Жөндөө мүмкүнчүлүгү

Тилди тандаңыз

Кошумча менюну көрсөтүү

Мазмунун тизмесин көрсөтүү

Мазмунун көрсөтүү

Жахабанын Күбөлөрү

кыргыз

Онлайн Ыйык Китеп

ЫЙЫК КИТЕПТИН «ЖАҢЫ ДҮЙНӨ КОТОРМОСУ»

Жеремия 20:1—18

20  Жахабанын үйүндөгү башкы көзөмөлчү+, дин кызматчы Имер+ уулу Пашкур, Жеремиянын пайгамбарлык кылып айткан ушул сөздөрүн угуп турган эле.  Ошондо Пашкур Жеремия пайгамбарды сабап+, Жахабанын үйүндөгү Бенжеминдин жогорку дарбазасынын алдында кишендеп койду+.  Эртеси күнү Пашкур Жеремияны кишенден бошотту+. Ошондо Жеремия ага мындай деди: «Жахаба сенин атыңды Пашкур* дебей, Магор-Мисабип*+ деп өзгөрттү+.  Жахаба мындай дейт: „Мен сага да, сени жакшы көргөндөргө да коркунуч жиберем. Алар душмандарынын кылычынан сулайт+, аны сен өз көзүң менен көрөсүң+. Бүт Жүйүттү Бабыл падышасынын колуна салып берем. Ал аларды Бабылга туткундап кетип, кылычтап өлтүрөт+.  Бул шаардын бүт мүлкүн, кирешесин, баалуу нерселерин, Жүйүт падышаларынын бүт казынасын душмандарына берем+. Алар баарын талап-тоноп, Бабылга алып кетишет+.  Сен болсо, Пашкур, үйүңдөгүлөр менен бирге туткунга кетесиң+. Бабылга барып, ошол жерде өлөсүң, өзүңдү жакшы көргөндөр+ менен бирге ошол жакта көмүлөсүң, анткени сен аларга жалган пайгамбарлык кылгансың“»+.  Сен мени алдадың, оо, Жахаба, мен алдандым. Күчүңдү мага каршы колдонуп, мени жеңдиң+. Мен эртеден кечке күлкү болдум, баарына шылдың болдум+.  Сүйлөп баштаарым менен эле кыйкырам. Зордук-зомбулук, талап-тоноочулук жөнүндө кыйкырам+. Жахабанын сөзү үчүн эртеден кечке маскара, шылдың болом+.  Ошондо: «Мындан ары аны сөз кылбайм, анын атынан сүйлөбөйм»,— дедим+. Бирок анын сөзү жүрөгүмдө алоолонуп күйгөн, сөөктөрүмдө камалган оттой болду. Мен аны ичимде кармап жатып чарчадым, чыдабай кеттим+. 10  Көптөрдүн жалаасын уктум+. Айлананы коркунуч басты. «Ага каршы айта турганыңарды айткыла+, ошондо биз да айтабыз». Мени менен тынчтыкта болумуш болгондордун баары аксап калышымды күтүп жүрүшөт+. «Балким, алданар+. Ошондо биз аны жеңебиз, өчүбүздү алабыз»,— деп жатышат. 11  Бирок Жахаба сүрдүү, күчтүү жоокер сыяктуу+ жанымда+. Ошондуктан мени куугунтуктагандар чалынып жыгылышат, жеңе алышпайт+. Алар катуу уят болушат, анткени ийгиликке жетишпейт. Түбөлүккө басынтылышат, анысы эч качан унутулбайт+. 12  Бирок сен, оо, асман аскерлеринин Кудайы Жахаба, адил адамды байкап турасың+, анын жан дүйнөсүн*, жүрөгүн көрүп турасың+. Мен сенин алардан өч алганыңды көрсөм экен+, анткени доомду сага ачып бердим+. 13  Жахабаны даңктап ырдагыла! Жахабаны даңазалагыла! Анткени ал жакырдын жанын кыянатчылдардын колунан куткарды+. 14  Мен төрөлгөн күнгө наалат! Мени энем төрөгөн күн батасыз калсын!+ 15  «Уулдуу болдуң!» — деп сүйүнчүлөп, атамды кубанткан адам+ каргышка калсын. 16  Ал киши Жахаба эч өкүнбөй кыйраткан шаарлардай болуп калсын+. Эртең менен боздогон үндү, чак түштө согуш ураанын уксун+. 17  Эмне үчүн ал мени энемдин ичинде жатканымда эле өлтүрүп салбады экен? Энем менин мүрзөм болуп, ал түбөлүккө кош бойлуу болуп жүрсө кана!+ 18  Ичинен эмнеге чыктым экен?+ Түйшүк, кайгы тартыш үчүнбү+, өмүрүмдүн акырына чейин уят болуш үчүнбү?+

Шилтемелер

Мааниси: «айланада калган».
Мааниси: «айланада коркунуч».
Сөзмө-сөз: «бөйрөктөрүн».