Мазмунун көрсөтүү

Кошумча менюну көрсөтүү

Мазмунун тизмесин көрсөтүү

Жахабанын Күбөлөрү

кыргыз

Онлайн Ыйык Китеп | ЫЙЫК КИТЕПТИН «ЖАҢЫ ДҮЙНӨ КОТОРМОСУ»

Жеремия 6:1—30

6  Бенжемин уулдары, баш калкалаар жай издегиле, Иерусалимден качкыла, Текояда+ мүйүз сурнай тарткыла+. Бет-Акеремде+ от күйгүзүп, белги бергиле. Анткени түндүктөн алаамат, чоң бүлгүн келатат+.  Сион кызы сулуу, эрке аялга окшош эле+.  Ага койчулар оторлорун айдап келип, айланасына чатырларын тигишти+. Ар бири оторун өз жерине жайды+.  Алар ага согуш жарыялап*+: «Тургула, түштө чыгалы!» — дешти+. «Шорубуз каткан тура: күн батканы калды, кечки көлөкөлөр узарып баратат!»  «Тургула, түн ичинде чыгып, мунаралуу чебин талкалайлы»+.  Асман аскерлеринин Кудайы Жахаба мындай дейт: «Бак-дарактарды кыйгыла+, Иерусалимди курчоого алып, дөбө үйгүлө+. Ал шаар жоопко тартылууга тийиш+. Анын ичи зордук-зомбулукка толгон+.  Кудуктагы суу эскирбегендей, ал шаардын жаман иштери да эскирбей келет. Ичинде зордук-зомбулук менен талап-тоноочулук угулуп жатат+. Оору менен дарт ар дайым көз алдымда.  Оо, Иерусалим, менин жаным сенден жийиркене баш тартпашы үчүн+, сени эч ким жашабаган ээн жерге айлантпашым үчүн+, оңол»+.  Асман аскерлеринин Кудайы Жахаба: «Алар Ысрайылдын калдыгын жүзүмдүн калдыгын тергендей терип кетишет+. Жүзүмчүгө окшоп, колуңду кайрадан жүзүмдүн бутактарына узат»,— дейт. 10  «Уксун деп кимге сүйлөйүн, кимге эскертейин? Алардын кулагы сүннөттөлгөн эмес, ошон үчүн кунт коюп угушпайт+. Алар Жахабанын сөзүн барк алышпайт+, анын сөзүн жакшы көрүшпөйт+. 11  Жахабанын каары ичиме толуп чыкты, аны тыйып жатып чарчадым»+. «Ичиңдеги каарды көчөдөгү балдарга да+, уландардын тобуна да төк. Эркек аялы менен кошо, карыя карылыгы жеткен киши менен кошо кармалат+. 12  Алардын үйлөрүнө, талааларына, аялдарына башкалар ээлик кылат+. Анткени мен колумду бул жердин тургундарына каршы сунам»,— дейт Жахаба+. 13  «Алар кичинесинен чоңуна чейин арам оокат издешет+, пайгамбарынан тартып дин кызматчысына чейин анткорлук кылышат+. 14  Тынчтык жок болсо да+: „Тынчтык! Тынчтык!“ — деп, элимдин жараатын айыктырымыш болушат+. 15  Алар жийиркеничтүү иштери үчүн уялышабы?+ Уялып коймок турсун, уялуу деген эмне экенин да билишпейт+. Ошондуктан алар кулагандар менен бирге кулашат+. Мен жоопко тартканда, чалынып жыгылышат»,— дейт Жахаба. 16  Жахаба: «Бараткан жолуңарда токтоп, карап көргүлө. Байыркы жолдор тууралуу сураштыргыла, кайсы жолдун жакшы экенин сурап билип+, ошол жолго түшкүлө+. Ошондо жаныңар жай табат»,— деген+. Алар болсо: «Барбайбыз»,— деп туруп алышкан+. 17  «Мен үстүңөрдөн күзөтчүлөрдү+ коюп: „Мүйүз сурнайдын+ үнүнө кулак салгыла!“ — дегем». Бирок алар: «Кулак салбайбыз»,— деп болбой коюшкан+. 18  «Андыктан, элдер, уккула! Оо, жамаат, алардын эмне болорун бил. 19  Ук, жер жүзү! Мен алардын башына мүшкүл түшүрөм+. Алар өз ойлорунун жыйынтыгын көрүшөт+, анткени менин сөздөрүмө кулак салбай, мыйзамымды четке кагышкан»+. 20  «Шебадан+ ладан, алыскы жерден жыттуу камыш алып келгениңдин мага эмне кереги бар? Силердин бүтүндөй өрттөлүүчү курмандыктарыңар мени кубантпайт+, курмандыктарыңар мага жакпайт»+. 21  Ошондуктан Жахаба мындай дейт: «Мен бул элдин жолуна таш коём+. Ошондо ал ташка баары: аталары да, уулдары да чалынат; кошунасы да, досу да өлөт»+. 22  Жахаба мындай дейт: «Мына, түндүк тараптан бир эл келатат. Жердин кыйырынан улуу эл көтөрүлөт+. 23  Алар жаа, кыска найза менен куралданышат+. Алар — мыкаачы, таш боор эл. Деңиздей күр-шар добуш менен+, атка минип жетип келишет+. Оо, Сион кызы, алар сага каршы аскердик тартип менен келатышат»+. 24  Биз бул тууралуу уктук. Кайратыбыз качты+. Азапка малындык, толгоосу келген аялдай кыйналдык+. 25  Талаага чыкпа, жолдо жүрбө: кылычын көтөрүп душман жүрөт; айлананы коркунуч басты+. 26  Элимдин кызы, таар курчанып+, күлгө оона+. Жалгыз уулуңду жоктоп ыйлагандай ыйла, күйүт тартып боздо+, себеби кыргын салуучу бизге күтүлбөгөн жерден келет+. 27  «Мен сени элимдин арасында кенди сыноочу, кылдат текшерүүчү кылдым. Сен алардын жолуна көңүл буруп, аларды сынайсың+. 28  Баары жеткен өжөр+, жалаачы+. Алар — жез, темир; бири калбай бузуку+. 29  Көөрүктөр*+ күйүп кетти. Алардын отунан коргошун чыкты+. Эритүүчү бекер эле убара болду: ыймансыздар бөлүнүп чыккан жок+. 30  Алар жараксыз күмүш деп аталат+, анткени Жахаба аларды жараксыз деп эсептейт»+.

Шилтемелер

Сөзмө-сөз: «согушту ыйыктап».
Көөрүк — от үйлөткүч шайман.