Жөндөө мүмкүнчүлүгү

Тилди тандаңыз

Кошумча менюну көрсөтүү

Мазмунун тизмесин көрсөтүү

Мазмунун көрсөтүү

Жахабанын Күбөлөрү

кыргыз

Онлайн Ыйык Китеп

ЫЙЫК КИТЕПТИН «ЖАҢЫ ДҮЙНӨ КОТОРМОСУ»

Лука 15:1—32

15  Салык жыйноочулар+ менен күнөөкөрлөрдүн+ баары Исанын сөзүн угуш үчүн ага келип жатышты.  Буга нааразы болгон фарисейлер менен китепчилер: «Бул күнөөкөрлөрдү кабыл алып, алар менен бирге тамак ичет»,— деп сүйлөнө башташты+.  Ошондо Иса аларга мындай мисал келтирди:  «Араңардан кимиңер жүз коюнун бирин жоготуп алса, токсон тогузун ээн талаага калтырып коюп, жоголгон коюн тапмайынча издебейт?+  Тапканда аны ийнине көтөрүп алып, кубанган бойдон+  үйүнө келет да, достору менен кошуналарын чакырып: „Мага кошулуп кубангыла: жоголгон коюмду таптым“,— дейт+.  Силерге айтып коёюн, өкүнүүгө муктаж болбогон токсон тогуз адил адамга+ караганда өкүнгөн бир күнөөкөр+ үчүн асманда көбүрөөк кубаныч болот.  Ошондой эле он күмүш тыйыны* бар аял бир тыйынын жоготуп алса, чырак күйгүзүп алып, аны тапмайынча үйүн шыпырып, жакшылап издебейби?  Тапканда достору менен кошуналарын чакырып: „Мага кошулуп кубангыла: жоготуп алган тыйынымды таптым“,— деп айтат. 10  Силерге айтып коёюн, ошо сыяктуу эле, бир күнөөкөрдүн өкүнгөнүнө Кудайдын периштелери кубанат»+. 11  Анан Иса мындай деди: «Бир кишинин эки уулу болот+. 12  Алардын кичүүсү атасына: „Ата, мага энчимди бөлүп бериңиз“,— дейт+. Атасы экөөнө мүлкүн бөлүп берет+. 13  Бир нече күндөн кийин кичүүсү бүт энчисин алып, алыскы бир өлкөгө жөнөп кетет. Ал жактан жаман жолго түшүп, болгон мүлкүнүн баарын чачып жок кылат+. 14  Эч нерсеси калбай калганда, өлкөдө катуу ачарчылык болуп, ал жокчулуктун азабын тарта баштайт. 15  Ошондо өлкөнүн бир тургунуна барып, ага жалдырап, жумушка алышын өтүнөт. Тиги киши аны талаасына чочколорун+ кайтарганга жиберет. 16  Ал саадакчалуу дарактын чочколор жеген саадакчалары менен курсагын тойгузууну эңсейт, бирок аны да эч ким бербейт+. 17  Ошондо ал акылына келип, мындай дейт: „Атамдын канчалаган жалчылары нанды тоё жешет, мен болсо бул жерде ачкадан өлөйүн деп жүрөм! 18  Атама барайын да+: “Ата, мен Кудайга* да, сизге да каршы күнөө кылдым+. 19  Эми уулуңуз деп аталууга татыксызмын. Мени жалчыларыңыздын бири катары кабыл алыңызчы”,— деп айтайын“. 20  Ошентип, ал атасына жөнөйт. Атасы аны алыстан эле көрүп, боору ооруйт да, чуркап барып, кучактап өпкүлөйт. 21  Ошондо уулу: „Ата, мен Кудайга да, сизге да каршы күнөө кылдым+. Эми уулуңуз деп аталууга татыксызмын. Мени жалчыларыңыздын бири катары кабыл алыңызчы“,— деп айтат+. 22  Атасы болсо кулдарына: „Тезинен эң жакшы кийим алып келип, балама кийгизгиле+. Колуна шакек салып+, бутуна сандал кийгизгиле. 23  Анан торпоктун семизин+ алып келип, сойгула. Жеп-ичип, көңүл ачалы, 24  анткени бул уулум өлгөн эле — тирилди+, жоголгон эле — табылды“,— дейт. Ошентип, алар тойлой башташат. 25  Талаадан кайтып келаткан тун уулу+ үйгө жакындаганда ырдап-бийлегендердин үнүн угат да, 26  кызматчылардын бирин чакырып, эмне болуп жатканын сурайт. 27  Ал: „Иниң+ келди. Анын аман-эсен кайтып келгенин көрүп, атаң+ семиз торпок сойду“,— дейт. 28  Муну укканда ал ачууланып, үйгө кирбей коёт. Атасы сыртка чыгып, андан үйгө киришин өтүнө баштайт+. 29  Ал болсо: „Мен сизге ушунча жылдан бери кулдай кызмат кылып, сөзүңүздү эки кылган эмес элем. Сиз болсо мага досторум менен көңүл ачканга улак да берген жоксуз+. 30  Ал эми мүлкүңүздү бузулган аялдар менен түгөткөн+ бул уулуңуз+ келгенде, семиз торпок сойдуңуз“,— дейт+. 31  Атасы ага: „Балам, сен дайыма жанымдасың, менин дүнүйөмдүн баары сеники+. 32  Бул иниң өлгөн эле — тирилди, жоголгон эле — табылды, ошондуктан кубанып, тойлоп жатабыз“,— деп айтат»+.

Шилтемелер

Сөзмө-сөз: «драхма». Бир драхма бир күндүк эмгек акынын төрттөн үч бөлүгүн түзгөн. Кара: 13-тирк.
Cөзмө-сөз: «асманга».