишемби күндү арамдап жатасыңар? 18  Ата-бабаларыңар да ушинткендиктен+, Кудайыбыз бизге жана бул шаарга ушул алааматтын баарын жибербеди беле?!+ Силер болсо ишембини арамдап+, анын Ысрайылга төгүлгөн каарын ого бетер күчөтүп жатасыңар»,— дедим. 19  Ишембинин алдында кеч кирип, Иерусалимдин дарбазаларына көлөкө түшө баштаганда, мен дарбазаларды жаап+, ишемби күн өткүчө кайра ачпоону буйрук кылдым. Анан ишембиде эч ким эч кандай жүк алып кирбеши үчүн+, кызматчыларымдын айрымдарына дарбазаларды кайтартып койдум. 20  Ошондуктан соодагерлер менен ар кандай нерселерди саткан башка сатуучулар эки жолу Иерусалимдин сыртына түнөп калышты. 21  Ошондо мен аларга: «Эмнеге бул жерге түнөп жатасыңар? Дагы ушинте турган болсоңор, оң таппайсыңар»+,— деп эскерттим+. Ошондон тартып алар ишембиде келбей калышты. 22  Ишемби күндү ыйык тутуш үчүн+, мен лебилерге+ дайыма тазаланып келип+, дарбазаларды кайтарууну буйрук кылдым+. Оо, Кудайым, мени ушул ишим үчүн да эстей көр+, улуу мээримдүүлүгүңдү көрсөтүп+, аяй көр. 23  Ошол күндөрү мен жүйүттөрдүн Амондун тукумдарынан, азоттуктардан+, мааптыктардан+ аял алганын билдим+. 24  Алардын балдарынын жарымы азоттуктардын тилинде сүйлөйт экен, эч кимиси жүйүттөрдүн тилин билбейт экен+. Алар башка элдердин тилинде сүйлөшөт экен. 25  Мен аларга катуу айтып, аларды урушуп+, айрымдарын уруп+, чачтарын жулуп, Кудайды оозанып карганышын талап кылдым+. Анан аларга: «Алар менен кыз алышып, кыз беришпегиле+. 26  Ысрайылдын падышасы Сулайман ошолордун айынан күнөөгө батпады беле+. Бир да элдин андай падышасы болгон эмес+. Кудай аны жакшы көргөн+, ошондуктан аны бүт Ысрайылга падыша кылып дайындаган. Бирок бөтөн жерлик аялдар аны да күнөөгө батырышкан+. 27  Эми силер кантип ушундай жаман ишке барып жатасыңар? Эмнеге бөтөн жерликтерден аял алып, Кудайыбызга ишенимсиздик кылып жатасыңар?» — дедим+. 28  Башкы дин кызматчы Элиашиптин+ уулу Жоаданын+ уулдарынын бири бет-орондук+ Санбалаттын+ күйөө баласы болчу, ошондуктан мен аны жанымдан кууп жибердим+. 29  Оо, Кудайым, аларды жазала, анткени алар дин кызматчылыкты, ошондой эле дин кызматчылар менен жана лебилер менен түзүлгөн+ келишимди+ арамдашты+. 30  Мен элди бөтөн жерликтерге таандык бардык арам нерселерден тазалап+, дин кызматчылар менен лебилердин ар бирине аткара турган милдетин бөлүштүрүп бердим+. 31  Кимиси кайсы убакта отун алып келерин+, кимиси биринчи түшүмдү алып келерин бөлүштүрдүм. Оо, Кудайым, мени эстей көр+, мага жакшылык кыла көр+.

Шилтемелер