Жөндөө мүмкүнчүлүгү

Тилди тандаңыз

Кошумча менюну көрсөтүү

Мазмунун тизмесин көрсөтүү

Мазмунун көрсөтүү

Жахабанын Күбөлөрү

кыргыз

Онлайн Ыйык Китеп

ЫЙЫК КИТЕПТИН «ЖАҢЫ ДҮЙНӨ КОТОРМОСУ»

Марк 12:1—44

12  Иса аларга мындай мисал келтирди: «Бир киши жүзүм отургузат да+, жүзүмзарын айландыра тосот. Ошондой эле жүзүм сыккыч орнотуп, мунара салат+. Анан жүзүмзарын багбандарга ижарага берип+, башка өлкөгө кетет+.  Түшүм жыйноо маалы келгенде, ал жүзүмзарынын жемишинен алыш үчүн багбандарга кулун жөнөтөт+.  Бирок алар аны кармап алып, сабашат да, куру кол кетирип жиберишет+.  Жүзүмзардын ээси дагы бир кулун жөнөтөт. Алар анын башын жарышат, кордук көрсөтүшөт+.  Ал дагы башкасын жөнөтөт. Багбандар аны өлтүрүп салышат. Ал дагы көптөгөн кулдарын жөнөтөт, бирок тигилер айрымдарын сабап, айрымдарын өлтүрүп салышат.  Жүзүмзардын ээсинин жакшы көргөн уулу бар эле+. „Уулумду сыйлашар“ — деп, акырында аны жөнөтөт+.  Бирок багбандар бири-бирине: „Бул — мурасчы+. Жүргүлө, өлтүрүп салалы, ошондо мурас биздики болот“,— деп айтышат+.  Анан аны кармап алып, өлтүрүшөт да+, жүзүмзардын сыртына ыргытып жиберишет+.  Эми жүзүмзардын ээси эмне кылат? Ал келип, багбандарды өлтүрүп, жүзүмзарын башкаларга+ ижарага берет+. 10  Ыйык Жазмадан: „Куруучулар жаратпай койгон таш+ бурчка коюлуучу негизги таш болуп калды+. 11  Бул Жахабадан, биздин көзүбүзгө таң калыштуу көрүнөт“,— деген сөздөрдү окуган жок белеңер?»+ 12  Ошондо алар Исанын бул мисалды өздөрүнө карата айтканын түшүнүп, аны кармоонун жолун издей башташты. Бирок элден корккондуктан кетип калышты+. 13  Андан кийин, Исаны сөзүнөн кармаш үчүн+, ага кээ бир фарисейлерди жана Ироддун жактоочуларын жиберишти+. 14  Алар келип: «Устат, сенин дайыма чындыкты сүйлөөрүңдү, адамдардын ээлеген абалына карабагандыктан эч кимге жагынбай турганыңды жана Кудайдын жолун чындыкка ылайык үйрөтөрүңдү билебиз+. Падышага* киши башына төлөнчү салыкты төлөө туурабы же туура эмеспи? 15  Аны төлөшүбүз керекпи же жокпу?» — дешти+. Алардын эки жүздүүлөнүп жатканын билип, Иса: «Мени эмнеге сынап жатасыңар? Мага динар алып келип көрсөткүлөчү»,— деди+. 16  Ага бир динар алып келишти. Иса: «Бул жерде кимдин сүрөтү тартылып, кимдин аты жазылган?» — деп сурады. Алар: «Падышанын»,— дешти+. 17  Ошондо ал: «Анда падышага тиешелүүнү падышага+, Кудайга тиешелүүнү Кудайга бергиле»,— деди+. Алар анын айткандарына аябай таң калышты+. 18  Андан кийин өлгөндөрдүн тирилерине ишенбеген садукейлер келип, Исага мындай суроо беришти+: 19  «Устат, Муса бизге, эгер кимдир бирөө бала көрбөй өлүп калса, аялын бир тууганы алып+, анын тукумун улашы керектигин жазган болчу+. 20  Арабызда жети бир тууган бар эле. Биринчиси аял алып, тукумсуз өтүп кетти+. 21  Анын аялын экинчиси алды, бирок ал да, андан кийин үчүнчүсү да тукумсуз өттү. 22  Ошентип, жетөө тең артында тукум калтырган жок. Акырында аял да өлдү+. 23  Өлгөндөр тирилгенде, ал кимисинин аялы болот? Анткени аны жетөө тең алышкан болчу»+. 24  Иса мындай деди: «Силер Ыйык Жазманы да, Кудайдын күчүн да билбегендиктен адашып жүргөн жоксуңарбы?+ 25  Анткени өлгөндөр тирилгенде аял алышпайт, күйөөгө чыгышпайт. Алар асмандагы периштелердей болушат+. 26  Ал эми өлгөндөрдүн тирилерине байланыштуу Мусанын китебиндеги тикенектүү бадал жөнүндөгү билдирүүдөн окуган эмес белеңер? Ал жерде Кудай Мусага: „Мен Ыбрайымдын Кудайымын, Ыскактын Кудайымын жана Жакыптын Кудайымын“,— деген эмес беле?+ 27  Ал — өлгөндөрдүн эмес, тирүүлөрдүн Кудайы. Силер катуу жаңылып жатасыңар»+. 28  Ал жерге келип, ошол талаш-тартышты жана Исанын жакшы жооп бергенин уккан бир китепчи андан: «Осуяттардын эң биринчиси кайсы?» — деп сурады+. 29  Иса: «Биринчиси бул: „Ук, Ысрайыл, Кудайыбыз Жахаба — жалгыз Жахаба+. 30  Жахаба Кудайыңды бүт жүрөгүң менен, бүт жаның менен, бүт акылың менен, бүт күчүң менен сүй“+. 31  Экинчиси бул: „Жакыныңды өзүңдү сүйгөндөй сүй“+. Булардан маанилүү башка осуят жок»,— деп жооп берди. 32  Ошондо китепчи Исага: «Устат, сен туура айттың. „Ал жалгыз, андан башка Кудай жок“+. 33  Аны бүт жүрөгүң, бүт түшүнүгүң, бүт күчүң менен сүйүү, ошондой эле жакыныңды өзүңдү сүйгөндөй сүйүү бүтүндөй өрттөлүүчү курмандыктар* менен башка курмандыктардын баарынан артык»,— деп айтты+. 34  Иса анын акылдуулук менен жооп бергенин көрүп: «Сен Кудайдын Падышалыгынан алыс эмессиң»,— деди. Ошондон кийин ага суроо берүүгө эч ким даай алган жок+. 35  Иса ибадатканада элди окутуп жатып: «Эмне үчүн китепчилер Машаякты Дөөтүнүн уулу дешет?+ 36  Ыйык рухтун таасири менен+ Дөөтү өзү: „Жахаба менин Мырзама: “Душмандарыңды бут алдыңа жыгып бергенимче, оң жагымда отур”,— деди“,— дебеди беле+. 37  Дөөтү өзү аны „Мырзам“ деп атаса, анда кантип Машаяк анын уулу болсун?» — деди+. Көп эл аны берилип укту+. 38  Ал андан ары мындай деп окутту: «Китепчилерден сак болгула+. Алар узун кийим кийип жүргөндү, базар аянттарында башкалардын урмат көрсөтүп саламдашканын, 39  синагогаларда алдыңкы орундарда отурганды, тойлордо төрдөн орун алганды жакшы көрүшөт+. 40  Ошондой эле жесир аялдардын мал-мүлкүн талап-тоношот+, элге көрүнүш үчүн узакка тиленишет. Андыктан аларга катуу өкүм чыгарылат»+. 41  Анан ал казына идиштери*+ көрүнгүдөй жерден орун алып, элдин аларга акча салганын карап отурду. Көптөгөн байлар көп акча салып жатышты+. 42  Ошондо бир жарды жесир аял келип, наркы өтө төмөн эки тыйын* салды+. 43  Иса шакирттерин жанына чакырып: «Силерге айтып коёюн, бул жарды жесир аял казына идиштерине акча салгандардын баарынан көп салды+. 44  Анткени бардыгы өздөрүнөн артканды салышты, ал эми бул аял, өзү муктаж болуп турса да, колунда болгондун баарын салды»,— деди+.

Шилтемелер

Же: «императорго»; грек. кесар.
1896-беттеги «Сөздүктү» кара.
Б. а. тартуу салынган кутулар. Сыягы, алар ар кандай формада болгон. Айрымдары сурнай сыяктуу келип, үстүндө кичинекей тешиги болгон.
Сөзмө-сөз: «эки лепта». Эки лепта — болж. м-н 10 мүнөттүк жумуш үчүн төлөнгөн акы. Кара: 13-тирк.