Мазмунун көрсөтүү

Кошумча менюну көрсөтүү

Мазмунун тизмесин көрсөтүү

Жахабанын Күбөлөрү

кыргыз

Онлайн Ыйык Китеп | ЫЙЫК КИТЕПТИН «ЖАҢЫ ДҮЙНӨ КОТОРМОСУ»

Марк 15:1—47

15  Таң атары менен, бүт Синедрион: жогорку дин кызматчылар, аксакалдар жана китепчилер кеңешме өткөрүштү+. Анан Исаны байлап, алып кетишти да, башкаруучу Пилатка өткөрүп беришти+.  Пилат андан: «Сен жүйүттөрдүн Падышасысыңбы?»+ — деп сурады. Иса: «Муну өзүң айтып жатасың»,— деп жооп берди+.  Жогорку дин кызматчылар болсо ага көп айып коюшту+.  Пилат Исага кайрадан суроо бере баштады да: «Жооп бербейсиңби?+ Сага канча айып коюп жатышканын көрдүңбү?» — деди+.  Бирок ал бир да суроосуна жооп берген жок. Пилат буга абдан таң калды+.  Пасах майрамы сайын Пилат түрмөдө отургандардын ичинен эл сураган бирөөнү бошотуп берчү+.  Ошол убакта түрмөдө Бараба деген кылмышкер жана аны менен бирге козголоң учурунда киши өлтүргөн бир нече адам отурган+.  Эл келип, Пилаттан адаттагысындай түрмөдөгүлөрдүн бирин бошотуп беришин сурана баштады.  Пилат алардан: «Жүйүттөрдүн Падышасын бошотуп беришимди каалайсыңарбы?» — деп сурады+. 10  Анткени жогорку дин кызматчылардын аны көрө албастыктан улам+ кармап келишкенин билчү+. 11  Жогорку дин кызматчылар болсо элди Исанын ордуна Барабаны сураганга үгүттөп коюшкан эле+. 12  Пилат кайрадан: «Анда силер жүйүттөрдүн Падышасы+ деп атаган кишини эмне кылайын?» — деп сурады+. 13  Алар: «Устунга* када!» — деп дагы кыйкырышты+. 14  Пилат болсо: «Эмнеге? Ал эмне жамандык кылды?» — деди. Бирок тигилер: «Устунга када!» — деп ого бетер катуу кыйкырып киришти+. 15  Ошондо Пилат аларга жагыш үчүн+ Барабаны бошотуп берди. Исаны болсо сабаткандан кийин устунга кадатыш үчүн жоокерлерге тапшырды+. 16  Жоокерлер аны башкаруучунун ак сарайындагы короого алып барып, ал жерге аскер бөлүгүнүн баарын чогултушту+. 17  Алар Исанын үстүнө кызгылт көк кийим, ал эми башына тикенектен таажы өрүп кийгизишти+. 18  Анан: «Саламатсыңбы, жүйүттөрдүн Падышасы!» — деп аны менен саламдаша башташты+. 19  Ошондой эле камыш таяк менен башка уруп, ага түкүрүп, алдына чөгөлөп, таазим кылып жатышты+. 20  Мазактап бүткөндөн кийин үстүндөгү кызгылт көк кийимди чечип, кайра өзүнүн сырт кийимин кийгизип, устунга кадаш үчүн алып кетишти+. 21  Жолдон алар айыл жактан келаткан бир кишиге, атап айтканда, Искендер менен Руфустун атасы киреналык Симонго Исанын жаза устунун көтөртүп коюшту+. 22  Ошентип, алар Исаны Голгота деген жерге алып келишти. Бул сөз «баш сөөк» дегенди билдирет+. 23  Ал жерден ага мирра* кошулган шарап берүүгө аракет кылышты+, бирок ал ичпей койду+. 24  Андан кийин аны устунга кадашты да, кийиминин кайсы бөлүгү кимисине тиерин чечиш үчүн өкчөмө таш ыргытып+, сырт кийимин бөлүп алышты+. 25  Аны үчүнчү саатта*+ устунга кадагандан кийин, 26  ага кандай айып коюлганын көрсөтүү үчүн баш жагына+ «Жүйүттөрдүн Падышасы» деген жазууну илип коюшту+. 27  Иса менен бирге эки каракчыны да устунга кадашты: бирин оң жагына, экинчисин сол жагына+. 28  * —— 29  Ары-бери өткөндөр аны кордоп+, баштарын чайкай: «Эй, ибадаткананы талкалап, кайра үч күндө тургузуп жиберчү киши+, 30  жаза устунунан түшүп, өзүңдү куткарбайсыңбы!» — деп жатышты+. 31  Жогорку дин кызматчылар менен китепчилер да аны шылдыңдап, бири-бирине: «Башкаларды куткарып, өзүн куткара албай калдыбы?!+ 32  Кана, Ысрайылдын Падышасы Машаяк азыр жаза устунунан түшсүнчү. Түшкөнүн көрүп, ага ишенип калалы»,— дешти+. Аны жанында кадалып турган каракчылар да мазактап жатышты+. 33  Алтынчы саатта* бүт аймакты караңгылык басып, тогузунчу саатка* чейин каптап турду+. 34  Тогузунчу саатта Иса: «Эли, Эли, лама сабактани?» — деп кыйкырды. Бул сөздөр: «Кудайым, Кудайым, мени эмне үчүн таштап койдуң?» — дегенди билдирет+. 35  Муну ошол жерде тургандардын айрымдары угуп: «Уксаңар, Илиясты чакырып жатат»,— дешти+. 36  Ошондо алардын бири чуркап барып, соргучту кычкыл шарапка малды да, таяктын учуна илди. Анан аны Исага ичириш үчүн+ берип жатып: «Жөн койгула. Илияс келип, аны устундан түшүрөр бекен, көрөлү»,— деди+. 37  Ошондо Иса катуу кыйкырды да, жан берди+. 38  Ошол учурда ыйык жайдын көшөгөсү+ үстүнөн астына чейин айрылып, экиге бөлүнүп калды+. 39  Исанын маңдайында турган жүз башы+ анын кантип өлгөнүн көргөндө: «Бул киши, чын эле, Кудайдын Уулу болгон экен»,— деди. 40  Ал жерде ушунун баарын алыстан карап турган аялдар да бар эле+. Алардын арасында магдалалык Мариям, кичи Жакып менен Жосенин энеси Мариям жана Саломе бар болчу+. 41  Иса Галилеяда жүргөндө, алар аны коштоп+, ага кызмат кылып жүрүшчү. Алардан сырткары, Иса менен бирге Иерусалимге келген дагы башка көптөгөн аялдар бар эле+. 42  Кеч кирип бараткан болчу. Ал күн ишембинин алдындагы Даярдык көрүү күнү эле. 43  Андыктан Кеңештин* кадыр-барктуу мүчөсү жана Кудайдын Падышалыгын күтүп жүргөндөрдүн бири ариматаялык Жусуп+ кайраттанып, Пилатка барды да, Исанын сөөгүн сурады+. 44  Пилат анын бат эле өлүп калганына таң калып, жүз башыны чакырып, Исанын өлгөн-өлбөгөнүн тактады. 45  Андан сурап билгенден кийин Жусупка сөөктү алып кетүүгө уруксат берди+. 46  Жусуп зыгырдан жасалган жогорку сапаттагы кездеме сатып алып, Исанын сөөгүн устундан түшүрдү да, кепиндеп+, асканын бооруна оюлган мүрзөгө койду+. Анан таш тоголотуп келип, мүрзөнүн оозун жапты+. 47  Магдалалык Мариям жана Жосенин энеси Мариям анын кайсы жерге коюлганын карап турушту+.

Шилтемелер

Кара: 4-тирк.
Мас кылуучу зат.
Эртең мененки саат тогуздарда.
Мт 17:21дин шилт-н кара.
Түшкү саат он экилерде.
Түштөн кийинки үчтөр.
Же: «Синедриондун».