Жөндөө мүмкүнчүлүгү

Тилди тандаңыз

Кошумча менюну көрсөтүү

Мазмунун тизмесин көрсөтүү

Мазмунун көрсөтүү

Жахабанын Күбөлөрү

кыргыз

Онлайн Ыйык Китеп

ЫЙЫК КИТЕПТИН «ЖАҢЫ ДҮЙНӨ КОТОРМОСУ»

Лебилер 18:1—30

18  Жахаба Мусага дагы мындай деди:  «Ысрайыл уулдарына мындай деп айт: „Мен Жахабамын, силердин Кудайыңармын+.  Силер жашап кеткен Мисир жериндегилер кылган иштерди кылбагыла+, мен силерди алып бараткан Канаан жериндегилер кылган иштерди да кылбагыла+. Алардын жол-жоболору боюнча жашабагыла.  Менин мыйзамдарымды+ аткаргыла, көрсөтмөлөрүмдү сактагыла+, аларга карманып жашагыла+. Мен Жахабамын, силердин Кудайыңармын.  Менин көрсөтмөлөрүм менен мыйзамдарымды аткаргыла. Аларды аткарган киши алар аркылуу тирүү болот+. Мен Жахабамын+.  Араңардан эч ким өзүнүн жакын тууганынын жылаңач этин ачыш* үчүн ага жакындабасын+. Мен Жахабамын.  Атаңдын жылаңач этин ачпа+. Энеңдин да жылаңач этин ачпа. Ал — сенин энең, анын жылаңач этин ачпа.  Атаңдын аялынын жылаңач этин ачпа+. Бул атаңдын жылаңач этин ачканга барабар.  Эже-карындашыңдын, атаңдын кызынын же энеңдин кызынын, бир үйдө төрөлгөнсүңөрбү же жокпу, жылаңач этин ачпа+. 10  Уулуңдун кызынын же кызыңдын кызынын жылаңач этин ачпа, анткени ал — сенин жылаңач этиң. 11  Аталаш эжеңдин же карындашыңдын жылаңач этин ачпа, ал — сенин эжең же карындашың. 12  Атаңдын эжесинин же карындашынын жылаңач этин ачпа. Ал — атаңдын кандаш бир тууганы+. 13  Таежеңдин жылаңач этин ачпа, анткени ал — энеңдин кандаш бир тууганы. 14  Атаңдын агасынын же инисинин жылаңач этин ачпа. Анын аялына жакындаба, анткени ал — сенин жеңең+. 15  Келиниңдин жылаңач этин ачпа+. Ал — уулуңдун аялы. Анын жылаңач этин ачпа. 16  Бир тууганыңдын аялынын жылаңач этин ачпа+. Бул бир тууганыңдын жылаңач этин ачканга барабар. 17  Эгер кызы бар аялга үйлөнсөң, анын кызынын жылаңач этин ачпа+. Анын уулунун же кызынын кызын, анын жылаңач этин ачыш үчүн, аялдыкка алба. Алар — сенин кандаш туугандарың. Бул уятсыз жүрүм-турумга* жатат+. 18  Аялың тирүү кезинде анын үстүнө эжесин же сиңдисин, жылаңач этин ачыш үчүн, аялдыкка алба+. 19  Аялың таза эмес кезинде, айызы келип жатканда+, ага жакындап, жылаңач этин ачпа+. 20  Уругуңду агызыш үчүн жакыныңдын аялы менен жатпа, таза эмес болуп каласың+. 21  Балдарыңдын биринин да Молекке+ арналышына жол бербе+. Муну менен Кудайыңдын ысмына шек келтирбе+. Мен Жахабамын+. 22  Аял менен жаткандай+, эркек менен жатпа+, бул — жийиркеничтүү иш. 23  Уругуңду агызыш үчүн эч кандай жаныбар менен жатпа+, таза эмес болуп каласың. Жыныстык катнашта болуш үчүн аял да жаныбардын алдына турбасын+. Бул — табияттан тыш нерсе. 24  Ушундай иштердин кайсы биринен улам таза эмес болуп калбагыла, анткени мен силердин алдыңардан кууп чыгарып жаткан элдердин баары ушундай иштерди кылып, таза эмес болуп калышкан+. 25  Ошондуктан алардын жери да булганды. Мен анын тургундарын күнөөсү үчүн жазалайм, жер аларды силкип салат+. 26  Силер болсо менин көрсөтмөлөрүм менен мыйзамдарымды сактагыла+. Жергиликтүү тургун болобу, араңарда жашаган келгин болобу, бул жийиркеничтүү иштердин эч бирин кылбасын+. 27  Анткени ал жерде силерге чейин жашагандар ушул жийиркеничтүү иштердин баарын кылышкан+. Ошондуктан ал жер булганды. 28  Эгер ал жерди булгабасаңар, ал силерди силерге чейин жашаган элдерди силкип салгандай силкип салбайт+. 29  Ким ушул жийиркеничтүү иштердин бирин кылса, ал киши* элинин арасынан жок кылынат+. 30  Силерден мурун жашагандардын жийиркеничтүү каада-салттарынын айынан таза эмес болуп калбашыңар үчүн, алардын каада-салттарына карманбагыла+, мен буйругандарды аткаргыла. Мен Жахабамын, силердин Кудайыңармын“».

Шилтемелер

Кимдир бирөөнүн «жылаңач этин ачуу» аны менен жыныстык катнашта болууну билдирет.
Же: «бузуку жүрүм-турумга». 1896-беттеги «Сөздүктү» кара.
Сөзмө-сөз: «жан».