Жөндөө мүмкүнчүлүгү

Тилди тандаңыз

Кошумча менюну көрсөтүү

Мазмунун тизмесин көрсөтүү

Мазмунун көрсөтүү

Жахабанын Күбөлөрү

кыргыз

Онлайн Ыйык Китеп

ЫЙЫК КИТЕПТИН «ЖАҢЫ ДҮЙНӨ КОТОРМОСУ»

Лука 12:1—59

12  Ошол убакта ал жерге миңдеген кишилер чогулду. Алар ушунчалык көп болгондуктан, бири-бирин кыса башташты. Иса адегенде шакирттерине кайрылып, мындай деди: «Фарисейлердин ачыткысынан+, эки жүздүүлүктөн, сак болгула+.  Бек катылып, ачыкка чыкпай кала турган эч нерсе жок, ошондой эле билинбей кала турган эч бир сыр жок+.  Ошондуктан караңгыда айткан сөздөрүңөр жарыкта угулат, бөлмөдө шыбырап айткан сөздөрүңөр үйдүн төбөсүнөн жарыяланат+.  Досторум+, силерге дагы айтарым, денени өлтүрүп, бирок андан башка эч нерсе кыла албай тургандардан коркпогула+.  Силерге кимден коркуш керектигин айтайын: өлтүргөндөн кийин гээнага*+ таштап салууга бийлиги бардан корккула+. Ооба, силерге айтып коёюн, мына ошондон корккула+.  Беш таранчы баасы абдан төмөн болгон эки тыйынга* сатылат эмеспи. Ошентсе да Кудай алардын бирин да унутпайт+.  Ал эми силердин башыңардагы чачыңар да саналуу+. Коркпогула: силер топ таранчыдан да баалуусуңар+.  Силерге айтып коёюн, ким мени менен биримдикте экенин башкалардын алдында ачык билдирсе+, адам Уулу да аны менен биримдикте экенин Кудайдын периштелеринин алдында ачык билдирет+.  Ал эми ким башкалардын алдында менден баш тартса+, адам Уулу да андан Кудайдын периштелеринин алдында баш тартат+. 10  Ким адам Уулуна каршы сүйлөсө, кечирилет; ал эми ким ыйык рухка акарат кылса, кечирилбейт+. 11  Силерди эл чогулган жерлерге, башчылар менен бийликтегилердин алдына алып барышканда, өзүңөрдү коргош үчүн кантип жана эмне деп жооп берериңерди же эмне деп айтарыңарды ойлоп тынчсызданбагыла+. 12  Анткени ошол убакта ыйык рух+ силерге эмне айтыш керектигин үйрөтөт»+. 13  Ошондо элдин арасынан бирөө Исага: «Устат, бир тууганыма айтчы, мурасты мени менен бөлүшсүн»,— деп кайрылды. 14  Ал: «Мени экөөңөрдү соттоого же мурасыңарды бөлүштүрүүгө ким дайындады?» — деди+. 15  Анан ал жердегилерге: «Байкагыла! Ач көздүктүн бардык түрүнөн сак болгула+. Анткени адамдын дүнүйөсү ашып-ташып турса да, колунда болгон мүлкү ага өмүр бере албайт»,— деп айтты+. 16  Анан мындай мисал келтирди: «Бир бай киши жеринен мол түшүм алат да: 17  „Эмне кылсам? Түшүмүмдү жыярга жер жок“,— деп ойлоно баштайт. 18  Андан соң мындай дейт: „Минтейин+: кампаларымды бузуп, чоңураак кылып салайын да, эгинимдин баарын, бүт мүлкүмдү ошол жерге жыйнайын+. 19  Анан өзүмө: “Жаным, сенде көп жылдарга жете турган байлык бар. Ошондуктан эс ал, ичип-же, көңүл ач”+,— деп айтам“+. 20  Бирок Кудай ага: „Акылсыз, ушул түнү өмүрүңөн* айрыласың+. Ошондо жыйнаганыңдын баары кимге калат?“ — дейт+. 21  Өзү үчүн байлык жыйнаган, бирок Кудайдын алдында байыбаган киши ушундай болот»+. 22  Андан кийин Иса шакирттерине мындай деди: «Ошондуктан силерге айтарым, эмне жээриңерди ойлоп жаныңар үчүн, эмне киериңерди ойлоп денеңер үчүн тынчсызданбагыла*+. 23  Анткени тамакка караганда жан, кийимге караганда дене кымбат. 24  Кузгундарды+ карагылачы: алар эгин экпейт, оруп-жыйбайт. Алардын сактай турган жайы да, кампасы да жок. Бирок Кудай аларды азыктандырат. Силер канаттуулардан алда канча баалуу эмессиңерби?!+ 25  Тынчсыздануу менен кимиңер өмүрүңөрдү бир азга* болсо да узарта аласыңар?+ 26  Эгер ушундай жөнөкөй нерсени кыла албасаңар, калган нерселер үчүн эмнеге тынчсызданасыңар?+ 27  Лилия гүлдөрүнүн кантип өсүп жатканын карагылачы+: алар эмгектенбейт, жип ийрибейт. Бирок, силерге айтып коёюн, атүгүл Сулайман да, канчалык атак-даңктуу болбосун, алардын бириндей да кийинген эмес+. 28  Бүгүн талаада өсүп, эртең мешке ыргытыла турган чөптү Кудай ушундай кийиндирсе, силерди кантип кийиндирбей койсун, ишеними аздар?!+ 29  Ошондуктан эмне жээриңерди, эмне ичериңерди ойлоп тынчсызданбагыла*+. 30  Булардын баары үчүн дүйнөнүн адамдары түйшүк тартышат. Ал эми силердин мунун бардыгына муктаж экениңерди асмандагы Атаңар билет+. 31  Андыктан мындан ары да анын Падышалыгын издегиле, ошондо силерге мунун баары берилет+. 32  Коркпо+, кичине отор+, анткени асмандагы Атаңар силерге Падышалыкты берүүнү туура көрдү+. 33  Мал-мүлкүңөрдү сатып+, кедей-кембагалдарга таратып бергиле+. Акчаңарды салганга эскирбей турган капчык жасагыла, асманга түгөнгүс байлык жыйнагыла+. Ал жактан ага ууру да жолобойт, күбө да түшпөйт. 34  Байлыгыңар кайсы жерде болсо, жүрөгүңөр да ошол жерде болот+. 35  Белиңер буулуп*+, чырагыңар күйүп турсун+. 36  Өзүңөр болсо үйлөнүү тоюнан келе турган кожоюнун+ күтүп жаткан+ жана ал келип, эшикти тыкылдатар замат+, ачууга даяр турган кулдардай болгула. 37  Кожоюну кайтып келгенде, сергек турган кулдар бактылуу!+ Силерге айтып коёюн, ал белин бууп+, кулдарын дасторконго отурууга чакырат. Анан келип, аларга кызмат кылат+. 38  Кожоюну экинчи, атүгүл үчүнчү күзөттө* келип, кулдарынын сергек турганын көрсө, алар бактылуу!+ 39  Эсиңерде болсун, үй ээси уурунун кайсы убакта келерин билсе, ууру үйүнө кирбеши үчүн, сак турмак+. 40  Силер да даяр тургула, себеби адам Уулу силер күтпөгөн саатта келет»+. 41  Ошондо Петир Исадан: «Мырзам, бул мисалды бизге карата айттыңбы же баарынабы?» — деп сурады. 42  Ал мындай деп жооп берди: «Кызматчыларына өз убагында жетиштүү тамак берип турушу үчүн+, кожоюн дайындай турган ишенимдүү+ жана акылдуу башкаруучу+ ким? 43  Кожоюну кайтып келип, анын берилген ишти аткарып жатканын көрсө, ал кул бактылуу!+ 44  Ишенип койгула, кожоюну аны өзүнүн бүт мүлкүнө кам көрүүгө дайындайт+. 45  Бирок ал кул: „Кожоюнум жакында келбейт“,— деп ойлоп+, мас болуп, ичип-жеп, үйдөгү кызматчылардын эркектерин да, аялдарын да уруп-сабаса+, 46  кожоюну ал күтпөгөн күнү, ал билбеген саатта келет да+, аны катуу жазалап, ишенимсиздердин жанына таштайт+. 47  Кожоюнунун каалоосун билсе да, даяр турбаган же анын эркине ылайык иш кылбаган кул көбүрөөк таяк жейт+. 48  Ал эми билбей туруп+, жазага тартылгыдай иштерди кылган кул азыраак таяк жейт+. Кимге көп берилсе, андан көп талап кылынат+. Кимге көп нерсе тапшырылса, андан адаттагыдан көп күтүлөт+. 49  Мен жер бетине от жагуу үчүн келдим+. От күйүп жатса, анда дагы эмнени кааламак элем? 50  Мен чөмүлтүлүшүм керек болгон бир чөмүлтүлүү бар. Ал аягына чыкканга чейин, кандай гана кыйналып жатам!+ 51  Мени жерге тынчтык алып келди деп ойлойсуңарбы? Жок, силерге айтып коёюн, мен бөлүш үчүн келдим+. 52  Мындан ары бир үйдөгү беш киши өз ара бөлүнүп, үчөө экөөнө, экөө үчөөнө каршы чыгат+. 53  Атасы баласына, баласы атасына, энеси кызына, кызы энесине, кайненеси келинине, келини кайненесине каршы чыгып, баары бөлүнөт»+. 54  Андан кийин Иса элге кайрылып, мындай деди: «Батыштан көтөрүлгөн булутту көрөрүңөр менен: „Катуу шамал болуп, жаан жаайт экен“,— дейсиңер, анан ошондой болот+. 55  Ал эми түштүктөн шамал соккондо: „Ысык болот экен“,— дейсиңер, анан ошондой болуп чыгат. 56  Эки жүздүүлөр, аба ырайы кандай болорун билесиңер да, эмне үчүн ушул өзгөчө убакты айырмалап билбейсиңер?+ 57  Ошондой эле адилдик эмне экенин эмнеге өзүңөр ойлонуп көрбөйсүңөр?+ 58  Каршылашың менен башчыга баратканда ортоңордогу талашты жолдон эле чечип алууга аракеттен. Болбосо ал сени сотко берет, сот болсо өкүмдү ишке ашыруучуга тапшырат, ал эми өкүмдү ишке ашыруучу түрмөгө камап коёт+. 59  Сага айтып коёюн, сокур тыйыныңа чейин төлөп бермейин ал жерден чыкпайсың»+.

Шилтемелер

Кара: 9-тирк.
Грек. ассарий. Бир ассарий — 45 мүнөттүк ишке төлөнгөн акы. Кара: 13-тирк.
Сөзмө-сөз: «жаныңдан».
Же: «тынчсызданганыңарды токтоткула».
Сөзмө-сөз: «бир чыканакка».
Же: «тынчсызданганыңарды токтоткула».
Б. а. «кайсы бир ишти аткарууга даяр туруу».
Мр 13:35тин шилт-н кара.