Мазмунун көрсөтүү

Кошумча менюну көрсөтүү

Мазмунун тизмесин көрсөтүү

Жахабанын Күбөлөрү

кыргыз

Онлайн Ыйык Китеп | ЫЙЫК КИТЕПТИН «ЖАҢЫ ДҮЙНӨ КОТОРМОСУ»

Лука 6:1—49

6  Ишемби* күндөрдүн биринде Иса эгин талааларын аралап баратты. Жанындагы шакирттери буудайдын башын үзүп+, колдору менен ушалап, жеп бара жатышты+.  Ошондо фарисейлердин айрымдары: «Эмне үчүн силер ишембиде+ кылганга болбой турган ишти кылып жатасыңар?» — дешти+.  Иса аларга: «Өзү да, жанындагы кишилери да ачка болгондо+, Дөөтүнүн эмне кылганын эч качан окуган эмес белеңер?+  Анын Кудайдын үйүнө кирип, ал жердеги тартуу катары алынып келген+, дин кызматчылардан башка эч ким жебеши керек болгон нандардан жегенин, жанындагыларга да бергенин билбейсиңерби?» — деди+.  Анан: «Адам Уулу — ишембинин Мырзасы»,— деп кошумчалады+.  Ишемби күндөрдүн дагы биринде Иса синагогага кирип+, элди окута баштады. Ал жерде оң колу сенек бир киши бар эле+.  Китепчилер менен фарисейлер Исаны айыпка жыгуунун жолун издеп+, ишемби күнү айыктырар бекен деп, тигиле карап турушту+.  Алардын оюн билип турса да+, Иса колу сенек кишиге: «Ордуңан туруп, ортого чык»,— деди. Ал туруп, ортого чыкты+.  Анан Иса тигилерге: «Силерге бир суроо берейин: Мыйзам боюнча, ишемби күнү жакшылык кылыш керекпи+ же жамандык кылыш керекпи? Жанды куткарыш керекпи же өлтүрүш керекпи?» — деди да+, 10  баарын тегерете карап чыккандан кийин тиги кишиге: «Колуңду сун»,— деп айтты. Ал сунганда, колу айыгып калды+. 11  Ошондо тигилердин каары кайнап, Исаны эмне кылсак деп, өз ара сүйлөшө башташты+. 12  Ошол күндөрү Иса тилениш үчүн тоого барып+, Кудайдан түнү бою тиленип чыкты+. 13  Ал эми таң атканда, шакирттерин жанына чакырып, он экисин тандады да, аларды элчилер деп атады+. 14  Алар: Симон (Иса аны Петир деп да койчу)+, анын бир тууганы Андрес, Жакып, Жакан+, Филип+, Барталамей, 15  Матай, Томас+, Алпейдин уулу Жакып, ынталуу дешкен Симон+, 16  Жакыптын уулу Жүйүт, кийинчерээк Исага чыккынчылык кылган Жүйүт Искариот+. 17  Иса алар менен тоодон түшүп, жайык жерге келди. Ал жерде анын көп шакирттери жана бүт Жүйүт аймагынан, Иерусалимден, деңиз боюндагы Тир менен Сидон аймактарынан келген калың эл бар эле+. Алар Исанын сөздөрүн угуш үчүн жана ооруларынан айыгыш үчүн келишкен болчу+. 18  Атүгүл жиндердин айынан азап чегип жүргөндөр да айыгып жатты. 19  Исадан чыккан күчтүн+ таасири менен баары айыгып жаткандыктан, бардыгы ага колун тийгизүүгө умтулуп жатышты+. 20  Андан кийин Иса шакирттерин карап, мындай деди+: «Жакырлар, силер бактылуусуңар+, анткени Кудайдын Падышалыгы силерге таандык. 21  Азыр ачка жүргөндөр, силер бактылуусуңар+, анткени тоёсуңар+. Азыр ыйлап жаткандар, силер бактылуусуңар, анткени күлөсүңөр+. 22  Башкалар силерди адам Уулу үчүн жек көрүшсө+, куушса, кордошсо, жаманатты кылышса+, бактылуусуңар. 23  Ал күнү кубанып-шаттангыла, анткени асмандагы сыйлыгыңар чоң. Алардын ата-бабалары да пайгамбарларга ушундай мамиле кылышчу+. 24  Ал эми, байлар, силердин башыңарга каран түн түшөт+, анткени алчу нерселериңерди толугу менен алдыңар+. 25  Азыр ток жүргөндөр, башыңарга каран түн түшөт, анткени ачка болосуңар+. Азыр күлүп жаткандар, башыңарга каран түн түшөт, анткени боздоп ыйлайсыңар+. 26  Элдин баары силер жөнүндө жакшы сөздөрдү айтышса, силерге кайгы. Анткени алардын ата-бабалары да жалган пайгамбарларга ошондой мамиле кылышчу+. 27  Мени угуп тургандар, силерге айтарым: душмандарыңарды сүйгөнүңөрдү+, силерди жек көргөндөргө жакшылык кылганыңарды+, 28  силерди каргагандарды алкаганыңарды, кордогондор үчүн тиленгениңерди токтотпогула+. 29  Бир жаагыңа чапканга экинчи жаагыңды тосуп бер+. Сырт кийимиңди тартып алганга ички кийимиңди да бер+. 30  Бирөө сенден бир нерсе сураса, бер+; берген нерсеңди кайра сураба. 31  Башкалардын өзүңөргө кандай мамиле кылышын кааласаңар, силер да аларга ошондой мамиле кылгыла+. 32  Силерди жакшы көргөндөрдү гана жакшы көрсөңөр, эмнеңер мактоого татыктуу?+ Күнөөкөрлөр деле өздөрүн жакшы көргөндөрдү жакшы көрүшөт эмеспи. 33  Силерге жакшылык кылгандарга гана жакшылык кылсаңар, эмнеңер мактоого татыктуу? Күнөөкөрлөр деле ошентишет эмеспи+. 34  Ошондой эле кайтарып бере ала тургандарга гана карыз берсеңер+, эмнеңер мактоого татыктуу? Канча берсе, кайра ошончо алыш үчүн, күнөөкөрлөр деле бири-бирине карыз беришет эмеспи+. 35  Силер болсо душмандарыңарды сүйгөнүңөрдү, жакшылык кылганыңарды токтотпогула, эч нерсе күтпөй карыз бергиле+. Ошондо чоң сыйлык аласыңар жана Эң Жогорку Кудайдын уулдары болосуңар+, анткени ал жакшылыкты билбегендер менен жамандарга да жакшылык кылат+. 36  Асмандагы Атаңар кандай кайрымдуу болсо, силер да ошондой кайрымдуу болгула+. 37  Мындан ары эч кимди айыптабагыла, ошондо өзүңөр да айыпталбайсыңар+; эч кимди күнөөлөбөгүлө, ошондо силерге да күнөө коюлбайт. Башкалардын каталарын кечиргиле, ошондо силердин да каталарыңар кечирилет+. 38  Бергиле, ошондо силерге да берилет+: жакшы ченем менен койнуңарга шыкай салып, ыкшап, ашыра толтуруп беришет. Анткени кандай ченем менен өлчөп берсеңер, силерге да ошондой ченем менен өлчөнүп берилет»+. 39  Анан Иса дагы мындай мисалдарды келтирди: «Сокур сокурду жетелеп жүрө алабы? Экөө тең аңга түшүп кетпейби?!+ 40  Шакирт устатынан жогору болбойт. Мыкты үйрөтүлгөн ар бир шакирт устатындай болот+. 41  Эмнеге өз көзүңдөгү дөңгөчтү көрбөйсүң да, бир тууганыңдын көзүндөгү кыпынды көрөсүң?+ 42  Өз көзүңдөгү дөңгөчкө көңүл бурбай, бир тууганыңа: „Бир тууганым, кел, көзүңдөгү кыпынды алып салайын“,— деп кантип айтасың?+ Эки жүздүү! Адегенде өз көзүңдөгү дөңгөчтү алып ташта+, ошондо бир тууганыңдын көзүндөгү кыпынды кантип алып салыш керектигин көрөсүң+. 43  Жакшы дарак жаман жемиш бербейт, жаман дарак жакшы жемиш бербейт+. 44  Ар бир дарак жемишинен билинет+. Мисалы, адамдар тикенектен анжир, тикенектүү бадалдан жүзүм тербейт+. 45  Жакшы киши жүрөгүндөгү жакшы казынасынан жакшы нерселерди алып чыгат+, ал эми жаман киши жаман казынасынан жаман нерселерди алып чыгат. Анткени адамдын жүрөгү эмнеге толсо, оозу ошону сүйлөйт+. 46  Эмне үчүн мени „Мырзам! Мырзам!“ деп чакырасыңар да, айткандарымды аткарбайсыңар?+ 47  Мага келип, сөздөрүмдү уккан жана аларды аткарган ар бир адам кимге окшош экенин силерге айтайын+: 48  ал жерди терең казып, пайдубалын аска таштын үстүнө тургузуп, үй курган кишиге окшош. Сел жүрүп+, дарыя ташкындап, үйдү каптаганда, үй эч нерсе болгон жок, анткени жакшы курулган болчу+. 49  Ал эми сөздөрүмдү угуп, бирок аткарбагандар+ пайдубал тургузбай эле үй курган кишиге окшош. Дарыя ташкындап, үйдү каптаганда, ал ошол замат урап+, чоң кыйроого учурады»+.

Шилтемелер

Мт 12:1дин шилт-н кара.