Жөндөө мүмкүнчүлүгү

Тилди тандаңыз

Кошумча менюну көрсөтүү

Мазмунун тизмесин көрсөтүү

Мазмунун көрсөтүү

Жахабанын Күбөлөрү

кыргыз

Онлайн Ыйык Китеп

ЫЙЫК КИТЕПТИН «ЖАҢЫ ДҮЙНӨ КОТОРМОСУ»

Лебилер 12:1—8

12  Жахаба Мусага дагы мындай деди:  «Ысрайыл уулдарына мындай деп айт: „Эгер аялдын боюна бүтүп+, уул төрөсө, жети күн таза эмес болот. Ал айызы келип жаткан убагындагыдай эле таза эмес болот+.  Сегизинчи күнү баласы сүннөткө отургузулсун+.  Канынан тазаланыш үчүн аял дагы отуз үч күн үйүндө отурсун. Тазалануу күндөрү бүткүчө, ал эч бир ыйык нерсеге тийбесин, ыйык жерге кирбесин+.  Эгер кыз төрөсө, анда он төрт күн таза эмес болот. Ал айызы келип жаткан убагындагыдай эле таза эмес болот. Канынан тазаланыш үчүн дагы алтымыш алты күн үйүндө отурсун.  Уулун же кызын төрөгөндөн кийин тазалануу күндөрү бүткөндө, ал дин кызматчыга, жыйын чатырынын кире беришине бүтүндөй өрттөлүүчү курмандыкка бир жашка чейинки эркек козу+, күнөө курмандыгына жаш көгүчкөн же бактек+ алып келсин.  Дин кызматчы аларды Жахабанын алдына алып барып, аялды күнөөдөн арылтат, ошондо аял аккан канынан тазаланат+. Эркек же кыз төрөгөн аял жөнүндөгү мыйзам — ушул.  Эгер анын эркек козу алып келгенге шарты жок болсо, анда эки бактек же эки жаш көгүчкөн алып келсин+: бирин бүтүндөй өрттөлүүчү курмандыкка, экинчисин күнөө курмандыгына алып келсин. Дин кызматчы аны күнөөдөн арылтат+, ал таза болот“».

Шилтемелер