Жөндөө мүмкүнчүлүгү

Тилди тандаңыз

Кошумча менюну көрсөтүү

Мазмунун тизмесин көрсөтүү

Мазмунун көрсөтүү

Жахабанын Күбөлөрү

кыргыз

Онлайн Ыйык Китеп

ЫЙЫК КИТЕПТИН «ЖАҢЫ ДҮЙНӨ КОТОРМОСУ»

Матай 11:1—30

11  Он эки шакиртине көрсөтмө бергенден кийин Иса кабар айтып, элди окутуу үчүн ал жерден башка шаарларга жөнөп кетти+.  Түрмөдө отурган Жакан+ Машаяктын кылган иштери жөнүндө укканда өзүнүн шакирттерин жиберип:  «Келе турган сенсиңби же башканы күтүшүбүз керекпи?» — деп суратты+.  Иса аларга: «Баргыла да, Жаканга уккан-көргөнүңөрдү айтып бергиле:  сокурлар кайрадан көрүп+, аксактар басып+, пес оорулуулар айыгып+, дүлөйлөр угуп+, өлгөндөр тирилип+, жакырларга жакшы кабар жарыяланып жатат+.  Менден шектенбеген* адам бактылуу»,— деди+.  Алар кеткен соң, Иса элге Жакан жөнүндө мындай деди: «Чөлдүү аймакка эмнени көрүш үчүн бардыңар эле?+ Шамалга ыргалган камыштыбы?+  Ал жакка эмнени көргөнү бардыңар эле? Жумшак кездемеден кийим кийген адамдыбы? Андай кийим кийгендер падыша сарайларында болушат эмеспи+.  Анда эмнеге бардыңар эле? Пайгамбарды көргөнүбү? Силерге айтып коёюн, ал пайгамбардан алда канча чоң+. 10  „Мына, мен сенин алдыңан кабарчымды жөнөтүп жатам, ал сага жол даярдайт!“+ — деп ошол тууралуу жазылган. 11  Силерге айтып коёюн, аялзатынан төрөлгөндөрдүн+ арасынан Чөмүлдүрүүчү Жакандан чоң эч ким чыккан эмес, бирок асман Падышалыгындагылардын+ кичинеси андан чоң. 12  Чөмүлдүрүүчү Жакандын күндөрүнөн азыркыга чейин адамдар асман Падышалыгына жетүүгө бүт күчү менен умтулуп келатышат, багынбагандар жетип жатат+. 13  Анткени Мыйзамда айтылгандар да, пайгамбарлардын сөздөрү да — баары Жаканга чейин пайгамбарлык катары айтылган+. 14  Эгер кабыл алгыңар келсе, „келиши керек болгон Илияс“ — ошол+. 15  Кулагы бар адам уксун+. 16  Бул муунду кимге салыштырайын?+ Бул муун базар аянтында отуруп алып, досторуна мындай деп кыйкырып жаткан балдарга окшош+: 17  „Биз силерге чоор тартып бердик, бирок силер бийлеген жоксуңар. Биз боздодук, бирок силер кайгыра төшүңөрдү ургулаган жоксуңар“+. 18  Анын сыңарындай, Жакан келди: ал жебейт, ичпейт+. Муну көргөн эл: „Анын ичинде жин бар“,— деп айтып жатат. 19  Ошондой эле адам Уулу келди: ал жейт, ичет+. Баары бир деле эл: „Ал — сугалак, шарапты жакшы көргөн киши, салык жыйноочулар менен күнөөкөрлөрдүн досу“,— деп айтып жатат+. Кандай дешпесин, адамдын акылдуу экени адил иштеринен көрүнөт»+. 20  Андан соң Иса, кайсы шаарларда кереметтеринин көбүн жасаса, ошол шаарларды өкүнбөгөнү үчүн мындай деп айыптай баштады+: 21  «Хоразин, башыңа каран түн түшөт! Бетсаида+, сенин да башыңа каран түн түшөт! Анткени силерде жасалган кереметтер Тир менен Сидондо жасалган болсо, алар эчак таар* жамынып, күлгө отуруп өкүнүшмөк+. 22  Ошондуктан, силерге айтып коёюн, Сот күнү+ силердин жазаңарга караганда Тир менен Сидондун жазасы жеңилирээк болот+. 23  Ал эми, сен, Капернаум+, асманга көтөрүлгүң барбы? Көргө*+ түшөсүң!+ Анткени сенде жасалган кереметтер Содомдо жасалган болсо, ал ушул күнгө чейин кыйрабай турмак. 24  Андыктан, силерге айтып коёюн, Сот күнү бул шаардын жазасына караганда Содомдун жазасы жеңилирээк болот»+. 25  Андан ары Иса сөзүн улап: «Ата, асман-жердин Жаратканы, сени эл алдында даңктайм, анткени буларды даанышмандар менен акылдуулардан жашырып, наристелерге ачып бердиң+. 26  Ооба, Ата, сенин эркиң ушундай болчу»,— деди. 27  Анан мындай деди: «Атам мага бардыгын берген+. Уулун Атасынан башка эч ким жакшы билбейт+, ошондой эле Атасын Уулунан жана Уулу кимдерге ачып бергиси келсе, ошолордон башка эч ким жакшы билбейт+. 28  Мээнеттенгендер жана түйшүк тарткандар, баарыңар мага келгиле+. Мен силерди сергитем. 29  Менин моюнтуругумду алып+, менден үйрөнгүлө+, анткени мүнөзүм жумшак+, жүрөгүм момун. Ошондо жаныңар сергийт+. 30  Себеби моюнтуругум ыңгайлуу, жүгүм жеңил»+.

Шилтемелер

Сөзмө-сөз: «мүдүрүлбөгөн».
Салт боюнча, аны кайгырганда, күйүт тартканда ж. б. у. с. учурларда кийишчү же колдонушчу.
Грек. адис. Кара: 8-тирк.