Жөндөө мүмкүнчүлүгү

Тилди тандаңыз

Кошумча менюну көрсөтүү

Мазмунун тизмесин көрсөтүү

Мазмунун көрсөтүү

Жахабанын Күбөлөрү

кыргыз

Онлайн Ыйык Китеп

ЫЙЫК КИТЕПТИН «ЖАҢЫ ДҮЙНӨ КОТОРМОСУ»

Жеремия 48:1—47

48  Ысрайылдын Кудайы, асман аскерлеринин Кудайы Жахаба Маап+ тууралуу мындай дейт+: «Небонун+ башына каран түн түштү, анткени ал таланып-тонолду! Кириатайым+ уятка калды, басылып алынды. Коопсуз чеп маскара болду, аны коркунуч басты+.  Мындан ары Маап даңазаланбайт+. Хешпондо+ ага каршы жамандык ойлоп: „Жүргүлө, эл деген атын өчүрүп, аны кырып таштайлы“,— деп жатышат+. Сен да, Мадмен, унчукпа. Артыңдан кылыч келатат.  Хоронайымдан+ өкүрүк угулуп, эл таланып-тонолуп, чоң кыйроого учурап жатат.  Маап кыйратылып+, кичинекей балдарынын чаңырыгы угулуп жатат.  Лухитке+ чыгып бараткандар ыйлап баратышат. Хоронайымдан түшүп келаткандар кыйроодон улам боздоп келатышат+.  Качкыла, жаныңарды сактагыла+, ээн талаадагы арчадай болгула+.  Өз иштериңе, байлыгыңа таянганың үчүн сени басып алышат+. Кемос+ өзүнүн дин кызматчылары, төрөлөрү менен бирге+ туткунга кетет+.  Кыйратуучу ар бир шаарга кирип келет+, бир да шаар аман калбайт+. Өрөөн жок болот, түздүк ойрон болот. Муну Жахаба айтты.  Маапка жол белгисин койгула, анткени шаарлары урандыга айланганда, эли качып жөнөйт+. Анын шаарлары үрөй учурарлык абалга учурайт, бир да тургуну калбайт+. 10  Жахабанын тапшырмасын көңүл коштук менен аткарган адамга каргыш тийсин!+ Кылычын кан төгүүгө жумшабаган адамга каргыш тийсин! 11  Мааптыктар жаш чагынан бейкапар жашайт+, шараптын тундурмасындай тынч жатышат+. Алар идиштен идишке куюлган жок, туткундалган жок. Андыктан алардын даамы жакшырган жок, жыты өзгөргөн жок. 12  „Мына, ошондуктан мындай күндөр келатат,— дейт Жахаба.— Ошол күндөрү мен аларды кыйгачынан коё турган, идиштерин бошотуп, кумураларын талкалай турган кишилерди жиберем+. 13  Ысрайыл үйү өзү таянган Бейтелден+ улам уят болгондой, мааптыктар да Кемостон улам уят болушат+. 14  Силер: “Биз эр-азаматтарбыз, күчтүү жоокерлербиз”,— деп айтууга кантип батынасыңар?“+ 15  „Маап ээн калды, шаарлары басылып алынды+. Эң мыкты жигиттерин мууздаганы алып кетишти“+,— дейт Падыша, асман аскерлеринин Кудайы Жахаба деген ысымдын ээси+. 16  Жакында мааптыктардын башына мүшкүл түшөт, аларды каптай турган алаамат тездик менен жакындап келатат+. 17  Коңшуларынын баары, алардын ысмын билгендердин баары+ аларга боор ооруйт. „Күч-кубат союлу, көрк таягы сынды!“ — дегиле+. 18  Дибон+ кызы+, тургуну, даңктуу ордуңан түш, суусап отур, анткени сага каршы Мааптын кыйратуучусу келатат. Ал чептериңди талкалайт+. 19  Ароер+ тургуну, токто, жолду кара. Качып бараткандан, качып кутулгандан: „Эмне болду?“ — деп сура+. 20  Маап уят болду, аны коркунуч басты+. Боздогула, өкүргүлө. Мааптын таланып-тонолгонун Арнондо+ жар салгыла. 21  Түздүктөгү жер, Холон, Жаас+, Мепат+, 22  Дибон+, Небо+, Бет-Диблатайым, 23  Кириатайым+, Бет-Гамул, Бет-Меон+, 24  Кериот+, Бозра+, Маап жериндеги жакынкы жана алыскы шаарлардын баары жазаланды+. 25  „Мааптын мүйүзү кесилди+, колу сынды+,— дейт Жахаба.— 26  Аны мас кылгыла+, анткени ал Жахабага кыйынсынды+. Маап өзүнүн кусундусуна оонап+, шылдың болду. 27  Ысрайыл сага шылдың болбоду беле?+ Ал уурулардын арасынан кармалды беле?+ Сен болсо ал тууралуу айткан сайын башыңды чайкачусуң. 28  Маап тургундары, шаарларыңарды таштап, аскада жашагыла+, үңкүрдүн оозуна уя салган көгүчкөндөй болгула„»+. 29  «Биз өтө менменсинген Мааптын текебердиги+, кекирейгендиги, бой көтөргөндүгү, менменсингендиги, жүрөгүнүн текебердиги+ жөнүндө укканбыз». 30  «„Мен анын каарын билем,— дейт Жахаба,— анын мактанганы курулай. Сөздөрү — ооздун жели+. Алар айтканын аткарбайт+. 31  Ошондуктан Маапты ойлоп боздойм, бүт Маапты ойлоп өксөйм+. Кир-Херестин+ тургундарын ойлоп онтойм. 32  Сибма+ жүзүм сабагы, Жазерди+ жоктоп ыйлаганга караганда сени көбүрөөк жоктоп ыйлайм. Сенин гүлдөгөн бутактарың деңиздин аркы жагына жетти, деңизге — Жазерге+ — жетти. Жайкы жемиштериңе+, жыйнаган жүзүмүңө талап-тоноочу кол салды+. 33  Бакчадан, Маап жеринен кубаныч менен шаттык кетти+. Жүзүм сыккычтарды шарап бергис кылдым+. Эч ким жүзүмдү көңүлдүү тебелебейт. Шаңдуу үн угулбайт“»+. 34  «„Алардын үнү, кыйкырыгы Хешпондон+ Элалеге+, Жааска+ чейин, Соардан+ Хоронайымга+, Эглат-Шелишиага+ чейин угулат+, анткени Нимримдин суулары какшыйт+. 35  Мен Мааптагы бийик жерде курмандык чалгандарды, кудайына курмандык түтүнүн түтөткөндөрдү жок кылам+,— дейт Жахаба.— 36  Ошондуктан жүрөгүм Маап үчүн чоордой сыздайт+, Кир-Херес+ үчүн чоордой сыздайт. Анын топтогон байлыгы жок болот+. 37  Ар биринин чачы+, сакалы алынган+. Ар биринин колу тилинген+, ар бири белине таар курчанган!“»+. 38  «„Мааптын бардык үйлөрүнүн үстүндө, аянттарында, бардык жерде эл боздоп жатат+, анткени мен Маапты керектен чыккан идиштей кылып талкаладым+,— дейт Жахаба.— 39  Анын үрөйү учту! Боздогула! Маап артка чегинди! Маап уятка калды, тегерегиндегилердин баарына шылдың болду+, алардын үрөйүн учурду“». 40  «Жахаба мындай дейт: „Бүркүткө окшоп, бирөө ылдый шукшурулат+, Мааптын үстүнө канатын жаят+. 41  Шаарлар басылып алынат, чептери каратылып алынат. Ошол күнү Мааптын эр-азаматтарынын жүрөгү толгоодон кыйналып жаткан аялдын жүрөгүндөй болот“»+. 42  «„Маап жок кылынат, эл болбой калат+, анткени ал Жахабага кыйынсынды+. 43  Маап тургуну, сени коркунуч, аң, тузак күтүп турат+,— дейт Жахаба.— 44  Коркунучтан качкан адам аңга түшөт, аңдан чыккан адам тузакка илинет“+. „Анткени мен аны, Маапты, жазалай турган жыл келет+,— дейт Жахаба.— 45  Качып бараткандар алдан тайып, Хешпондун көлөкөсүнө токтошту. Бирок Хешпондон от+, Сихондун+ ичинен жалын чыгып, Мааптын башын, козголоңчул уулдарынын төбөсүн жалмап кетет“+. 46  „Маап, башыңа каран түн түштү!+ Кемостун+ эли кырылды. Уул-кыздарың туткундалып кетти. 47  Мен акыркы күндөрдө Мааптын туткундагы элин чогултам+,— дейт Жахаба.— Маапка чыгарылган өкүм ушуну менен аяктайт“»+.

Шилтемелер