Мазмунун көрсөтүү

Кошумча менюну көрсөтүү

Мазмунун тизмесин көрсөтүү

Жахабанын Күбөлөрү

кыргыз

Онлайн Ыйык Китеп | ЫЙЫК КИТЕПТИН «ЖАҢЫ ДҮЙНӨ КОТОРМОСУ»

Забур 21:1—13

Башчыга. Дөөтүнүн ыры. 21  Оо, Жахаба, падыша сенин күчүң менен сүйүнөт+, Сенин куткарууң менен чексиз кубангысы келет!+  Сен ага жүрөгү каалаганды бердиң+, Оозунан чыккан тилегин четке каккан жоксуң+. (Села)  Аны баталарың, жакшылыктарың менен тосуп чыктың+, Башына таза алтындан таажы кийгиздиң+.  Ал сенден өмүр сураган эле — сураганын бердиң+, Өмүрүн узарттың, атүгүл түбөлүккө узарттың+.  Сен аны куткарып, улуу даңкка бөлөдүң+, Кадыр-барк менен көрккө ээ кылдың+.  Ага түбөлүккө мол бата багыштадың+, Аны жүз алдыңда кубандырдың+.  Анткени падыша Жахабага таянат+, Эң Жогоркунун мээримдүүлүгүнө таянат, олку-солку болбойт+.  Сен бардык душмандарыңды колго түшүрөсүң+, Оң колуң өзүңдү жек көргөндөрдү табат.  Өзүң келген убакта аларды күйүп жаткан мештей кыласың+. Аларды Жахаба каары менен жутат, от жалмайт+. 10  Сен алардын тукумун жер бетинен+, Уругун адамзаттын арасынан жок кыласың+. 11  Анткени алар сага жамандык кылууну көздөшөт+, Ишке ашпас ойлорду ойлошот+. 12  Аларды бетке атыш үчүн жааңдын тептиргесин тартканыңда+, Артын карабай качышат+. 13  Оо, Жахаба, күчүң менен даңазалан+. Биз сенин кудуретиңди даңктап ырдайбыз+.

Шилтемелер