Жөндөө мүмкүнчүлүгү

Тилди тандаңыз

Кошумча менюну көрсөтүү

Мазмунун тизмесин көрсөтүү

Мазмунун көрсөтүү

Жахабанын Күбөлөрү

кыргыз

Онлайн Ыйык Китеп

ЫЙЫК КИТЕПТИН «ЖАҢЫ ДҮЙНӨ КОТОРМОСУ»

Жеремия 35:1—19

35  Жүйүт падышасы Жошия уулу Жаякимдин+ күндөрүндө Жахабанын Жеремияга айткан сөзү:  «Рехап уулдарынын+ үйүнө барып, алар менен сүйлөш да, аларды Жахабанын үйүндөгү ашканалардын бирине ээрчитип келип, ичкенге шарап бер».  Мен Хабасиния уулу, Жеремия уулу Жазанияны жана анын бир туугандарын, бүт уулдарын, Рехап уулдарынын баарын ээрчитип келип,  Жахабанын үйүнө, чыныгы Кудайдын кишиси Игдалия уулу Ханандын уулдарынын ашканасына+ киргиздим. Ал төрөлөрдүн ашканасынын жанында, дарбаза кайтаруучу Шалум+ уулу Маасеянын ашканасынын үстүндө жайгашкан эле.  Анан мен Рехап уулдарынын алдына шарап толтурулган чөйчөктөр менен кеселерди коюп: «Ичкиле»,— дедим.  Бирок алар мындай дешти: «Биз шарап ичпейбиз. Себеби Рехап+ уулу Жонадап, биздин атабыз, мындай буйрук берген: „Түбөлүккө шарап ичпегиле: өзүңөр да ичпегиле, балдарыңар да ичпесин+.  Үй салбагыла, үрөн сеппегиле, жүзүм тикпегиле да, жүзүмзарга ээлик кылбагыла. Келгин болуп жүргөн жериңерде узак жашашыңар үчүн+, өмүр бою чатырларда жашагыла“.  Ошон үчүн биз атабыздын, Рехап уулу Жонадаптын, айткандарынын баарына карманабыз+. Өмүр бою шарап ичпейбиз: өзүбүз да ичпейбиз, аялдарыбыз да, уул-кыздарыбыз да ичпейт+.  Биз жашаш үчүн үй салбайбыз, жүзүмзарга, айдоо талаасына ээлик кылбайбыз, үрөн сеппейбиз, 10  чатырларда жашайбыз. Атабыз Жонадаптын+ айткандарынын баарына карманабыз, тил алабыз+. 11  Бирок Бабыл падышасы Небухаданасар бул жерге кол салганда+, биз: „Жүргүлө, каздимдиктер менен сириялыктардын аскерлеринен качып, Иерусалимге баралы да, ошол шаарда жашайлы“,— дегенбиз»+. 12  Ошондо Жахаба Жеремияга мындай деди: 13  «Ысрайылдын Кудайы, асман аскерлеринин Кудайы Жахаба мындай дейт: „Жүйүт элине, Иерусалимдин тургундарына барып, мындай де: “Силерди менин сөзүмдү угууга кайра-кайра үндөшкөн эмес беле?+ — дейт Жахаба.— 14  Рехап+ уулу Жонадаптын айтканы эки болгон жок: уулдарына шарап ичпөөнү буйруган эле, алар ушул күнгө чейин шарапты оозуна албайт. Анткени атасынын буйругуна баш ийишет+. Мен да силерге айткам, эрте туруп айткам+, силер болсо тилимди алган эмессиңер+. 15  Мен силерге кызматчыларымды — пайгамбарларды — жиберип тургам+, эрте туруп жиберип тургам. Силерге: “Суранам, ар бириңер жаман жолуңардан кайткыла+, иштериңерди оңдогула+, башка кудайлардын артынан ээрчибегиле, аларга кызмат кылбагыла+, мен силерге, ата-бабаларыңарга берген жерде жашай бергиле”,— дегем+. Бирок силер кулак төшөбөй койгонсуңар, мени укпай койгонсуңар+. 16  Рехап+ уулу Жонадаптын уулдары атасынын берген буйругун аткарышат+. Бул эл болсо мени укпайт”“»+. 17  «Ошондуктан Ысрайылдын Кудайы, асман аскерлеринин Кудайы Жахаба мындай дейт: „Мына, мен Жүйүт элине, Иерусалимдин бардык тургундарына айткан алааматтардын баарын каптатам+. Анткени айтканымда, укпай коюшкан, чакырганымда, жооп бербей коюшкан“»+. 18  Анан Жеремия Рехаптын уулдарына мындай деди: «Ысрайылдын Кудайы, асман аскерлеринин Кудайы Жахаба мындай дейт: „Силер атаңар Жонадаптын+ осуятын бузбай, анын осуяттарынын баарын аткарып, бардыгын анын буйругу боюнча кылып келатканыңар үчүн+, 19  Ысрайылдын Кудайы, асман аскерлеринин Кудайы Жахаба мындай дейт: “Рехап уулу Жонадаптын тукуму ар дайым менин алдымда+ турат”“»+.

Шилтемелер