Жөндөө мүмкүнчүлүгү

Тилди тандаңыз

Кошумча менюну көрсөтүү

Мазмунун тизмесин көрсөтүү

Мазмунун көрсөтүү

Жахабанын Күбөлөрү

кыргыз

Онлайн Ыйык Китеп

ЫЙЫК КИТЕПТИН «ЖАҢЫ ДҮЙНӨ КОТОРМОСУ»

Лебилер 20:1—27

20  Жахаба Мусага дагы мындай деди:  «Ысрайыл уулдарына мындай деп айт: „Ысрайыл уулдарынын, Ысрайылда жашаган келгиндердин ичинен ким өзүнүн балдарынын бирин Молекке берсе+, өлүм жазасына тартылсын. Эл* аны таш бараңга алып өлтүрсүн.  Менин ыйык жеримди булгап+, ыйык ысмыма шек келтириш үчүн+ өзүнүн балдарынын бирин Молекке бергени үчүн, мен ага каарымды төгүп*, аны элинин арасынан жок кылам+.  Эгерде эл* ал кишинин балдарынын бирин Молекке бергенине көз жумуп койсо, аны өлүм жазасына тартпаса+,  анда мен ага, анын үй-бүлөсүнө каарымды төгүп+, аны да, ага кошулуп Молек менен бузуктук кылгандарды да элинин арасынан жок кылам+.  Эгерде кимдир бирөө* өлгөндөрдү чакыргандарга+, келечекти алдын ала айткандарга+ кайрылып, ишенимсиздик кылса*, ал кишиге* каарымды төгүп, элинин арасынан жок кылам+.  Өзүңөрдү ыйыктагыла, ыйык болгула+, анткени мен Жахабамын, силердин Кудайыңармын.  Менин көрсөтмөлөрүмдү аткаргыла+. Мен силерди ыйыктаган Жахабамын+.  Эгер кимдир бирөө атасын же энесин каргаса+, өлүм жазасына тартылсын+, анткени ал ата-энесин каргады. Анын каны өз мойнунда+. 10  Башка бирөөнүн аялы менен, жакынынын аялы менен, ойноштук кылган киши+ өлүм жазасына тартылсын. Ойноштук кылган ал эркек да, аял да өлүм жазасына тартылсын+. 11  Атасынын аялы менен жаткан киши атасынын жылаңач этин ачкан болот+. Алар экөө тең өлүм жазасына тартылсын. Алардын каны өз мойнунда. 12  Эгер кимдир бирөө өзүнүн келини менен жатса, экөө тең өлүм жазасына тартылсын+. Алар табияттан тыш иш кылышкан болот. Алардын каны өз мойнунда+. 13  Эгерде эркек башка бир эркек менен аял менен жаткандай жатса, экөө тең жийиркеничтүү иш кылган болот+. Алар өлүм жазасына тартылсын. Алардын каны өз мойнунда. 14  Эгер кимдир бирөө аял алып, аялы менен да, кайненеси менен да жатса, бул уятсыз жүрүм-турумга жатат+. Араңарда уятсыз жүрүм-турум+ болбошу үчүн, ал кишини тигилер менен бирге өлтүрүп, өрттөп ташташ керек+. 15  Эркек киши уругун агызыш үчүн жаныбар менен жатса+, өлүм жазасына тартылсын. Жаныбарды да өлтүрүшүңөр керек. 16  Эгер аял жыныстык катнашта болуш үчүн жаныбарга жакындаса+, аны да, жаныбарды да өлтүрүп таштагыла; аларды өлтүрүш керек. Ал эркектин да, аялдын да каны өз мойнунда. 17  Эгерде кимдир бирөө атасынын же энесинин кызын алса, экөө бири-биринин жылаңач этин көрсө, бул — маскаралык+. Алар өз элинин көз алдында жок кылынышы керек. Бул өз эжесинин же карындашынын жылаңач этин ачканга барабар. Ал күнөөсү үчүн жоопко тартылышы керек. 18  Эгерде эркек аялынын айызы келип жаткан учурда аны менен жатып, жылаңач этин ачса+, экөө тең канды ыйык деп эсептебей турганын көрсөтүшөт. Алар өз элинин арасынан жок кылынсын. 19  Таежеңдин, атаңдын эжесинин же карындашынын жылаңач этин ачпа+, анткени андай иш кылган киши туугандык мамилесин булгайт+. Алар күнөөсү үчүн жоопко тартылышы керек. 20  Атасынын бир тууганынын аялы менен жаткан киши агасынын жылаңач этин ачкан болот+. Алар күнөөсү үчүн жоопко тартылышы керек. Алар өлөт, бала көрүшпөйт+. 21  Эгерде кимдир бирөө бир тууганынын аялын алса, жийиркеничтүү иш кылган болот+. Бул бир тууганынын жылаңач этин ачканга барабар. Алар бала көрүшпөйт. 22  Мен силерди жашасын деп алып бараткан жер силерди силкип салбашы үчүн+, бардык көрсөтмөлөрүм менен мыйзамдарымды аткаргыла+. 23  Мен силердин алдыңардан кууп чыгарып жаткан элдердин жол-жоболору боюнча жашабагыла+. Алар ушундай иштердин баарын жасашкандыктан, мен аларды жек көрөм+. 24  Ошондуктан силерге+: “Силер алардын жерин ээлейсиңер. Сүт менен бал аккан ал жерге ээлик кылышыңар үчүн, мен аны силерге берем+. Мен Жахабамын, силерди башка элдерден бөлүп алган Кудайыңармын”+,— деп айткам. 25  Адал жаныбарды адал эместен, адал канаттууну адал эместен айырмалап билгиле+ жана силерге таза эмес деп жарыялап, бөлүп койгон жаныбардын, канаттуунун же жер бетинде кыбыр эткен башка тирүү жандыктын айынан таза эмес болуп калбагыла+. 26  Менин алдымда ыйык болгула+, анткени мен, Жахаба, ыйыкмын+. Мага таандык болушуңар үчүн, силерди башка элдерден бөлүп алдым+. 27  Эгерде эркек же аял өлгөндөрдү чакырса же келечекти алдын ала айтса+, өлүм жазасына тартылсын+. Аларды таш бараңга алыш керек. Алардын каны өз мойнунда+“».

Шилтемелер

Сөзмө-сөз: «жер адамдары» (евр. амхаарец).
Сөзмө-сөз: «жүзүмдү ага каршы буруп».
Лб 20:2-аяттын шилт-н кара.
Сөзмө-сөз: «жан».
Сөзмө-сөз: «алар менен адеп-ахлаксыз байланышта болсо».
Сөзмө-сөз: «жанга».