Жөндөө мүмкүнчүлүгү

Тилди тандаңыз

Кошумча менюну көрсөтүү

Мазмунун тизмесин көрсөтүү

Мазмунун көрсөтүү

Жахабанын Күбөлөрү

кыргыз

Онлайн Ыйык Китеп

ЫЙЫК КИТЕПТИН «ЖАҢЫ ДҮЙНӨ КОТОРМОСУ»

Лебилер 24:1—23

24  Жахаба Мусага дагы мындай деди:  «Чырак дайыма күйүп турушу үчүн+, Ысрайыл уулдарына таза зайтун майын алып келип турууну буйру+.  Арун жыйын чатырындагы келишим сандыгын тосуп турган көшөгөнүн сырт жагындагы чырактын Жахабанын алдында кеч киргенден таң атканга чейин күйүп турушуна көз салып турсун. Бул — өзүңөр да, укум-тукумуңар да түбөлүккө сакташыңар керек болгон көрсөтмө.  Арун дайыма+ Жахабанын алдында таза алтындан жасалган чыракпаянын+ чырактарын даярдасын+.  Эң жакшы ундан ортосу оюк он эки токоч жаса. Ар бирине эйфанын ондон эки бөлүгүнө барабар ун кетиши керек.  Аларды Жахабанын алдындагы таза алтындан жасалган үстөлдүн+ үстүнө алты-алтыдан кылып экиге бөлүп кой+.  Үстү-үстүнө коюлган ал нандардын үстүнө таза ладандан кой, ал эстетип туруучу нан болот+, Жахабага арналган өрттөлүүчү тартуу болот.  Ишемби сайын Жахабанын алдына ушундай нан коюлсун+. Бул — Ысрайыл уулдары менен түбөлүккө түзүлгөн келишим.  Ал нан Арун менен анын уулдарына таандык болот+. Жахабага арналган өрттөлүүчү тартуулардын ичинен ал дин кызматчыга таандык абдан ыйык нерсе болгондуктан, алар аны ыйык жерде жешет+. Бул — түбөлүккө сакташ керек болгон көрсөтмө». 10  Бир жолу ысрайылдык бир аялдын уулу Ысрайыл уулдарынын конушуна барды. Анын атасы мисирлик эле+. Ал жерден ал ысрайылдык бирөө менен мушташа кетти+. 11  Ысрайылдык аялдын уулу Кудайдын ысмына тил тийгизип+, жаман сөздөрдү айта баштады+. Ошондо аны Мусага алып барышты+. Анын энесинин аты Шеломит эле. Ал Дан уруусундагы Дибри деген кишинин кызы болчу. 12  Жахабанын сөздөрүнө ылайык айкын көрсөтмө берилгенге чейин+, анын уулун камап коюшту+. 13  Жахаба Мусага мындай деди: 14  «Кудайдын ысмына тил тийгизгенди конуштун сыртына алып чыккыла+. Анын айткан сөздөрүн уккандардын баары анын башына колдорун коюшсун, анан бүт жамаат аны таш бараңга алсын+. 15  Ысрайыл уулдарына болсо мындай деп айт: „Ким Кудайын каргаса, күнөөсү үчүн жоопко тартылсын. 16  Жахабанын ысмына тил тийгизген адам өлүм жазасына тартылсын+. Бүт жамаат аны таш бараңга алсын. Келгин болобу, жергиликтүү тургун болобу, Кудайдын ысмына тил тийгизген адам өлүм жазасына тартылсын+. 17  Ким киши* өлтүрсө, өлүм жазасына тартылсын+. 18  Ким башка бирөөнүн малын* өлтүрсө, келтирилген зыяндын ордун толтурсун: жандын ордуна жан берсин+. 19  Ким жакынынын денесине зыян келтирсе, анын денесине да ошондой зыян келтирилсин+: 20  сыныкка сынык, көзгө көз, тишке тиш. Ал башка бирөөнүн денесине кандай зыян келтирсе, анын денесине да ошондой зыян келтирилсин+. 21  Мал өлтүргөн адам+ келтирилген зыяндын ордун толтурсун+, ал эми киши өлтүргөн адам өлүм жазасына тартылсын+. 22  Келгин үчүн да, жергиликтүү тургун үчүн да бир мыйзам болсун+. Мен Жахабамын, силердин Кудайыңармын“»+. 23  Муса ушулардын баарын Ысрайыл уулдарына айткандан кийин, алар Кудайдын ысмына тил тийгизген адамды конуштун сыртына алып чыгып, таш бараңга алышты+. Алар, Жахаба Мусага кандай айтса, ошондой кылышты.

Шилтемелер

Сөзмө-сөз: «адамдын жанын». Евр. нефеш. Кара: 6-тирк.
Сөзмө-сөз: «малдын жанын». Евр. нефеш. Кара: 6-тирк.