Жөндөө мүмкүнчүлүгү

Тилди тандаңыз

Кошумча менюну көрсөтүү

Мазмунун тизмесин көрсөтүү

Мазмунун көрсөтүү

Жахабанын Күбөлөрү

кыргыз

Онлайн Ыйык Китеп

ЫЙЫК КИТЕПТИН «ЖАҢЫ ДҮЙНӨ КОТОРМОСУ»

Мыйзам 32:1—52

32  «Кулак сал, асман, мен сүйлөйм. Кулак сал, жер, менин сөзүмө+.  Акыл-насаатым жамгыр болуп төгүлөт+, Сөздөрүм шүүдүрүмдүн тамчыларындай+, Көк чөпкө майдалап жааган жамгырдай+, Чөпкө жааган нөшөрдөй болот+.  Жахабанын ысмын жарыя кылам+. Кудайыбыздын улуулугун даңазалагыла+.  Ал — Аска, анын иштери жеткилең+, Жолдорунун баары адилет+. Ал — ишенимдүү Кудай+, эч качан адилетсиздик кылбайт+, Ал адил, чынчыл+.  Алар жийиркеничтүү иштерди кылышты+, Алар анын балдары эмес, буга өздөрү күнөөлүү+. Алар — бузулган, туура жолдон адашкан муун!+  Оо, эси жок, акылсыз эл!+ Жахабаны да ушинтесиңерби?+ Ал сени жараткан Атаң эмеспи?+ Ал сени жаратып, дайыма колдоп жүргөн эмес беле?+  Байыркы күндөрдү эсте+, Мурунку муундардын күндөрү жөнүндө ойлонгула. Атаңдан сура, ал сага айтып берет+, Карыялардан сура, алар сага айтып беришет+.  Эң Жогорку Кудай элдерге мурас бергенде+, Адамдын уулдарын чачыратканда+, Ысрайыл уулдарынын санын эске алып+, Элдердин чек араларын белгилеген+.  Анткени Жахабанын үлүшү — өзүнүн эли+, Анын мурастай турган энчиси — Жакып+. 10  Ал аны ээн талаадан+, Улуп-уңшуган үндөр угулган эрме чөлдөн+ таап алган. Аны коргоп+, ага кам көргөн+, Аны көзүнүн карегиндей сактаган+. 11  Балапандарына учканды үйрөткөн бүркүттөй болуп, Алардын үстүндө каалгып учат+, Канатын жайып, балапандарын кондуруп алат, Аларды канатынын үстүнө көтөрүп жүрөт+. 12  Жахаба Жакыпты өзү жалгыз жетектеген+, Жанында бөтөн жерликтердин кудайы болгон эмес+. 13  Ал аны бийик жерлерге алып чыккан+, Талаанын жемиши менен баккан+. Ал аны аска-зоодогу бал менен+, Аска таштан аккан май менен азыктандырган+. 14  Аны бодо малдын майы менен, майда малдын сүтү менен+, Семиз кочкорлор менен, Башанда жайылган кочкорлор менен, текелер менен+, Дандуу буудай менен баккан+. Сен жүзүмдүн канын, шарабын, ичкенсиң+. 15  Жешурун*+ семирип, кежирлене баштады+. Жешурун, сен семирдиң, жоонойдуң, көкүрөгүңдү май басты+. Ал өзүн жараткан Кудайды таштап койду+, Куткарар Аскасын четке какты+. 16  Аны бөтөн жерликтердин кудайлары+ менен кызгантышты+, Жийиркеничтүү иштери менен капалантышты+. 17  Алар курмандыктарын Кудайга эмес, жиндерге*+, Өздөрү тааныбаган+, Жакында эле пайда болгон жаңы кудайларга+, Ата-бабалары билбеген кудайларга чалышкан. 18  Сен өзүңө ата болгон Асканы унутуп койдуң+, Сени азап менен жарык дүйнөгө алып келген+ Кудайды эсиңден чыгардың. 19  Жахаба муну көрүп, аларды четке какты+, Уул-кыздары капаланткандыктан, четке какты. 20  Ошондуктан ал мындай деди: „Алардан жүзүмдү жашырам+, Ошондо алардын акыры эмне болорун көрөм. Анткени алар — бузулган муун+, Ишенимдүүлүк деген эмне экенин билбеген уулдар+. 21  Алар мени пайдасы жок кудайлары+ менен кызгантышты, Пайдасы жок буркандары+ менен капалантышты. Ошондуктан мен пайдасы жок элдер аркылуу алардын намысына тием+, Аларды акылсыз эл аркылуу каардантам+. 22  Каарымдан от чыгат+. Ал атүгүл көрдө* да, жердин түбүндө да+, күйөт. Ал жерди түшүмү менен кошо жалмап кетет+, Тоолордун пайдубалын өрттөйт+. 23  Аларга көптөгөн кырсык-каргашаларды жиберем+, Жебелеримди аларга багыттайм+. 24  Алар ачкачылыктан алсырашат+, эти ысыганынан кыйналышат+, Чоң кыйроого учурашат+. Аларга азуулуу жырткычтарды+, Топуракта сойлогон уулуу жыландарды* жиберем+. 25  Сырттагылары кылычтан+, Үйдүн ичиндегилери коркунучтан өлөт+. Алар улан-кыздарынан+, Эмчектеги баласы менен ак чач карысынан айрылышат+. 26  Мен: “Аларды чачыратып+, Алардын ысмын эл арасынан өчүрөм”+,— деп айтмакмын. 27  Бирок душмандар шылдыңдабасын+, Каршылаштар туура эмес ойлоп алып+: “Мунун баарын Жахаба эмес+, Биздин күчтүү колубуз кылды”+,— дебесин дедим. 28  Анткени бул эл — акылсыз эл+, Булардын түшүнүгү жок+. 29  Оо, булар акылдуу болушса кана!+ Анда бул тууралуу ойлонушпайт беле+, Акырында эмне болушарын баамдашпайт беле+. 30  Аскасы аларды сатпаса+, Жахаба аларды душмандарынын колуна салып бербесе, Бирөө миңди кууп чыга алат беле? Экөө он миңди качыра алат беле?+ 31  Анткени алардын аскасы биздин Аскабыздай эмес+, Муну атүгүл душмандарыбыз да билишет+. 32  Алардын жүзүмү Содомдун+ жүзүмзарларынан, Амордун талааларынан алынып келген. Анын мөмөлөрү — уу, Шиңгилдери ачуу+. 33  Алардын шарабы чоң жыландын уусундай, Чекир жыландын* мүрт өлтүргөн уусундай+. 34  Анын баары менде сакталып турат, Аларды кампама бекитип, мөөр басып койгом+. 35  Өч меники, мен жазалайм+. Белгиленген убак келгенде, алар сыйгаланып, бутуна тура алышпайт+, Анткени алардын башына мүшкүл түшө турган күн+, Алар дуушар боло турган окуялар тездик менен жакындап келатат“+. 36  Жахаба өзүнүн элин соттойт+, Ал өзүнүн кызматчыларын аяйт+, Анткени алардын колдогон эч кимиси жок экенин, Коргоочусу жоктор менен бечаралар гана калганын көрөт. 37  Ал мындай дейт: „Алардын кудайлары кайда?+ Баш маанасы, аскасы+ кайда? 38  Алардын курмандыктарынын майын жеген+, Суюк тартууларынын шарабын ичкен кудайлары кайда?+ Ордунан туруп, силерге ошолор жардам беришсин+, Силерге жашына турган жай болуп беришсин+. 39  Эми силер менин Кудай экенимди+, Менден башка кудайлар жок экенин билгиле+. Өлтүргөн да, тирилткен да менмин+. Ооруткан да+, айыктырган да менмин+, Менин колумдан эч ким куткара албайт+. 40  Колумду асманга көтөрүп+: “Менин түбөлүккө тирүү экеним чындык болгондой эле+, бул айтылгандар да чындык”,— деп ант берем. 41  Жалтылдаган кылычымды кайрап+, Сот жүргүзгөнгө даяр болгонумда+, Душмандарыман өч алам+, Мени жек көргөндөрдүн баарын жазалайм+. 42  Жебелеримди канга мас кылам, Кылычымды этке тойгузам+. Өлгөндөр менен туткундардын канына+, Душмандардын жол башчыларынын башына тойгузам“+. 43  Элдер, анын эли менен бирге кубангыла+, Анткени ал кызматчыларынын каны үчүн өч алып+, Душмандарын жазалайт+, Өз элинин жерин күнөөдөн арылтат». 44  Муса келип, Нундун уулу Ошуя*+ менен бирге бул ырдын сөздөрүн элге айтып берди+. 45  Бул сөздөрдүн баарын ысрайыл элине айтып бүткөндөн кийин Муса аларга: 46  «Балдарыңарга ушул мыйзамда айтылгандардын баарын кылдаттык менен аткарууну үйрөтүшүңөр үчүн+ мен бүгүн айткан эскертүүлөрдүн баарын жүрөгүңөргө түйүп алгыла+. 47  Анткени булар курулай сөздөр эмес+, булардан өмүрүңөр көз каранды+. Бул айтылгандарды аткарсаңар, Иордандын аркы өйүзүндөгү ээлегени бараткан жерде узак өмүр сүрөсүңөр»,— деди+. 48  Жахаба ошол эле күнү Мусага мындай деди: 49  «Жерихонун тушундагы Маап жериндеги Абарымдагы+ Небо тоосуна+ чыгып, мен Ысрайыл уулдарына берип жаткан Канаан жерине+ көз чаптыр. 50  Андан кийин Ор тоосунда көз жумуп, ата-бабаларына кошулган Арунга окшоп+, сен да өзүң чыккан ошол тоодо көз жумуп+, ата-бабаларыңа кошуласың. 51  Анткени силер Зин чөлүндөгү Кадештеги Мериба суусунун+ жанында Ысрайыл уулдарынын алдында менин тилимди алган эмессиңер+, Ысрайыл уулдарынын алдында менин ыйык экенимди көрсөткөн эмессиңер+. 52  Мен Ысрайыл уулдарына берип жаткан ал жерди сен алыстан көрөсүң, бирок ал жакка барбайсың»+.

Шилтемелер

Мааниси: «чынчыл». Ысрайылдын ардактуу наамы.
1896-беттеги «Сөздүктү» кара.
Евр. шеол. Кара: 8-тирк.
Же: «сойлоп жүрүүчүлөрдү».
Кобра.
Жашыянын мурунку аты.