Мазмунун көрсөтүү

Мазмунун тизмесин көрсөтүү

Жахабанын Күбөлөрү

Тилди тандаңыз кыргыз

Забур 16:1—11

Дөөтүнүн миктамы*. 16  Оо, Кудай, мени сактай көр, анткени өзүңдөн баш маана таптым+.  Мен Жахабага мындай дедим: «Сен Жахабасың. Менин жакшылыгым сага эмес+,  Жер үстүндөгү ыйыктарга пайда алып келет.Алар, даңктуулар — менин бүт кубанычым+.  Башка кудайдын артынан чуркагандардын+ азап-кайгысы көбөйөт.Алардын кан аралашкан суюк тартууларына менин катыштыгым жок+,Ысымдарын* оозума албайм+.  Жахаба — менин үлүшүм, энчим+. Ал чөйчөгүмдү толтурат+.Менин мурасым сенин колуңда.  Энчиме жакшы жерлер тийди+.Ээлигим купулума толду.  Мага кеңеш берген Жахабаны алкайм+.Жан дүйнөм* мени түнкүсүн да үйрөтүп турат+.  Жахаба дайыма көз алдымда+.Ал оң жагымда болгондуктан, мен олку-солку болбойм+.  Ошондуктан жүрөгүм кубанычка толуп, жаным* шаттанат+.Денем да коопсуздукта жашайт+. 10  Анткени сен жанымды көрдө* калтырбайсың+.Ишенимдүү кызматчыңдын өлүм аңын көрүшүнө* жол бербейсиң+. 11  Мага өмүр жолун үйрөтөсүң+.Көз алдыңда мени кубанычка бөлөйсүң+;Оң жагыңда болуу түбөлүккө жагымдуу+.

Шилтемелер

Музыкалык термин. Так мааниси белгисиз.
Б. а. жалган кудайлардын ысымдары.
Сөзмө-сөз: «Бөйрөктөрүм».
Сөзмө-сөз: «даңкым».
Евр. шеол. Кара: 8-тирк.
Же: «чиришине».