Жөндөө мүмкүнчүлүгү

Тилди тандаңыз

Кошумча менюну көрсөтүү

Мазмунун тизмесин көрсөтүү

Мазмунун көрсөтүү

Жахабанын Күбөлөрү

кыргыз

Онлайн Ыйык Китеп

ЫЙЫК КИТЕПТИН «ЖАҢЫ ДҮЙНӨ КОТОРМОСУ»

Жеремия 13:1—27

13  Жахаба мага: «Бар да, зыгыр кур сатып алып, аны белиңе курча, бирок сууга салба»,— деди.  Мен Жахабанын сөзү боюнча кур сатып алып, белиме курчадым.  Жахаба мага экинчи ирет кайрылып:  «Белиңдеги сатып алган куруңду ал да, тур, Эфратка+ бар, аны асканын жаракасына катып кой»,— деди.  Мен Жахабанын буйругу боюнча барып, курду Эфраттын жээгине катып койдум.  Көп күндөн кийин Жахаба мага: «Тур, Эфратка бар да, ал жерден менин буйругум боюнча катып койгон куруңду ал»,— деди.  Мен Эфратка барып, курду катылган жерден казып алдым. Кур чирип, эчтекеге жарабай калыптыр.  Анан Жахаба мага мындай деди:  «„Жүйүттүн текебердиги+ менен Иерусалимдин ашынган текебердигин ушинтип чиритем,— дейт Жахаба.— 10  Менин сөздөрүмдү уккусу келбей+, жүрөктөрүнүн өжөрлүгү боюнча иш кылган+, башка кудайларга кызмат кылып, таазим этип+, алардын артынан жүргөн бул ыймансыз эл эчтекеге жарабай калган ушул курдай болот“. 11  „Киши курду белине тартып курчангандай эле, мен бүт Ысрайыл үйү менен бүт Жүйүт үйүн өзүмө тартып жакындаттым+,— дейт Жахаба.— Алар менин элим+, атагым, даңкым, көркүм болсун дедим+, бирок алар тил алган жок“+. 12  Аларга бул сөздү айт: „Ысрайылдын Кудайы Жахаба: ”Ар бир чоң кумурага шарап толтурулат”,— дейт“+. Алар сага: „Биз, эмне, ар бир чоң кумурага шарап толтуруларын билбейт бекенбиз?“ — дешет. 13  Сен болсо аларга мындай де: „Жахаба: “Мен бул жердин бардык тургундарын, Дөөтүнүн тактысында отурган падышаларды+, дин кызматчылар менен пайгамбарларды, Иерусалимдин бардык тургундарын мас болгуча шарапка тойгузам”,— дейт“+. 14  „Мен аларды кагыштырам, аталарын да, уулдарын да кагыштырам+,— дейт Жахаба.— Боор оорубайм, өкүнбөйм, аларды аёосуз кырам“+. 15  Уккула, кулак салгыла. Бой көтөрбөгүлө+, анткени Жахаба сүйлөп жатат+. 16  Караңгылык каптата электе+, күүгүмдө тоолордон бутуңар чалына электе+, Жахаба Кудайыңарды даңктагыла+. Болбосо, жарыкты күткөнүңөрдө+, ал коюу караңгылык каптатат+, жарыкты караңгы түнгө айлантат+. 17  Эгер укпай турган болсоңор+, текебердигиңердин айынан жаным жашыруун жерлерде ыйлайт, көз жашым төгүлөт. Көзүмдөн жаш куюлат+, анткени Жахабанын отору+ туткундалып кетет. 18  Падыша менен канышага+: „Төмөнүрөөк отургула+, анткени башыңардан кооз таажы алынат“,— деп айт+. 19  Түштүктөгү шаарлар жабылды, аларды ача турган эч ким жок. Жүйүт бүт бойдон туткундалып кетти, баары туткунга айдалды+. 20  Башыңды көтөрүп, түндүктөн келаткандарды кара+. Сага тапшырылган отор, сонун оторуң кайда?+ 21  Өзүң башынан үйрөткөн жакын досторуң+ сага назар салганда, эмне дейсиң?+ Төрөп жаткан аялдай кыйналбай коёсуңбу?+ 22  Ошондо ичиңен+: „Мунун баары менин башыма эмне үчүн түштү?“ — дегениңде+, этегиңдин ачылганы+, согончогуңдун жараланганы күнөөлөрүңдүн көптүгүнөн болгонун билип кой. 23  Куштук*+ киши терисин же кабылан темгилдерин өзгөртө алабы?+ Өзгөртө алса, жамандык кылууга көнгөн силер да жакшылык кыла алмаксыңар+. 24  Ошондуктан мен силерди чачыратып жиберем+, чөлдүн шамалы учурган самандай кылам+. 25  Бул — сенин энчиң, менден алган үлүшүң+,— дейт Жахаба,— анткени сен мени унутуп+, жалгандыкка таянып жүрөсүң+. 26  Мен этегиңди бетиңе жабам, ошондо маскара болосуң+, 27  ойноштук кылып+, кишенеп+, уятсыз* жүрүм-турумга берилип, сойкулук кылып жүргөнүң билинет. Мен сенин жийиркеничтүү иштериңди адырлардан, талаалардан көрдүм+. Оо, Иерусалим, башыңа каран түн түшөт! Качанга чейин тазаланбай+ жүрө бересиң?»+

Шилтемелер

Эфиопиялык.
Же: «бузуку».