Жөндөө мүмкүнчүлүгү

Тилди тандаңыз

Кошумча менюну көрсөтүү

Мазмунун тизмесин көрсөтүү

Мазмунун көрсөтүү

Жахабанын Күбөлөрү

кыргыз

Онлайн Ыйык Китеп

ЫЙЫК КИТЕПТИН «ЖАҢЫ ДҮЙНӨ КОТОРМОСУ»

Лебилер 6:1—30

6  Жахаба Мусага дагы мындай деди:  «Эгер кимдир бирөө* Жахабага ишенимсиздик көрсөтүп+, сактап турууга берилген нерсе+ жөнүндө же күрөөгө алган нерсеси, же уурдалган нерсе жөнүндө жакынына калп айтса+ же жакынын алдаса+,  же кимдир бирөөнүн жоголгон буюмун таап алып+, ал жөнүндө чындыкты айтпай койсо жана андай иштерди кылбаганын айтып жалган ант берсе+,  ал күнөө кылган болот+. Андыктан ал уурдап алган же амалкөйлүк менен опузалап алган нерсесин, же сактап турууга берилген же таап алган нерсени ээсине кайтарып берсин.  Эгер ал пайда көрүш үчүн бирөөнүн бир нерсеси жөнүндө жалган айтып ант берген болсо, анда келтирилген зыяндын ордун толтуруп+, ал канчага бааланса, ошол баанын бештен бир бөлүгүн үстүнө кошуп берсин. Аны айыбы ачылган күнү ээсине кайтарып берсин.  Анан Жахабага айып курмандыгына белгиленген баага ылайык келген кемтиги жок кочкор алып келсин+. Аны айып курмандыгы+ катары дин кызматчыга берсин.  Дин кызматчы ал кишини Жахабанын алдында күнөөсүнөн арылтат+. Ал кандай күнөө кылып айыптуу болбосун, күнөөсү кечирилет».  Жахаба Мусага дагы мындай деди:  «Арун менен анын уулдарына мындай деп айт: „Бүтүндөй өрттөлүүчү курмандык+ жөнүндөгү мыйзам мындай: бүтүндөй өрттөлүүчү курмандык түнү бою курмандык жайынын үстүндө калышы керек. Курмандык жайындагы от күйүп турушу керек. 10  Дин кызматчы кызмат кылганда кийчү зыгыр буласынан токулган көйнөгүн+, чолок шымын+ кийсин. Анан бүтүндөй өрттөлүүчү курмандык күйүп бүткөндөн кийин, май сиңген күлдү чыгарып, курмандык жайынын жанына койсун+. 11  Андан соң зыгыр буласынан токулган кийимдерин чечип+, башкасын кийсин да, май сиңген күлдү конуштун сыртындагы таза жерге алып чыксын+. 12  Курмандык жайындагы от өчпөй, дайыма күйүп турушу керек. Дин кызматчы күн сайын эртең менен ага отун салып+, үстүнө бүтүндөй өрттөлүүчү курмандыкты койсун, ошондой эле курмандык жайынын үстүндө тынчтык курмандыгынын майын өрттөсүн+. 13  Курмандык жайындагы от+ өчпөй, дайыма күйүп турсун. 14  Нан курмандыгы жөнүндөгү мыйзам мындай+: Арундун уулдары аны алып келип, Жахабанын алдына, курмандык жайынын жанына койсун. 15  Анан алардын бири нан курмандыгы катары алынып келген эң жакшы ундан бир кочуш, майдан бир аз жана үстүнө себилген ладандын баарын алып, эстетиши үчүн, Жахабага арналган жыты жагымдуу тартуу катары курмандык жайында өрттөсүн+. 16  Нан курмандыгынын калганын Арун менен анын уулдары жесин+. Алар андан калама жасап+, аны ыйык жерде, жыйын чатырынын короосунда, жешсин. 17  Аны ачыткы кошпой бышырыш керек+. Мага арналган өрттөлүүчү тартуулардан нан курмандыгын аларга үлүш катары бердим+. Ал, күнөө курмандыгы менен айып курмандыгындай эле, ыйык болуп эсептелет+. 18  Аны Арундан тараган эркектердин баары+ жеши керек. Ал — Жахабага арналган өрттөлүүчү тартуулардан силерге түбөлүккө, укумдан-тукумга тие турган үлүш+. Ага тийгендин баары ыйык болуп калат”». 19  Жахаба Мусага дагы мындай деди: 20  «Арун менен анын уулдары өздөрү майланган күнү+ Жахабага мындай тартуу+ алып келишсин: эң жакшы ундан эйфанын ондон бир бөлүгүн алып+, жарымын эртең менен, жарымын кечинде нан курмандыгы катары алып келишсин+. 21  Ал май кошулуп, көмөч казанга бышырылган болсун+. Үстүнө көбүрөөк май куюп, майын сиңириш керек. Бышырылган ал нан курмандыгын сындырып-сындырып, Жахабага арналган жыты жагымдуу тартуу катары алып келишсин. 22  Ал тартууну Арундун ордуна дин кызматчы болуп майланган уулу+ алып келсин. Ал Жахабага арналган тартуу катары толугу менен өрттөлүшү керек+. Бул — түбөлүккө сакташ керек болгон көрсөтмө. 23  Дин кызматчы+ алып келген нан курмандыгы толугу менен өрттөлүшү керек. Аны жегенге болбойт». 24  Жахаба Мусага дагы мындай деди: 25  «Арун менен анын уулдарына мындай деп айт: „Күнөө курмандыгы жөнүндөгү мыйзам мындай+: күнөө курмандыгына алынып келген мал Жахабанын алдында бүтүндөй өрттөлүүчү курмандык союлчу жерде+ союлсун. Ал абдан ыйык+. 26  Аны күнөө үчүн курмандык чалган дин кызматчы ыйык жерде+, жыйын чатырынын короосунда+, жесин+. 27  Ал курмандыктын этине тийгендин баары ыйык болуп калат+. Эгер анын каны кимдир бирөөнүн кийимине чачырап кетсе+, ал кийимди ыйык жерде жуушуң керек+. 28  Эгер ал чопо идиште+ бышырылса, ал идишти талкалап салыш керек, ал эми жез идиште бышырылса, аны тазалап, суу менен жууш керек. 29  Аны дин кызматчы болуп кызмат кылган эркектердин баары жеши керек+. Ал абдан ыйык+. 30  Ал эми дин кызматчы ыйык жайда күнөөдөн арылтуу үчүн күнөө курмандыгынын канын+ жыйын чатырына алып кирсе, ал курмандыкты жегенге болбойт. Аны өрттөп салыш керек.

Шилтемелер

Сөзмө-сөз: «жан».