Жөндөө мүмкүнчүлүгү

Тилди тандаңыз

Кошумча менюну көрсөтүү

Мазмунун тизмесин көрсөтүү

Мазмунун көрсөтүү

Жахабанын Күбөлөрү

кыргыз

Онлайн Ыйык Китеп

ЫЙЫК КИТЕПТИН «ЖАҢЫ ДҮЙНӨ КОТОРМОСУ»

Марк 5:1—43

5  Анан алар деңиздин аркы өйүзүндөгү герасалыктардын жерине барышты+.  Иса кайыктан түшөр замат, көрүстөн тараптан ичине жин кирип алган бир киши чыкты+.  Ал мүрзөлөрдүн арасында жашачу. Ошо кезге чейин аны эч ким чынжырлай да алган эмес.  Анткени канча жолу кишендеп, чынжырлашса да, чынжырларды үзүп, кишендерди талкалап салчу. Ага эч кимдин күчү жетчү эмес.  Ал мүрзөлөрдүн арасында, тоолордо күнү-түнү кыйкырып, өзүн өзү таш менен ургулай берчү.  Исаны алыстан көргөндө ал чуркап келип, ага таазим кылды да:  «Иса, Эң Жогорку Кудайдын Уулу+, мени жайыма кой. Мени кыйнабайм деп+ Кудайды оозанып ант бер»+,— деп катуу кыйкырды+.  Анткени Иса: «Жин, бул кишинин ичинен чыгып кет»,— деген эле+.  Иса андан: «Атың ким?» — деп сурады. Тиги: «Менин атым Түмөн*+, анткени биз көппүз»,— деп жооп берди+. 10  Анан жиндерди ал аймактан кууп чыкпоону көптөн-көп өтүндү+. 11  Ошол жердеги тоонун боорунда көп чочко+ жайылып жүргөн эле+. 12  Ошондуктан жиндер Исага: «Бизди чочколорго жиберчи, алардын ичине кирели»,— деп жалбарышты. 13  Ал уруксат берери менен, жиндер тиги кишиден чыгып, чочколордун ичине кирди. Ошондо чочколордун баары, 2000дей чочко, жардан деңизге секирип, чөгүп өлдү+. 14  Чочко кайтаргандар болсо качып жөнөштү. Алар шаарга, айылдарга барып, болгон окуяны айтып беришти. Муну уккандар эмне болгонун көргөнү жөнөштү+. 15  Исага келип, алар ичинде түмөн жини бар баягы кишинин акыл-эсине келип, кийим кийип отурганын көргөндө, үрөйлөрү учту. 16  Окуяга күбө болгондор жин оорулуунун, чочколордун эмне болгонун айтып беришти. 17  Ошондо эл Исадан өздөрүнүн жеринен кетишин сурана баштады+. 18  Иса кайыкка түшкөндө, жин оорусунан айыккан киши андан өзү менен ала кетишин өтүндү+. 19  Бирок Иса макул болбой: «Үйүңө, туугандарыңа барып+, болгон нерсенин баарын: Жахабанын сага эмне кылганын, кантип кайрымдуулук көрсөткөнүн+ айтып бер»,— деди+. 20  Ошондо тиги киши барып, Исанын ага эмнелерди кылганын Декаполис* аймагында+ жарыялай баштады. Аны уккандардын баары таң калып жатты+. 21  Иса кайык менен берки өйүзгө кайтып келгенде, жанына көп эл чогулду. Ал деңиздин жээгинде турганда+, 22  Жайыр аттуу синагога башчысы келди. Исаны көргөндө анын бут алдына жыгылып+: 23  «Кызым катуу ооруп жатат. Айыгып, тирүү калышы үчүн+, барып, үстүнө колуңду койчу»+,— деп кайра-кайра жалбарды. 24  Иса аны менен жөнөдү. Артынан ээрчиген көп эл аны туш тараптан кысып баратты+. 25  Алардын арасында он эки жылдан бери+ кан агуудан+ кыйналып жүргөн бир аял бар эле. 26  Ал улам бир дарыгерге көрүнүп+, алардын айынан көп азап тарткан. Колундагы каражатынын баарын жумшаса да, эч жылыш болбой, абалы начарлагандан начарлай берген. 27  Иса жөнүндө укканда ал көпчүлүктү аралап өтүп, анын артынан келип, сырт кийимине колун тийгизди+. 28  Анткени: «Сырт кийимине эле колумду тийгизсем, айыгып калам»,— деп ойлоп келаткан эле+. 29  Ошол замат кан агуусу токтоп, ал азаптуу оорусунан айыкканын сезди+. 30  Иса өзүнөн күч+ чыкканын дароо сезип, элди карады да: «Cырт кийимиме ким колун тийгизди?» — деп сурады+. 31  Шакирттери ага: «Элдин кысып келатканын көрүп туруп+: „Мага ким колун тийгизди?“ — дегениң кандай?» — дешти. 32  Бирок Иса колун тийгизген аялды көрүш үчүн тегерегин карады. 33  Эмне болгонун билген аял коркконунан калтырап-титиреп, Исанын алдына келип жыгылды да, болгонун болгондой айтып берди+. 34  Иса ага: «Кызым, сени ишенимиң айыктырды. Тынчтык менен бара бер+. Азаптуу ооруңдан айыгып, дениң сак болсун»,— деди+. 35  Ал сүйлөп жатканда, синагога башчысынын үйүнөн кишилер келип: «Кызың өлүп калды. Эми устатты убара кылбай эле кой»,— дешти+. 36  Муну укканда Иса синагога башчысына: «Коркпо. Болгону эле, ишен»,— деди+. 37  Анан жанына Петирди, Жакыпты жана анын бир тууганы Жаканды гана алып, жолго чыкты+. 38  Алар синагога башчысынын үйүнө келгенде, Иса ал жердегилердин ызы-чуу түшүп, боздоп ыйлап жатканын көрдү. 39  Анан ичкери кирип: «Эмнеге чуру-чуу түшүп, ыйлап жатасыңар? Кыз өлгөн жок, уктап жатат»,— деди+. 40  Муну укканда алар аны шылдыңдап күлө башташты. Иса баарын тышка чыгарып, кыздын ата-энесин, өзү менен келгендерди ээрчитип, кыз жаткан бөлмөгө кирди+. 41  Ал кызды колунан алып: «Талита куми»,— деди. Бул сөздөр: «Кыз, сага айтам: тур»+,— дегенди билдирет. 42  Кыз ошол замат туруп, баса баштады. (Ал он эки жашта эле.) Муну көрүп, баары абдан кубанды+. 43  Иса аларга бул тууралуу эч кимге айтпоону буйруду да+, кызга тамак бериш керектигин айтты.

Шилтемелер

Мт 26:53түн шилт-н кара.
Же: «он шаар».