Мазмунун көрсөтүү

Кошумча менюну көрсөтүү

Мазмунун тизмесин көрсөтүү

Жахабанын Күбөлөрү

кыргыз

Онлайн Ыйык Китеп | ЫЙЫК КИТЕПТИН «ЖАҢЫ ДҮЙНӨ КОТОРМОСУ»

Матай 26:1—75

26  Бул сөздөрдү айткандан кийин Иса шакирттерине:  «Өзүңөр билгендей, эки күндөн кийин пасах* майрамы болот+. Ошондо адам Уулун устунга* кадаш үчүн кармап беришет»,— деди+.  Жогорку дин кызматчылар менен эл аксакалдары болсо Каяпа деген башкы дин кызматчынын*+ короосуна чогулуп,  Исаны амалкөйлүк менен кармап, өлтүрүш үчүн кеңешишти+.  Ошол эле учурда алар: «Аны майрам учурунда кармаганга болбойт, болбосо эл көтөрүлүш чыгарат»,— деп жатышты+.  Иса Бетанияда+ пес оорусу менен ооруган+ Симондун үйүндө  дасторкон үстүндө отурганда, идиш* көтөргөн бир аял келип, андагы кымбат баалуу жыпар жыттуу майды+ Исанын башына куя баштады.  Аны көргөн шакирттер ачууланып: «Мындай ысырапкорчулуктун эмне кереги бар?+  Муну кымбат баага сатып, түшкөн акчаны жакырларга таратып берсе болот эле да»,— дешти+. 10  Алардын эмне жөнүндө сүйлөшүп жатканын билип+, Иса мындай деди: «Эмнеге бул аялды кыжалат кылып жатасыңар? Бул мен үчүн жакшы иш кылды+. 11  Жакырлар дайыма жаныңарда болот+, ал эми мен дайыма эле боло бербейм+. 12  Бул аял денемди жыпар жыттуу май менен майлап, мени көргө коюуга даярдады+. 13  Силерге айтып коёюн, жакшы кабар дүйнөнүн кайсы гана жеринде таратылбасын, бул аялды да эстеп, кылган иши жөнүндө айтышат»+. 14  Ошондо он эки шакирттин бири Жүйүт Искариот+ жогорку дин кызматчыларга барып: 15  «Аны колуңарга салып берсем, мага эмне бересиңер?» — деди+. Алар ага отуз күмүш тыйын сунуш кылышты+. 16  Ошол убактан тартып ал Исаны алардын колуна салып берүүгө ыңгайлуу учурду күтүп жүрдү+. 17  Калама майрамынын*+ биринчи күнүндө шакирттер Исага келип: «Пасах тамагын кайсы жерге даярдашыбызды каалайсың?» — деп сурашты+. 18  Ал мындай деди: «Шаардагы баланчаныкына+ баргыла да: „Устатыбыз: “Мага белгиленген убакыт жакындап калды. Пасах майрамын шакирттерим менен сеникинде өткөрөм”,— деп айтты“,— дегиле»+. 19  Шакирттери ал буйругандай кылып, пасах майрамына керектүүнүн баарын даярдашты+. 20  Кеч киргенде+, Иса менен анын он эки шакирти дасторкон тегеректей отурушту+. 21  Тамактанып жатышканда, Иса: «Силерге айтып коёюн, араңардан бирөө мага чыккынчылык кылат»,— деди+. 22  Шакирттер буга абдан капаланып, ар бири: «Мырзам, мен эмесминби?» — деп сурай баштады+. 23  Ал: «Мени менен бирге колун табакка салып жаткандардын бири мага чыккынчылык кылат+. 24  Дегинкиси, адам Уулу, өзү жөнүндө жазылгандай+, силерден кетип баратат, бирок ага чыккынчылык кыла турган адамдын+ башына каран түн түшөт!+ Анын төрөлбөй эле койгону жакшы болмок»,— деди. 25  Ошондо ага чыккынчылык кылганы жаткан Жүйүт: «Устат, мен эмесминби?» — деп сурады. Иса ага: «Муну өзүң айттың»,— деп жооп берди. 26  Тамак ичип отурушканда, Иса нанды алып+, тиленген соң аны сындырды да+, шакирттерине узатып жатып: «Алгыла, жегиле. Бул менин денемди билдирет»,— деди+. 27  Ошондой эле чөйчөктү алып+, Кудайга ыраазычылык билдирди да, аны шакирттерине узатып: «Мындан баарыңар ичкиле+, 28  анткени бул көптөрдүн күнөөлөрү кечирилиши үчүн+ төгүлө турган+ канымды, „келишимдин+ канын“+, билдирет+. 29  Силерге айтып коёюн, Атамдын Падышалыгында силер менен жаңы шарап иче турган күн келгенге чейин, шарап ичпейм»,— деди+. 30  Акырында алар Кудайды даңктап ырдашты да+, Зайтун тоосун көздөй жөнөштү+. 31  Ошондо Иса шакирттерине: «Ушул түнү баарыңар менден баш тартып кетесиңер, анткени Ыйык Жазмада: „Койчусун жок кылам, ошондо отордогу койлор туш-тушка чачырап кетет“,— деп жазылган+. 32  Бирок тирилгенимден кийин силерден мурун Галилеяга барам»,— деди+. 33  Муну укканда Петир: «Сенден баары баш тартса да, мен эч качан баш тартпайм!» — деди+. 34  Иса ага: «Сага айтып коёюн, короз кыйкырганга чейин, ушул түнү сен менден үч жолу баш тартасың»,— деп айтты+. 35  Буга Петир: «Сени менен бирге өлүшүм керек болсо да, сенден эч качан баш тартпайм!» — деди. Башка шакирттер да ошентишти+. 36  Анан Иса шакирттери менен Гетсемани деп аталган жерге келди+. Аларга: «Мен тиги жакка барып тиленип келгиче, ушул жерде отура тургула»,— деди да+, 37  Петирди жана Зебедейдин эки уулун ээрчитип кетти+. Анын көңүлү чөгүп, санаасы санга бөлүнүп жатты+. 38  Ошондо аларга: «Жаным аябай кыйналып турат+. Бул жерде калып, уктабай, мени менен сергек тургула»,— деди+. 39  Андан соң арыраак барып, жүзтөмөндөп жыгылды да: «Ата, эгер мүмкүн болсо, бул чөйчөк+ менден кыя өтсө экен. Бирок мен каалагандай эмес+, сен каалагандай болсун»+,— деп тилене баштады+. 40  Кайра келип, шакирттеринин уктап жатканын көргөндө Петирге: «Мени менен бирге, жок дегенде, бир саат сергек тура алган жоксуңарбы?+ 41  Азгырыкка алдырбаш үчүн+ сергек болгула+, үзгүлтүксүз тиленгиле+. Анткени рух сергек, ал эми дене алсыз»,— деди+. 42  Анан кайра ары барып+: «Ата, мүмкүн болсо, бул чөйчөк менден кыя өтсүн. Бирок андан ичишим керек болсо, анда сен каалагандай болсун»+,— деп тиленди. 43  Кайра келип, уйку басып жаткандыктан шакирттеринин дагы уктап калганын көрдү+. 44  Ал кайрадан арыраак барып, ошол эле сөздөрдү айтып үчүнчү жолу тиленди+. 45  Анан шакирттерине келип: «Ушундай убакта да уктап, эс алып жатасыңарбы?! Мына, адам Уулу күнөөкөрлөрдүн колуна салынып берилчү убак келип калды+. 46  Тургула, кеттик. Мага чыккынчылык кыла турган киши келатат»,— деди+. 47  Ал сүйлөп жатканда, он эки шакирттин бири Жүйүт+ колдоруна кылыч, союл көтөргөн бир топ кишини ээрчитип келди+. Аларды жогорку дин кызматчылар менен эл аксакалдары жиберген эле+. 48  Чыккынчы Жүйүт аларга: «Мен кимди өпсөм, ал — ошол. Ошону кармагыла» — деп, кандай белги берерин айтты+. 49  Анан түз эле Исага барып: «Кандайсың, Устат!» — деди да+, аны акырын өөп койду+. 50  Бирок Иса+ ага: «Дос, бул жерге эмнеге келдиң?» — деди. Ошондо жиберилген кишилер келип, Исаны кармашты+. 51  Ошол учурда Исанын жанында жүргөндөрдүн бири кылычын сууруп чыгып, башкы дин кызматчынын кулунун кулагын шылый чапты+. 52  Иса болсо ага: «Кылычыңды кынына сал+, анткени кылыч көтөргөндөрдүн баары кылычтан өлөт+. 53  Же мени Атама жалынып, түмөндөгөн* периштелерин заматта жиберишин сурана албайт деп ойлойсуңбу?+ 54  Анда ушундай болушу керектигин көрсөткөн Ыйык Жазмадагы сөздөр кантип аткарылмак?» — деди. 55  Анан Иса өзүн кармаганы келгендерге: «Каракчыны кармачудай болуп, кылыч, союл көтөрүп келгениңер кандай?+ Күн сайын ибадатканада отуруп+, элди окутуп жүргөнүмдө кармаган жок элеңер го. 56  Бирок мунун баары пайгамбарлар жазган сөздөрдүн аткарылышы үчүн болду»+,— деп айтты. Ошондо бардык шакирттери аны таштап, качып кетишти+. 57  Исаны кармагандар аны башкы дин кызматчы Каяпага алып барышты+. Аныкына китепчилер менен эл аксакалдары чогулушкан эле+. 58  Петир болсо Исаны алыстан ээрчип, башкы дин кызматчынын короосуна чейин барды+. Анан ичкери кирип, аягы эмне менен бүтөрүн көрүш үчүн үй кызматчыларынын жанына барып отурду+. 59  Ал ортодо жогорку дин кызматчылар менен Синедриондун* бардык мүчөлөрү Исаны өлүм жазасына тартыш үчүн ага жалаа жаба тургандарды издешти+, 60  бирок таба алышкан жок. Көптөгөн жалган күбөлөр келсе да, эч майнап чыккан жок+. Акырында эки киши келип: 61  «Бул: „Мен Кудайдын ибадатканасын бузуп, кайра үч күндө тургуза алам“,— деп айткан»,— дешти+. 62  Ошондо башкы дин кызматчы ордунан туруп, Исага: «Эмне жооп бербейсиң? Булардын сени эмне деп айыптап жатканын уккан жоксуңбу?» — деди+. 63  Иса унчуккан жок+. Башкы дин кызматчы ага: «Тирүү Кудайдын аты менен карганып+, айт бизге, Кудайдын Уулу Машаяк сенсиңби?» — деди+. 64  Иса+: «Муну өзүң айттың+. Силерге айтып коёюн, ушундан тартып+ адам Уулунун Кудурети Күчтүүнүн оң жагында отурганын+ жана асмандагы булуттардын үстүндө келатканын+ көрөсүңөр»,— деди+. 65  Ошондо башкы дин кызматчы сырт кийимин айрып жиберип: «Бул Кудайга акарат кылды!+ Бизге дагы кандай күбөлөр керек?!+ Мына, мунун акарат сөздөрүн азыр эле өзүңөр уктуңар+. 66  Буга эмне дейсиңер?» — деди. Алар: «Өлтүрүш керек»,— деп жооп беришти+. 67  Анан Исаны муштагылап+, бетине түкүрө башташты+. Айрымдары болсо жаакка чаап+: 68  «Эй, Машаяк! Пайгамбар болсоң, айтчы+, сени ким чапты?» — деп жатышты+. 69  Ал убакта Петир сыртта, короодо отурган эле. Анын жанына бир күң келип: «Сен да галилеялык Иса менен чогуу жүргөнсүң!» — деп айтты+. 70  Бирок Петир: «Эмне деп жатканыңды түшүнгөн жокмун» — деп, баарынын алдында танып койду. 71  Анан дарбазанын жанындагы кароолканага барганда, аны дагы бир күң көрүп, ал жердегилерге: «Бул да назареттик Иса менен жүргөн»,— деди+. 72  Петир карганып: «Мен аны тааныбайм!» — деп дагы танып койду+. 73  Бир аздан кийин ошол жерде тургандар Петирдин жанына келип: «Сен, чын эле, ошолордун бири экенсиң. Сүйлөгөнүңөн эле билинип турат»,— дешти+. 74  Петир болсо: «Мен ал кишини тааныбайм!» — деп, ого бетер каргана баштады. Ошол замат короз кыйкырды+. 75  Ошондо Петир Исанын: «Короз кыйкырганга чейин, сен менден үч жолу баш тартасың»+,— деген сөздөрүн эстеп, сыртка чыкты да, өксөп ыйлады+.

Шилтемелер

1 896-беттеги «Сөздүктү» кара.
Кара: 4-тирк.
1 896-беттеги «Сөздүктү» кара.
Сөзмө-сөз: «алебастр бөтөлкө». Кумура сыяктуу мындай кичинекей идиштер Мисирдеги Алабастрон шаарынын жанынан казылып алынган таштан жасалчу.
1 896-беттеги «Сөздүктү» кара.
Сөзмө-сөз: «он эки легиондон ашуун». Легион деп байыркы Римдеги чоң аскер бөлүгү аталган. Бул жердеги «легион» деген сөз чоң санды билдирет.
1 896-беттеги «Сөздүктү» кара.