Жөндөө мүмкүнчүлүгү

Тилди тандаңыз

Кошумча менюну көрсөтүү

Мазмунун тизмесин көрсөтүү

Мазмунун көрсөтүү

Жахабанын Күбөлөрү

кыргыз

Онлайн Ыйык Китеп

ЫЙЫК КИТЕПТИН «ЖАҢЫ ДҮЙНӨ КОТОРМОСУ»

Лука 20:1—47

20  Бир күнү Иса ибадатканада элди окутуп, жакшы кабарды жарыялап жатканда, жогорку дин кызматчылар, китепчилер, аксакалдар жанына келип+,  баарына угуза: «Айтчы бизге, буларды кайсы бийлик менен кылып жатасың? Мындай бийликти сага ким берди?» — деп сурашты+.  Иса аларга: «Мен да силерге бир суроо берейин. Айткылачы+,  Жакан чөмүлдүрүүгө бийликти асмандан алганбы же адамдарданбы?» — деди+.  Ошондо алар: «Эгерде: „Асмандан“,— десек, ал: „Анда эмне үчүн ага ишенген жоксуңар?“ — дейт+.  „Адамдардан“,— десек, анда элдин баары бизди таш бараңга алат+, анткени алар Жакандын+ пайгамбар болгонуна ишенишет»+,— деп өз ара сүйлөшүштү.  Анан Жакандын андай бийликти кайдан алганын билишпей турганын айтышты.  Ошондо Иса: «Буларды кайсы бийлик менен кылып жатканымды мен да айтпайм»,— деди+.  Андан кийин Иса элге мындай мисал келтирди: «Бир киши жүзүм отургузат да+, жүзүмзарын багбандарга ижарага берип, өзү бир топ убакытка башка өлкөгө кетет+. 10  Түшүм жыйноо маалы келгенде, жүзүмзарынын жемишинен беришсин деп+, багбандарга+ кулун жөнөтөт+. Бирок алар аны сабап, куру кол кетирип жиберишет+. 11  Жүзүмзардын ээси дагы бир кулун жөнөтөт. Алар аны да сабап, кордук көрсөтүп, куру кол кетирип жиберишет+. 12  Ал үчүнчүсүн жөнөтөт+. Багбандар аны да жарадар кылып, жүзүмзардын сыртына таштап коюшту. 13  Ошондо жүзүмзардын ээси: „Эмне кылсам? Сүйүктүү уулумду жиберип көрөйүн+. Балким, аны сыйлашар“,— дейт. 14  Багбандар аны көргөндө: „Бул — мурасчы. Жүргүлө, өлтүрүп салалы, ошондо мурас биздики болот“,— деп өз ара сүйлөшүшөт+. 15  Ошентип, аны жүзүмзардын сыртына сүйрөп чыгып+, өлтүрүп салышат+. Эми жүзүмдүктүн ээси багбандарды эмне кылат?+ 16  Ал келип, аларды өлтүрүп, жүзүмзарын башкаларга ижарага берет»+. Муну уккандар: «Кудай анын бетин ары кылсын!» — дешти. 17  Ошондо Иса аларды карап: «Анда Ыйык Жазмадагы: „Куруучулар жаратпай койгон таш+ бурчка коюлуучу негизги таш болуп калды“+,— деген сөздөр эмнени билдирет? 18  Ким бул ташка жыгылса, ал жанчылат+. Ал эми таш кимдин үстүнө куласа+, аны басып калат»,— деп айтты+. 19  Китепчилер менен жогорку дин кызматчылар Исанын бул мисалды өздөрүнө карата айтканын түшүнүп, аны кармаганга аракет кылышты, бирок элден коркушту+. 20  Алар Исаны амалкөйлүк менен колго түшүрүүнүн жолун издеп көрүшкөндөн кийин ага бир нече кишини жиберишти. Ал кишилерди өздөрүн адил кылып көрсөтүп, Исаны сөзүнөн кармаган соң+ өкмөттөгүлөр менен башкаруучунун колуна салып бериш үчүн жашыруун жалдашкан эле+. 21  Алар Исадан: «Устат, сенин туура сүйлөп, туура окутарыңды жана бет карамалык кылбай, Кудайдын жолун чындыкка ылайык үйрөтөрүңдү билебиз+. 22  Падышага* салык төлөө туурабы же туура эмеспи?» — деп сурашты+. 23  Иса алардын кууланып жатканын билип+: 24  «Мага бир динарды көрсөткүлөчү. Бул жерде кимдин сүрөтү тартылып, кимдин аты жазылган?» — деди. Алар: «Падышанын»,— дешти+. 25  Ошондо ал: «Андай болсо, падышага тиешелүүнү падышага+, Кудайга тиешелүүнү Кудайга бергиле»,— деди+. 26  Ошентип, алар Исаны эл алдында сөзүнөн кармай алышкан жок. Тескерисинче, анын жообуна таң калып, унчукпай калышты+. 27  Андан кийин өлгөндөрдүн тирилерине ишенбеген садукейлердин кээ бирлери келип+, Исага мындай суроо беришти: 28  «Устат, Муса бизге+: „Эгер кимдир бирөө бала көрбөй өлүп калса, аялын бир тууганы алып+, анын тукумун уласын“,— деп жазган болчу+. 29  Арабызда жети бир тууган бар эле. Биринчиси аял алып, тукумсуз өтүп кетти+. 30  Анын аялына экинчиси, 31  анан үчүнчүсү үйлөндү. Ошентип, ага жетөө тең үйлөнүштү, бирок баары бала көрбөй өтүп кетишти+. 32  Акырында аял да өлдү+. 33  Өлгөндөр тирилгенде, ал кимисинин аялы болот? Анткени аны жетөө тең алышкан болчу»+. 34  Иса аларга мындай деди: «Бул дүйнө түзүлүшүнүн адамдары аял алышат+, күйөөгө тийишет. 35  Ал эми тирилүүгө+ жана келечектеги дүйнө түзүлүшүндө+ жашоого татыктуу боло тургандар+ үйлөнүшпөйт, турмушка чыгышпайт. 36  Алар периштелердей болушат, андыктан экинчи өлүшпөйт+. Ошондой эле тирилгенден кийин алар Кудайдын балдары болушат+. 37  Ал эми өлгөндөрдүн тирилерин Муса да көрсөткөн. Тикенектүү бадал+ жөнүндө баяндап жатып ал Жахабаны „Ыбрайымдын Кудайы, Ыскактын Кудайы жана Жакыптын Кудайы“ деп атаган+. 38  Ал — өлгөндөрдүн эмес, тирүүлөрдүн Кудайы. Анткени ал үчүн бардыгы тирүү»+. 39  Ошондо китепчилердин айрымдары: «Устат, сен жакшы айттың»,— дешти. 40  Ошондон кийин алар суроо бергенге эч батына алышкан жок. 41  Анан Иса аларга: «Эмне үчүн Машаякты Дөөтүнүн уулу дешет?+ 42  Дөөтү өзү Забур* китебинде: „Жахаба менин Мырзама: 43  “Душмандарыңды бут алдыңа жыгып бергенимче, оң жагымда отур”,— деди“+,— дебеди беле. 44  Эгер Дөөтү аны „Мырзам“ деп атаса, анда ал кантип Дөөтүнүн уулу болсун?» — деди. 45  Бүт эл Исанын сөздөрүн угуп турганда, ал шакирттерине+: 46  «Китепчилерден сак болгула. Алар узун кийим кийип жүргөндү, базар аянттарында башкалардын урмат көрсөтүп саламдашканын, синагогаларда алдыңкы орундарда отурганды, тойлордо төрдөн орун алганды жакшы көрүшөт+. 47  Ошондой эле жесир аялдардын мал-мүлкүн талап-тоношот+, элге көрүнүш үчүн узакка тиленишет. Андыктан аларга катуу өкүм чыгарылат»,— деди+.

Шилтемелер

Же: «императорго»; грек. кесар.
1896-беттеги «Сөздүктү» кара.