Забур 106:1—48
106 Жахты даңктагыла!+
Жахабага ыраазычылык билдиргиле, анткени ал жакшы+,
Анын мээримдүүлүгү түбөлүктүү+.
2 Жахабанын зор иштерин ким айтып бүтө алат+,
Анын даңкын ким толугу менен жар сала алат?+
3 Акыйкаттыкты сактагандар+,
Ар дайым адил иш кылгандар бактылуу+.
4 Оо, Жахаба, элиңе ырайым кылганда мени да эсте+.
Мага кам көрүп, мени куткар+.
5 Өзүң тандап алгандарга кылган жакшылыгыңды көрөйүн+,
Элиң менен чогуу кубанайын+,
Мурасың менен бирге мактанайын+.
6 Ата-бабаларыбызга окшоп, биз да күнөөгө баттык+,
Жамандыкка, ыймансыздыкка бардык+.
7 Мисирде ата-бабаларыбыз
Сенин кереметтүү иштериңди түшүнүшкөн эмес+,
Улуу мээримдүүлүгүңдүн молдугун эстеп жүрүшкөн эмес+.
Алар деңиздин, Кызыл деңиздин жээгинде козголоң чыгарышкан+.
8 Кудай болсо аларды өз ысмы үчүн+,
Кудуретин көрсөтүү үчүн куткарган+.
9 Ал Кызыл деңизди тыйганда, деңиз соолуп калган+,
Аларды суу туңгуюгу аркылуу чөлдөн өткөргөндөй алып өткөн+.
10 Аларды өздөрүн жек көргөндүн колунан куткарган+,
Душмандын колунан бошоткон+.
11 Суу алардын душмандарын басып калган+,
Бири да тирүү калган эмес+.
12 Ошондо алар Кудайдын сөзүнө ишенип+,
Аны даңктап ырдашкан+.
13 Бирок анын иштерин тез эле унутуп коюшкан+,
Анын жетекчилигин күтүшкөн эмес+.
14 Алар ээн талаада өзүмчүл каалоолорун айтышкан+,
Чөлдө Кудайды сынашкан+.
15 Ал болсо алардын сураганын берген+,
Бирок алардын арасына каргашалуу оору жиберген+.
16 Алар конушта Мусага+,
Арунга — Жахабанын ыйыгына — көз арта башташкан+.
17 Ошондо жер ачылып, Датанды жутуп кеткен+,
Абырамдын жамаатын көмүп калган+.
18 Алардын жамаатында от алоолонгон+,
Ыймансыздарды жалын жутуп кеткен+.
19 Андан тышкары, алар Хорепте музоо жасашкан+,
Куйма бурканга табынышкан+.
20 Ошентип, менин даңкымды+
Чөп жеген буканын сөлөкөтүнө алмаштырышкан+.
21 Алар Кудайды, өздөрүнүн Куткаруучусун, унутушкан+.
Мисирде улуу иштерди+,
22 Хам жеринде кереметтерди+,
Кызыл деңизде сестентерлик иштерди жасаган Кудайды унутушкан+.
23 Кудай аларды кырып салууга буйрук берейин дегенде+,
Тандап алган кызматчысы Муса,
Алар кырылып калбашы үчүн, анын каарын кайт кылыш үчүн+,
Асканын жаракасына тура калгандай, Анын алдында арачылык кылган+.
24 Алар сонун жерди жеришкен+,
Анын сөзүнө ишенишкен эмес+.
25 Чатырларында кайра-кайра наалышкан+,
Жахабанын үнүнө кулак салышкан эмес+.
26 Ошондуктан ал колун көтөрүп ант берген+,
Аларды чөлдө жок кыларын айткан+,
27 Алардын тукумун элдердин арасында жок кыларын+,
Аларды башка жерлерге чачыратып жиберерин айткан+.
28 Алар Пеор Баалына жабышып+,
Жансыз нерселерге багышталган курмандыктарды жешкен+.
29 Өз иштери менен Кудайды каардантышкан+,
Ошондо алардын арасында кыргын башталган+.
30 Пинехас ордунан туруп, кийлигишкенде+,
Кыргын токтогон.
31 Ошон үчүн ал муундан муунга, кылымдан кылымга
Адил деп эсептелип калган+.
32 Андан тышкары, алар аны Мериба суусунун жанында каардантышкан+,
Алардын айынан Муса азап тарткан+.
33 Аны ачуулантышкандыктан,
Ал ойлонбой сүйлөп алган+.
34 Алар элдерди жок кылышкан эмес+,
Жахабанын буйругуна баш ийишкен эмес+.
35 Тескерисинче, элдер менен аралашып+,
Алардын иштерин үйрөнө башташкан+,
36 Буркандарына кызмат кылышкан+,
Ошолор аларга тузак болгон+.
37 Уулдары менен кыздарын+
Жиндерге курмандыкка чалышкан+.
38 Жазыксыз канды+,
Уул-кыздарынын канын төгүшкөн,
Аларды Канаандын буркандарына курмандыкка чалышкан+.
Ошентип, жер кан төгүүдөн арамдалган+.
39 Алар иштеринен улам булганышкан+,
Адеп-ахлаксыз мамилелерге барышкан+.
40 Ошондо Жахаба өз элине каарданып+,
Өз мурасынан жийиркенип калган+.
41 Аларды көп жолу элдердин колуна салып берген+,
Жек көргөн душмандарына башкартып койгон+.
42 Душмандары аларды эзишкен,
Өз бийлигине баш ийдиришкен+.
43 Кудай көп жолу куткарса да+,
Алар тил албай, козголоң чыгарып+,
Күнөөлөрү үчүн басынтылышкан+.
44 Бирок Кудай алардын муң-зарын угуп+,
Алардын оор абалына назарын салган+.
45 Өзүнүн алар менен түзгөн келишимин эстеген+,
Улуу мээримдүүлүгүнүн молдугу боюнча аларды аяган+.
46 Аларды туткундагандардын баарына
Аларга боор оорууга түрткү берген+.
47 Оо, Жахаба Кудайыбыз, бизди куткар+,
Ыйык ысмыңа ыраазычылык билдиришибиз үчүн+,
Сени кубаныч менен даңкташыбыз үчүн+,
Бизди элдердин арасынан чогулт+.
48 Ысрайылдын Кудайы Жахаба+
Түбөлүктөн түбөлүккө даңкталсын.
Бүт эл «оомийн» десин+.
Жахты даңктагыла!+
