Жөндөө мүмкүнчүлүгү

Тилди тандаңыз

Кошумча менюну көрсөтүү

Мазмунун тизмесин көрсөтүү

Мазмунун көрсөтүү

Жахабанын Күбөлөрү

кыргыз

Онлайн Ыйык Китеп

ЫЙЫК КИТЕПТИН «ЖАҢЫ ДҮЙНӨ КОТОРМОСУ»

Забур 49:1—20

49  Бардык элдер, уккула, Дүйнө+ жүзүндө жашап жаткандар, кулак салгыла.  Адамзат тукуму, адам баласы, Бай да, кедей да — баарыңар уккула+.  Менин оозум акылмандыкты сүйлөйт+, Жүрөгүм мааниси терең* нерселер тууралуу ой жүгүртөт+.  Накыл сөзгө кулак төшөйм+, Арфа чертип, табышмагымды жандырам+.  Мага кысым көрсөткөндөрдүн күнөөлөрү курчап алганда+, Башыма жамандык түшкөндө, эмнеден коркмок элем?+  Жыйнаган мүлкүнө таянгандар да+, Байлыгына чиренгендер да+  Бир тууганын кун төлөп куткара албайт+, Ал үчүн Кудайга кун бере албайт.  (Алардын жаны үчүн төлөнө турган кун өтө чоң болгондуктан+, Кылымдан кылымга төлөнбөй келет.)  Түбөлүк жашашы үчүн, аны көрдөн куткарып кала албайт+. 10  Анткени ал акылмандардын да өлгөнүн+, Акылсыз менен түркөйдүн да жок болгонун+, Өздөрүнүн топтогон мүлкүн башкаларга калтырышканын көрөт+. 11  Алар үйлөрүнүн түбөлүк турушун+, Чатырларынын муундан муунга калышын каалашат+, Жерлерин да өз ысымдары менен аташат+. 12  Ошентсе да пенде, канчалык барктуу болбосун, узак жашабайт+, Анын ажалдуу айбандан айырмасы жок+. 13  Акылсыздардын жолу ушундай+, Аларды ээрчип, сүйлөгөн сөздөрүнө маашырлангандардын да жолу ушундай. (Села) 14  Аларды, койдой кылып, көргө* айдап баратышат+, Аларды өлүм кайтарат+, Ал эми эртең менен адилдерге баш ийишет+; Алардын карааны үзүлөт+, Ар бирин заңгыраган үй эмес, көр күтүп турат+. 15  Менин жанымды болсо Кудай көрдөн кун төлөп куткарат+, Анткени мени кабыл алат. (Села) 16  Кайсы бир адам байып+, Үйүнүн даңкы артып жатса, коркпо+, 17  Себеби өлгөндө эч нерсесин алып кете албайт+, Атак-даңкын да өзү менен ала жатпайт+. 18  Тирүү жүргөндө ал өз жанын алкаган+, (Ишиң жакшы жүрсө, эл мактайт)+. 19  Акыры анын жаны ата-бабаларына барып кошулат+, Алар эч качан жарыкты көрүшпөйт+. 20  Пенде барктуу болгону менен, түшүнүгү жок болсо+, Анын ажалдуу айбандан айырмасы жок+. Асаптын+ ыры.

Шилтемелер

Сөзмө-сөз: «түшүнүүнү талап кылган».
Евр. шеол. Кара: 8-тирк.