Мазмунун көрсөтүү

Кошумча менюну көрсөтүү

Мазмунун тизмесин көрсөтүү

Жахабанын Күбөлөрү

кыргыз

Онлайн Ыйык Китеп | ЫЙЫК КИТЕПТИН «ЖАҢЫ ДҮЙНӨ КОТОРМОСУ»

Мыйзам 7:1—26

7  Жахаба Кудайың сени ээлешиң үчүн бараткан жерге алып барып+, алдыңдан саны көп элдерди, сенден алда канча көп, күчтүү жети элди+: Хеттин тукумдарын+, гиргаштарды+, аморлуктарды+, канаандыктарды+, периздерди+, хибиликтерди+, жебустуктарды+ кууп чыгат+.  Жахаба Кудайың аларды сенин колуңа салып берет, сен аларды талкалап+, кырып жок кыл+. Аларды аяба, алар менен келишим түзбө+.  Алар менен куда-сөөк болбо: кыз алышып, кыз беришпе+.  Анткени алар уулдарыңды Кудайдын жолунан буруп кетишет, уулдарың башка кудайларга кызмат кылып калат+. Ошондо Жахабанын каары кайнап, силерди тез эле жок кылып коёт+.  Алардын курмандык жайларын талкалап+, ыйык мамыларын кыйратып+, ыйык устундарын+ кыйып таштагыла+, оюп жасаган буркандарын өрттөп жибергиле+.  Анткени сен Жахаба Кудайыңдын ыйык элисиң+. Жахаба Кудайың сени жер бетинде жашаган башка элдердин арасынан өзүнүн өзгөчө эли кылыш үчүн тандап алган+.  Жахаба силерди башка элдерден көп болгонуңар үчүн жакшы көрүп, тандап алган+ жок, силер башка элдерге караганда азсыңар+.  Жахаба силерди жакшы көргөндүктөн+, ата-бабаларыңарга берген антына бек тургандыктан+ тандап алды. Ошондуктан Жахаба силерди өзүнүн күчтүү колу менен алып чыгып+, өзүңөр кул болуп жүргөн жерден, Мисир падышасы фараондун колунан кун төлөп куткарып алды+.  Сен Жахаба Кудайыңдын чыныгы Кудай экенин+, келишимин бузбаган+, аны сүйүп, осуяттарын аткаргандардын миңинчи тукумуна чейин мээримдүүлүк көрсөтө турган+ ишенимдүү Кудай экенин+, 10  ошол эле учурда аны жек көргөндөрдү жок кылып+, сөзсүз тиешесин бере турган Кудай экенин жакшы билесиң. Ал аны жек көргөндөргө создуктурбастан тиешесин берет. 11  Ошондуктан мен бүгүн сага айткан осуяттарды, көрсөтмөлөр менен мыйзамдарды аткар+. 12  Эгер ушул мыйзамдарга кулак кагып, аларды аткарсаңар+, Жахаба Кудайыңар өзү түзгөн келишимин бузбайт+, ата-бабаларыңарга ант бергендей, силерге мээримдүүлүк көрсөтөт+. 13  Ал сени жакшы көрүп, батасын берет+, укум-тукумуңду көбөйтөт+. Ата-бабаларыңа сага берем деп убада кылган+ жерде балдарыңа* батасын берет+, жериңден алган түшүмүңдү+, эгиниңди, жаңы шарабыңды, майыңды мол кылат, майда малың менен бодо малыңды көбөйтөт+. 14  Башка элдерге караганда көп бата аласың+. Араңарда тукумсуз эркек, төрөбөгөн аял болбойт, малың да кысыр калбайт+. 15  Жахаба сени ар кандай оорудан алыс кылат. Мисирдеги сен билген жаман дарттардын бирин да сага жолотпойт+, аларды сени жек көргөндөрдүн баарына жиберет. 16  Жахаба Кудайың колуңа салып берген элдердин баарын жок кыл+. Аларды аяба+, торго түшүп калбашың үчүн+, алардын кудайларына кызмат кылба+. 17  Эгер: „Бул элдер менден алда канча көп. Аларды кантип кууп чыкмак элем?”+ — деген ой келсе, 18  коркпо+, Жахаба Кудайыңдын фараонду, бүт Мисир жерин эмне кылганын эсте+. 19  Жахаба Кудайың сенин көз алдыңда сот иштерин+, керемет-жышаандарын+ көрсөтүп, өзүнүн сунулган+ күчтүү колу+ менен сени ал жерден алып чыккан+. Жахаба Кудайың сен коркуп жаткан элдерди+ да ошондой кылат. 20  Алардын тирүү калып, сенден качып кеткендери кырылып жок болмоюн+, Жахаба Кудайың аларды коркуп жашагыдай кылат+. 21  Алардан коркпо, анткени Жахаба Кудайың, коркуу сезимин туудурган улуу Кудайың+, сени менен+. 22  Жахаба Кудайың ал элдерди сенин жаныңан акырындык менен кууп чыгат+. Жапайы жаныбарлар көбөйүп, сага зыян келтирбеши үчүн, сен аларды акырындык менен жок кыласың. 23  Жахаба Кудайың аларды колуңа салып берип, дүрбөлөңгө түшүрөт. Алар кырылып жок болгонго чейин+ сенден качып жүрүшөт. 24  Алардын падышаларын да колуңа салып берет+, сен алардын ысмын жер үстүнөн өчүрөсүң+. Эч кимиси сага каршы тура албайт+, алардын баарын кырып жок кыласың+. 25  Алардын оюп жасаган буркандарын өрттөп жибергиле+. Торго түшүп калбашың үчүн+, буркандарынын алтын-күмүшүнө көз артпа+, аларды алба+. Анткени алар Жахаба Кудайың үчүн жийиркеничтүү+. 26  Жийиркеничтүү нерсе менен бирге жок кылынбашың үчүн аны үйүңө алып кирбе. Аны жек көр, андан жийиркен+, анткени ал жок кылынышы керек+.

Шилтемелер

Сөзмө-сөз: «курсагыңдын жемишине».