Жөндөө мүмкүнчүлүгү

Тилди тандаңыз

Кошумча менюну көрсөтүү

Мазмунун тизмесин көрсөтүү

Мазмунун көрсөтүү

Жахабанын Күбөлөрү

кыргыз

Онлайн Ыйык Китеп

ЫЙЫК КИТЕПТИН «ЖАҢЫ ДҮЙНӨ КОТОРМОСУ»

Мыйзам 1:1—46

1  Иордандын аймагындагы+ чөлдө, Суптун тушундагы чөлдүү талааларда, Паран+ менен Топелдин, Лабандын, Хазероттун+, Дизахаптын ортосунда Муса бүт ысрайыл элине кайрылды.  (Сеир тоосуна кеткен жол менен жүргөндө Хорептен Кадеш-Барниге+ чейин он бир күн кетет.)  Кыркынчы жылдын+ он биринчи айынын биринчи күнү Муса ысрайыл элине Жахаба айт дегендердин баарын айтты.  Муса аларды Хешпондо жашаган аморлуктардын падышасы Сихонду+ жеңгенден кийин жана Аштаротто+ жашаган Башандын падышасы Окту+ Эдрейде+ жеңгенден кийин айтты.  Ал Иордандын аймагындагы Маап жеринде мыйзамды+ мындай деп түшүндүрө баштады:  «Жахаба Кудайыбыз Хорепте+ бизге мындай деген: „Бул тоолуу аймакта+ жашаганыңарга көп болду.  Ордуңардан туруп, жолго чыккыла да, аморлуктардын+ тоолуу аймагына, алардын коңшуларынын баарына: Араба+ тоолуу аймагында+, Шепелада, Негепте+, деңиз жээгинде+ жашагандарга, канаандыктардын жерине+, Лебанонго+, улуу Эфрат дарыясына+ чейин баргыла.  Мына, мен ал жерди силерге берип жатам. Баргыла да, Жахаба ата-бабаларыңарга: Ыбрайымга, Ыскакка+, Жакыпка+ алардын өзүлөрүнө жана тукумдарына берем деп убада кылган+ жерди ээлегиле“.  Ошондо мен силерге мындай дегем: „Мен силерди жалгыз көтөрө албайм+. 10  Жахаба Кудайыңар силерди көбөйттү, силер азыр асмандагы жылдыздардай көпсүңөр+. 11  Ата-бабаларыңардын Кудайы Жахаба силерди дагы миң эсе көбөйтүп+, өзү убада кылгандай+, силерге батасын берсин+. 12  Силердин жүгүңөрдү ийниме кантип жалгыз көтөрүп, кыйынчылыктарыңар менен чыр-чатактарыңарды кантип жалгыз чече алам?+ 13  Урууларыңардагы эркектердин арасынан акылдуу, эстүү+, тажрыйбалуу+ эркектерди тандагыла, мен аларды силерге башчы кылып коём“+. 14  Ошондо силер мага: „Туура айтасың“,— дегенсиңер. 15  Анан мен акылдуу, тажрыйбалуу уруу башчыларыңарды силерге миң башы, жүз башы, элүү башы, он башы жана уруу жетекчилери кылып дайындагам+. 16  Ошондо мен сотторуңарга: „Бир туугандарыңардын ортосундагы же бир тууганыңар менен бөтөн жерлик келгиндин+ ортосундагы талаш-тартышты териштиргенде адилет болгула+. 17  Сот жүргүзгөндө бет карамалык кылбагыла+. Карапайымдарды да, жогорку даражалууларды да бирдей уга билгиле+. Адамдардан коркпогула+, анткени сот жүргүзгөндө силер Кудайдын өкүлү катары кызмат кыласыңар+. Оор маселелер болгондо мага айткыла, аларды мен угайын“,— дегем+. 18  Ошол убакта мен силерге эмнелерди аткарышыңар керектигин айтып, буйрук бергем. 19  Андан кийин биз Хорептен чыгып, Жахаба Кудайыбыз буйрук кылгандай, аморлуктардын+ тоолуу аймагына барчу жол менен өзүңөр көргөн ушул эбегейсиз чоң, коркунучтуу чөлдү басып өттүк+. Акыры, Кадеш-Барниге келдик+. 20  Ал жерден мен: „Силер Жахаба Кудайыбыз бизге берип жаткан аморлуктардын тоолуу аймагына келдиңер+. 21  Жахаба Кудайың бул жерди сага берди+. Ордуңдан тур да, ата-бабаларыңдын Кудайы Жахаба айткандай, аны ээлеп ал+. Коркпо, үрөйүң учпасын“+,— деп айткам. 22  Ошондо силер мага келип: „Кел, адегенде ал жерди, басып өтүшүбүз керек болгон жолду, биз бара турган шаарларды көрүп келгенге киши жиберели“+,— дегенсиңер. 23  Ал сөзүңөр жаккандыктан, мен араңардан он эки киши, ар бир уруудан бирден киши, тандап алгам+. 24  Алар тоолуу аймакты көздөй жол тартып+, Эшкол өзөнүнө+ чейин барып, аны карап чыгышкан. 25  Анан ал жердин түшүмүнөн алып+, кайра кайтып келишкен да: „Жахаба Кудайыбыз бизге берип жаткан жер жакшы жер экен“+,— деп айтышкан. 26  Бирок силердин баргыңар келбей+, Жахаба Кудайыңардын буйругуна каршы чыккансыңар+. 27  Чатырларыңарда отуруп алып, наалып: „Жахаба бизди жек көрөт+. Ошондуктан аморлуктардын колуна салып берип, кырып жок кылыш үчүн+ бизди Мисир жеринен алып чыкты+. 28  Эми кайда баратабыз? Бир туугандарыбыз: “Ал жерден бизден күчтүү, чоң кишилерди+, асман тиреген чеби бар чоң шаарларды+, Анактын тукумдарын+ көрдүк”,— дегенде, жүрөгүбүз түшүп калды“+,— дегенсиңер. 29  Ошондо мен силерге: „Алардан коркпогула, жүрөгүңөр түшпөсүн+. 30  Жахаба Кудайыңар силердин алдыңарда баратат. Ал силердин көз алдыңарда+ Мисирде силер үчүн кандай күрөшсө, азыр да ошондой күрөшөт+. 31  Ал чөлдө+ да силер үчүн күрөшкөн. Өзүңөр жакшы билгендей, бул жерге жетер-жеткиче Жахаба Кудайыңар силерди, атасы баласын көтөргөндөй+, көтөрүп жүргөн“+,— деп айткам. 32  Бирок буга карабай, силер Жахаба Кудайыңарга ишенген жоксуңар+. 33  Кайсы жерге чатырыңарды тиксеңер болорун билиш үчүн+, силерге жол көрсөтүш үчүн түнкүсүн от ичинде, күндүз булут ичинде алдыңарда бара жаткан Кудайга+ ишенген жоксуңар. 34  Жахаба силердин айткан сөзүңөрдүн баарын уккандыктан ачуусу келип, мындай деп ант берген+: 35  „Аталарыңарга берем деп убада кылган жакшы жерди булардын, ниети жаман бул муундагылардын, эч кимиси көрбөйт+, 36  Жепундун уулу Калеп+ гана көрөт. Ал Жахабага толук баш ийгендиктен, мен ал баскан жерди ага, анын уулдарына берем+. 37  (Силердин айыңардан Жахаба мага да каарданып: “Ал жерге сен да барбайсың+. 38  Ал жакка кызматчың Нундун уулу Жашыя+ барат”,— деген. Ал Ысрайылды ошол жерди ээлегени жетектеп бара тургандыктан, Кудай аны бекемдеген.)+ 39  Ал жерге: “Душманга олжо болот!”+ — деп корккон балдарыңар, жаман-жакшыны ажырата элек уулдарыңар барат. Мен ал жерди аларга берем, алар аны ээлешет. 40  Силер болсо бурулуп, Кызыл деңизди көздөй кеткен жол менен чөлгө баргыла“+. 41  Ошондо силер: „Биз Жахабага каршы күнөө кылдык+. Барып, Жахаба Кудайыбыз буйрук кылгандай, согушабыз“,— дегенсиңер да, тоого оңой эле чыгабыз деген ой менен+ ар бириңер куралыңарды белиңерге таккансыңар. 42  Бирок Жахаба мага: „Тигилерге: “Ал жакка чыкпагыла, согушпагыла, анткени мен силер менен болбойм+, душмандарыңар силерди талкалап салат”+,— деп айт“,— деген. 43  Мен айтканда, силер укпай, Жахабанын буйругуна каршы чыгып+, кызуу кандуулук менен тоого чыкканга аракет кылгансыңар+. 44  Ошондо тоодо жашаган аморлуктар артыңардан аарылардай сая түшүп+, силерди Сеирде Хормага чейин кууп барышкан+. 45  Силер кайра келип, Жахабанын алдында ыйлап киргенсиңер, бирок Жахаба укпай койгон+, силерге кулак төшөбөй койгон+. 46  Ошентип, Кадеште көп күн жашагансыңар+.

Шилтемелер