Жөндөө мүмкүнчүлүгү

Тилди тандаңыз

Кошумча менюну көрсөтүү

Мазмунун тизмесин көрсөтүү

Мазмунун көрсөтүү

Жахабанын Күбөлөрү

кыргыз

Онлайн Ыйык Китеп

ЫЙЫК КИТЕПТИН «ЖАҢЫ ДҮЙНӨ КОТОРМОСУ»

Жеремия 9:1—26

9  Башым суунун башаты, көзүм жаштын булагы болсо кана!+ Анда элимдин кызынын өлтүрүлгөн уулдарын күн-түн дебей жоктоп ыйлаар элем+.  Чөлдө жолоочулар токтогон жайым болсо кана!+ Анда элимди таштап, алыска кетер элем. Анткени баары — ойноштук кылып жүргөндөр+, ишенимсиздердин жыйыны+.  Калп айтуу үчүн алар тилин жаадай ийишет+; бул жерде ишенимдүүлүгү менен таанылышкан жок. «Алар жамандык артынан жамандык кылышты, мени баркка алышкан жок»+,— дейт Жахаба.  «Ар бириңер өз жакыныңардан сактангыла+, бир туугандарыңардын эч кимисине ишенбегиле+. Анткени бири экинчисине бут тосуп+, жакынына жалаа жаап жатат+.  Ар бири жакынын алдап жатат+, чындыкты айткан эч ким жок. Алар тилин калп айтууга көндүрүшкөн+, жаман иштерди кылып жүрүп чарчашкан+.  Сен жалгандыктын так ортосунда отурасың+. Жалгандыгынан улам алардын мени билгиси жок»+,— дейт Жахаба.  Ошондуктан асман аскерлеринин Кудайы Жахаба мындай дейт: «Мен аларды эритем, сынайм+. Элимдин кызына дагы эмне кылмакмын?+  Алардын тили — өлтүрө турган жебе+. Сүйлөгөн сөздөрү — жалгандык. Адам оозу менен өзүнүн жакынына досторчо сүйлөйт, бирок жүрөгүндө ага буктурма коёт»+.  «Ушунун баары үчүн мен аларды жоопко тартпаймбы? — дейт Жахаба.— Ушундай элден жаным өч албай коёбу?+ 10  Тоолорду жоктоп ыйлайм+, ээн талаадагы жайыттарды жоктоп кошок айтам. Анткени алар өрттөнөт+, ал жактан эч ким өтпөй калат, малдын да үнү угулбай калат+. Асман канаттуулары учуп кетет, айбандар качып кетет, бири да калбайт+. 11  Мен Иерусалимди таштардын үймөгүнө+, чөөлөрдүн ийинине+, Жүйүт жериндеги шаарларды эч ким жашабаган ээн жерге айлантам+. 12  Муну түшүнгүдөй ким даанышман, айтып бергидей Жахаба кимге сүйлөгөн?+ Жер эмне үчүн кыйрайт, эмне үчүн чөлдөй күйүп, андан эч ким өтпөй калат?»+ 13  Жахаба мындай деди: «Себеби алар мен берген мыйзамды таштап, ага ылайык жашашкан жок, тилимди алышкан жок+. 14  Тескерисинче, жүрөктөрүнүн өжөрлүгү боюнча иш кылып+, ата-бабалары үйрөткөндөй+, Баалдардын артынан жүрүштү+. 15  Ошондуктан Ысрайылдын Кудайы, асман аскерлеринин Кудайы Жахаба мындай дейт: „Мен аларга, бул элге, эрмен жедирем+, уу кошулган суу ичирем+. 16  Аларды өздөрү да, ата-бабалары да билбеген элдердин арасына чачыратып жиберем+, кырып жок кылмайын алардын артынан кылыч жиберем“+. 17  Асман аскерлеринин Кудайы Жахаба мындай дейт: „Түшүнүү менен иш кылгыла, кошокчуларды чакыргыла+, кыйындарын чакырткыла, келишсин+. 18  Тез келип, бизди жоктоп ыйлашсын. Көзүбүздөн жаш куюлсун, кирпиктерибизден суу аксын+. 19  Сиондон: “Кандай гана талоонго калдык!+ Кандай гана уят болдук! Анткени биз жерибизди таштап кеттик, турак жайларыбыз талкаланды”+,— деген ый угулуп жатат+. 20  Оо, аялдар, Жахабанын сөзүн уккула, анын оозунан чыккан сөзгө кулак төшөгүлө. Кыздарыңарга ыйлаганды+, бири-бириңерге кошок кошконду+ үйрөткүлө. 21  Анткени балдарды көчөдөн, уландарды аянттардан кырыш үчүн терезелерибизден, мунаралуу чебибизден өлүм кирип келди“+. 22  Аларга мындай деп айт: „“Адамдардын өлүктөрү талаадагы кыктай, орокчунун артындагы жаңы орулган эгиндей ташталат, аларды эч ким жыйнабайт”,— дейт Жахаба“»+. 23  Жахаба: «Акылман акылмандыгына+, күчтүү күчүнө+, бай байлыгына мактанбасын»,— дейт+. 24  «Мактана турган адам түшүнүккө ээ экенин, мени билерин+, менин Жахаба экенимди, жер жүзүндө мээримдүүлүк, акыйкаттык, адилдик менен иш кылган Кудай экенимди+ билерин айтып мактансын+, анткени мага ушулар жагат»+,— дейт Жахаба. 25  «Мына, сүннөткө отургузулганы менен, сүннөтсүз жүргөндөрдүн баарын өзүм жоопко тарта турган күндөр келатат,— дейт Жахаба+.— 26  Мен Мисирди+, Жүйүт жерин+, Эдомду+, Амон уулдарын+, Маапты+ жана ээн талаада жашаган, саамай чачын кырктырган ар бир элди жоопко тартам+. Анткени бул элдердин баары сүннөткө отургузулган эмес, бүт Ысрайыл үйү болсо жүрөгүн сүннөттөгөн эмес»+.

Шилтемелер