Жөндөө мүмкүнчүлүгү

Тилди тандаңыз

Кошумча менюну көрсөтүү

Мазмунун тизмесин көрсөтүү

Мазмунун көрсөтүү

Жахабанын Күбөлөрү

кыргыз

Онлайн Ыйык Китеп

ЫЙЫК КИТЕПТИН «ЖАҢЫ ДҮЙНӨ КОТОРМОСУ»

Лебилер 4:1—35

4  Жахаба Мусага дагы мындай деди:  «Ысрайыл уулдарына мындай деп айт: „Кимдир бирөө*+ Жахаба кылба деген иштердин бирин кылып, жаңылыштык менен күнөө кетирип алса+, анда мындай кылыш керек:  Эгерде дин кызматчы, майланган киши+, күнөө кетирип+, элди күнөөкөр кылса+, анда Жахабага күнөө курмандыгына кемтиги жок букачар алып келсин.  Ал букачарды жыйын чатырынын кире беришине алып келип+, Жахабанын алдына койсун. Анан анын башына колун коюп+, Жахабанын алдында сойсун.  Дин кызматчы, майланган киши+, анын канынан алып, жыйын чатырына кирсин.  Ал манжасын канга малып+, Жахабанын алдында ыйык жайдын көшөгөсүнүн алдына жети жолу чачыратсын+.  Анан кандан бир аз алып, Жахабанын алдындагы, жыйын чатырындагы, жыпарзат түтөткүчтүн мүйүздөрүнө сыйпасын+. Калганын жыйын чатырынын кире беришинин тушунда турган бүтүндөй өрттөлүүчү курмандыктар чалынуучу курмандык жайынын түбүнө төксүн+.  Ал күнөө курмандыгы катары алынып келген букачардын майынан ич майын, ичиндеги бүт майын+,  эки бөйрөгүн, бөйрөк майын, карчыга майын өзүнчө бөлүп алсын. Бөйрөктөрү менен кошо+ боорундагы майын да өзүнчө бөлүп койсун. 10  Тынчтык курмандыгына+ чалынган букачардын эмнелери алынса, күнөө курмандыгына алынып келген букачардын да ошол нерселери алынат. Дин кызматчы алардын баарын бүтүндөй өрттөлүүчү курмандыктар чалынуучу курмандык жайында өрттөйт+. 11  Букачардын терисин, этин, баш-шыйрагын, ичеги-карынын, кан-жинин+, 12  тактап айтканда, букачарды бүт бойдон конуштун сыртына+, май сиңген күл төгүлчү таза жерге алып барып+, отундардын үстүнө коюп өрттөсүн+. Ал күл төгүлчү жерде өрттөлсүн. 13  Эгерде бүт Ысрайыл жамааты ката кетирип алса+ жана Жахаба кылба деген иштердин бирин кылып күнөөлүү болуп калышканын өздөрү* байкабаса+, 14  бирок убакыттын өтүшү менен алардын күнөөлүү болуп калышканы билинсе+, анда алар* күнөө курмандыгы катары жыйын чатырына букачар алып келишсин. 15  Жамаат аксакалдары Жахабанын алдында букачардын башына колдорун коюшсун+; анан аны Жахабанын алдында союш керек. 16  Андан кийин дин кызматчы, майланган киши+, анын канынан алып, жыйын чатырына кирсин+. 17  Ал манжасын канга малып, Жахабанын алдында көшөгөнүн алдына+ жети жолу чачыратсын. 18  Анан кандан бир аз алып, Жахабанын алдындагы, жыйын чатырындагы, жыпарзат түтөткүчтүн*+ мүйүздөрүнө сыйпасын. Калганын жыйын чатырынын кире беришинин тушунда турган бүтүндөй өрттөлүүчү курмандыктар чалынчу курмандык жайынын түбүнө төксүн+. 19  Андан соң букачардын бүт майын алып, курмандык жайында өрттөсүн+. 20  Күнөө курмандыгына алынып келген биринчи букачарды эмне кылса, бул букачарды да ошентсин. Ушундай жол менен дин кызматчы элди күнөөдөн арылтат+, алардын күнөөсү кечирилет. 21  Ал букачарды конуштун сыртына алып чыгып, биринчи букачардай кылып өрттөйт+. Бул — жамааттын күнөөсү үчүн чалынган курмандык+. 22  Эгер элиңдин арасындагы башчы+ Жахаба Кудайы кылба деген иштердин бирин кылып, жаңылыштык менен күнөө кетирип+, айыптуу болуп калса, 23  же ошондой иштердин бирин кылып, күнөө кетирип алганын билип калса+, курмандыкка кемтиги жок эркек улак алып келсин+. 24  Ал улактын башына колун коюп+, аны Жахабанын алдында бүтүндөй өрттөлүүчү курмандык союлуучу жерде сойсун+. Бул — күнөө курмандыгы+. 25  Дин кызматчы анын канына манжасын малып, бүтүндөй өрттөлүүчү курмандык чалынуучу курмандык жайынын мүйүздөрүнө сыйпайт+. Калганын курмандык жайынын түбүнө төгөт. 26  Ал анын бүт майын тынчтык курмандыгынын майындай кылып өрттөйт+. Ошентип, дин кызматчы аны күнөөдөн арылтат+, анын күнөөсү кечирилет. 27  Эгер элиңдин арасынан кимдир бирөө Жахаба кылба деген иштердин бирин кылып, жаңылыштык менен күнөө кетирип, айыптуу болуп калса+, 28  же күнөө кетирип алганын билип калса, кылган күнөөсү үчүн курмандыкка кемтиги жок ургаачы улак алып келсин+. 29  Ал улактын башына колун коюп+, аны бүтүндөй өрттөлүүчү курмандыкка алынып келген мал союлчу жерде сойсун+. 30  Дин кызматчы анын канына манжасын малып, бүтүндөй өрттөлүүчү курмандык чалынуучу курмандык жайынын мүйүздөрүнө сыйпайт+. Калганын курмандык жайынын түбүнө төгөт+. 31  Ал анын бүт майын+, тынчтык курмандыгынын+ майындай кылып, өзүнчө бөлүп коёт. Дин кызматчы аны курмандык жайында Жахабага арналган жыты жагымдуу тартуу катары өрттөйт+. Ошентип, дин кызматчы аны күнөөдөн арылтат, анын күнөөсү кечирилет+. 32  Эгер ал күнөө курмандыгына козу+ алып келсе, ал кемтиги жок ургаачы козу болушу керек+. 33  Ал анын башына колун коюп, аны бүтүндөй өрттөлүүчү курмандыкка алынып келген мал союлчу жерде күнөө курмандыгы катары сойсун+. 34  Дин кызматчы анын канына манжасын малып, бүтүндөй өрттөлүүчү курмандык чалынуучу курмандык жайынын мүйүздөрүнө сыйпайт+. Калганын курмандык жайынын түбүнө төгөт. 35  Ал анын бүт майын, тынчтык курмандыгына чалынган жаш кочкордун майындай кылып, өзүнчө бөлүп коёт. Дин кызматчы аны курмандык жайында Жахабага арналган өрттөлүүчү тартуулардын үстүнө коюп өрттөйт+. Ошентип, дин кызматчы аны күнөөдөн арылтат+, анын күнөөсү кечирилет+.

Шилтемелер

Сөзмө-сөз: «жан». Бул Лб 4:27-аятка да тиешелүү.
Сөзмө-сөз: «жыйналыш».
Сөзмө-сөз: «жыйналыш».
Же: «курмандык жайынын».