Мазмунун көрсөтүү

Мазмунун тизмесин көрсөтүү

Жахабанын Күбөлөрү

Тилди тандаңыз кыргыз

Забур 31:1—24

Башчыга. Дөөтүнүн ыры. 31  Оо, Жахаба, мен сенден баш маана таптым+.Эч качан уятка калбайын+.Мени адилдигиң боюнча куткар+.  Мага кулак сал+.Мени куткарууга шашыл+.Мага таштан курулган чеп бол+,Мени сакташ үчүн сепил бол+.  Анткени сен менин аска-зоомсуң, чебимсиң+,Өз ысмың үчүн+ мени жетекте, мага жол көрсөт+.  Сен мени жашыруун жайылган тордон чыгарасың+,Анткени менин сепилимсиң+.  Рухумду өз колуңа тапшырам+.Оо, Жахаба, чындыктын Кудайы+, сен мени кун төлөп куткардың+.  Эч нерсеге жарабаган буркандарды аздектегендерди жек көрөм+.Мен Жахабага таянам+.  Сенин мээримдүүлүгүңө кубанам да, шаттанам+,Анткени тарткан азабымды көрдүң+,Жанымдын кыйналганын билдиң+.  Мени душмандын колуна салып берген жоксуң+,Бутумду кенен жерге койдуң+.  Оо, Жахаба, мага ырайым кыл, анткени оор абалдамын+.Кайгыдан көзүм соолуду+, жаным кыйналды, ичим сыздады+. 10  Өмүрүм кайгы менен+,Жылдарым үшкүрүк менен өттү+.Күнөөмдүн айынан алдан тайдым+,Сөөктөрүм алсырады+. 11  Бүт душмандарыма+ шылдың болдум+,Жакындарыма андан бетер күлкү болдум+,Тааныштарым мени көргөндө үрөйү учат+,Көчөдөн жолуктурганда менден качышат+. 12  Мен өлгөн кишидей унутулдум+,Талкаланган идиштей болуп калдым+. 13  Көптөрдөн жаман сөз угуп+,Туш-туштан коркунучка кабылдым+.Алар мага бир кишидей каршы чыгып+,Жанымды алуунун амалын издеп жатышат+. 14  Бирок мен сага таянам, Жахаба+.«Кудайым сенсиң»,— дейм+. 15  Өмүрүм сенин колуңда+.Мени душмандарымдын колунан, куугунтукка алгандардан куткар+. 16  Кызматчыңа жүзүңдүн жаркыраганын көрсөт+,Мени мээримдүүлүгүң менен куткар+. 17  Оо, Жахаба, уятка калбайын, анткени сени чакырып жатам+.Ыймансыздар уят болсун+,Алардын үнү көрдө* басылсын+. 18  Адил адамды жамандаган+, бой көтөрүүнүн, жек көрүүнүн чегин билбеген+Калпычылар тилден калсын+. 19  Өзүңөн корккондор үчүн сактап койгон жакшылыгың+,Баарынын көз алдындаӨзүңөн баш маана издегендерге көрсөткөн жакшылыгың+ кандай гана мол!+ 20  Сен аларды топтошкон кишилерден коргоп+,Жаныңдагы жашыруун жерге бекитесиң+.Аларды заар тилдерден өз алачыгыңа жашырасың+. 21  Жахаба даңкталсын+,Ал мага курчоого алынган шаарда+ кереметтүү мээримдүүлүгүн көрсөттү+. 22  Мен дүрбөлөңгө түшкөндө+:«Көз алдыңан жок болуп баратам»,— дедим+.Бирок сен, жардамга чакырганымда, зарлаган үнүмдү уктуң+. 23  Жахабага берилгендер, аны сүйгүлө+.Жахаба ишенимдүүлөрдү коргойт+,Ал эми бой көтөргөндөргө тиешесин ашыгы менен берет+. 24  Жахабаны күткөндөрдүн баары+,Кайраттуу болгула, жүрөгүңөр бекем болсун+.

Шилтемелер

Евр. шеол. Кара: 8-тирк.